تعبانة بالله عليكم فيدوني اتوسل اليكوا

حبيبتى اهدى السن ده كده بيبيقي النوم ملخبط انا ابنى كان كده متقلقيش وبعدين مفيش ارق في السن ده واديها ينسون بينيم جدا قبل النوم هتهدي وتنام ومتقلقيش كلنا مرينا بالمرحله ديه ربنا يعينك كل الامهات بتعاني في المرحله ديه

عادي متخفيش وبلاش القلق ده كل الاطفال في السن ده بيعانوا من نفس المشكله ولسه بدري علي مشاكل الارق دي وهي مرحله وهتعدي وكلنا مرينا بيها وربنا يعينك ويعنا يارب

لا تقلقى حبيبتى كل الاطفال فى السن ده بتكون كده بس عليكى باليتسون والاعشاب المهدئه للاطفال وان شاء الله هتكون زى الفل

عزيزتي هو الاطفال في السن ده طبيعي يعني ما يبئاش نومهم متظبط قوي يعني بس اللي مش طبيعي ان يكون تحت عنيها مغمق و همدانة زي ما بتؤلي و بعدين يعني ايه ما يقدروش يدوها حاجة تهديها او تنيهمها لاء طبعا في ادوية امنة و اطباء بيوصفوها فممكن تستشيري طبيب ااطفال تاني او تعمليلها تحاليل دم ما يضرش اهو تتطمني بردو انا اسفة على الاطالة وشكرا عزيزتي لتقبلك رأي و شكراً

بسم الله الرحمن الرحيم

خلاصة تجربة شخصية

اولا لازم تحطي شوية حاجات في اعتبارك واهم حاجة اهم حاجة اياك والضغط على اعصابك علشان انتي الاساس لحل المشكلة ده لو كان فيه مشكلة

وتتاكدي بانك تدوري على دكتور اطفال استشاري كويس يعمل تحاليل كاملة علشان تتاكدي من وجود السبب العضوي ويللي اعتقد انه مش حيكون موجود لان بنتك صدقيني طبيعية ومفيهاش ولا حاجة ، والاطفال عموما لازم يمروا باوقات (يللي احيانا بتطول) مابيناموش كويس وبيتعبو مامتهم كثييييييييييييير

الخطوة الاولى هي الاطمئنان على الصحة

الخطوة الثانية (يللي محتاجة للصبر ) انك تحاولي تنظمي اوقات النوم بتعها بدقة شديدة وتحطي في اعتبارك انها تكون شبعانة لما يجي وقت النوم علشان ميتكدرش نومها من الجوع ودي حاجة مهمة جدا جدا ، وياريت لو تحميها مباشرة قبل وقت النوم ومايضرش لو استعملتي الاعشاب زي الينسون والكاموميليا لانها دات تأثير مهدئ مثبت علميا ومريح جدا وبعدين نيميها وصدقني وبالتجربة بعد مرور وقت ومش طويل حتلاحظي ان بنتك بتنام بالساعة ومابتصحاش للصبح

نوم العوافي انشالله

ويارب ايخليهالك

وخدي بالك من نفسك كمان علشان انتي لازم تكوني بتمام الصحة والنشاط علشان تغطي على اي عقبات ممكن تحصل وبأدن الله مش حتصل

وربي يحميك انتي وبنتك

وسامحيني طولت عليكي

يااارب اكون افدتك