ساعدونى بالله عليكم

السلام عليكم ورحمة الله وبركاته
انا بشكركوا جدا يا اميرات على القسم الرائع ده بجد مفيد جدا ويخلى الواحد يحكى من غير خجل
هحكيلكوا وياريت استفيد برايكوا من غير تجريح لانى بجد ندمانه اوىىىىىىىىىىىىى
انا
مخطوبة من ولد كنت مرتبطه بيه وبحبه 3 سنين وبقالنا تقريبا سنة مخطوبين بس
لما كنا مرتبطين كنت بعامله رسمى اوى يعنى كله ممنوع وكنت بقوله كفايه انك
عارف انى مستنياك وهكون ليك وكده بعد الخطوبه بقى هو ما صدق ان الموضوع
اخيرا بقى رسمى فاعتبر ان كل حاجه دلوقتى مباحه ولانى كنت بحبه
جداااااااااااااااااااااا وكان ع طول يحسسنى بالذنب لما كنا مرتبطين لاننا
مش كنا زى التانيين كنت بحاول ارضيه بقى ايام الخطوبه ع سبيل التعويض
وللاسف لانى بحبه جدا وهو كمان بيحبنى جدا حصل بينا تجاوزات وبصراحه كانت
منه بس انا مش كنت بصده فى الاول حاولت بس بعد كده مش عرفت وكان كل مرة
بعدها احس بالذنب اوى واقوله ده مش هيحصل تانى وهو كان بيقولى حاضر واللى
يريحك وبيرجع يحصل هو مش وحش بس عشان فترة الحب دى طولت هو خلاص زهق وتعب
وبابا مش راضى يكتب الكتاب الا قبل الفرح باسبوع واحنا لسه فاضلنا سنة كمان
ع الجواز دلوقتى بقى انا خلاص اخدت الفقرار ان ده عمره ما هيحصل تانى مهما
حصل والحمد لله بقالى فتره بنفذه وهو كمان بيحاول ينفذه زيى بس انا عايزه
اعرف ازاى اكفر ع اللى حصل بينا ده انا وهو عشان ربنا يسامحنا ويباركلنا فى
جوازنا انا مستعده اعمل اى حاجه اى كفارة بس ربنا يغفرلى ويباركلى فى حبى
وفى جوازى وفى الراجل اللى اخترته وهو كمان مستعد يعمل اى حاجه اقوله عليها
عشان نبقى كويسين واحس انى مبسوطة معاه لما اكون معاه فى طاعة وحب لربنا
ارجوكوا ساعدونى انا عارفه انى غلطت بس ارجوكوا قولولى ايه الكفارة
ملحوظه
(التجاوزات لم تتجاوز حد كبير فانا الحمد لله انسة هى تجاوزات مقدرش اقول
صغيره لانها حرام بكل المقاييس وانا اعلم ذلك ولكن لله الحمد لم تتجاوز حد
معين )
شكرا لكل واحده هتساعدنى وتدعيلى بظاهر الغيب ان ربنا يسامحنى ويعفو عنى ويغفرلى انا وخطيبى ويباركلنا فى جوازنا ويجمعنا فى طاعته  

انا مش عارفه اقولك غير انك تصلى ركعتين توبه لله وتندمى على ما فعلتى وتطلبى المغفره من الله ولاتقنطى من رحمة الله ان الله غفور رحيم وربنا يهديكى وخطيبك ويكملكوا على خيرانت وجميع بنات المسلمين

معلش ياحبيبتى صلى واطلبى من ربنا يسامحك وربنا حنين اوى وهيسامحك بس بجد خدى عهدعلى نفسك ان دا ميتكررش تانى وربنا يباركلك ويتمملك بخير
ونشوفك احلى عروسة فى الدنيا كلها

يا حبيبتى ربنا غفور رحيم باذن الله لكن الكفاره بجد لا اعلمها بس كملي وصومى انتى وهوه علشان ربنا يعصمكم ويثبتكم يارب والحمد لله انك رجعتى لربنا ده مفرحنى اوى في ناس بتعيش في الغيبوبه ومش بيراعوا ربنا ولا بيرجعوا ابدا عن خطئهم بجد ربنا يثبتك انا سعيده اوي بيكي واستمرى وياريت حد يقولك علي الكفاره وهحاول ادورلك من عنيه الااتنين تسلمي من كل سوء يا حبيبتى يارب يسعدكم ويجمع بينكم في خير يارب ويبعد عنكم كل شر

انشاء الله ربنا هيسامحك ويغفرلك ذنوبك يا قمر ادعى انتى بس واستغفرى ربنا كتير وانا برضه احاول اسالك على الكفاره انا اعرف واحده شيخه بتعرف فى الحاجات دى هسالها قريب انشاء الله وارد عليكى يا قمر

شوفي ياقمر قال الله تعالي بسم الله الرحمن الرحيم( وهو الذي يقبل التوبة عن عباده ويعفو عن السيئات) صدق الله العظيم
ربنا سبحانه وتعالي غفور رحيم وباذن الله يغفرلك بس اهم حاجه تتوبي توبه نصوحه ودي شروطها بتكون 3 شروط
اول شرط تستغفري ربنا كتيييييييييير
تاني شرط انك تندمي بجد علي كل حاجه عملتيها
تالت شرط هو العزم علي عدم العوده بمعني انك فعلا من جاوكي تقرري انك مش راجعه للذنب ده تاني
وبأذن الله ربنا يقبل توبتك ويغفرلك وحاولي تقربي من ربنا اكتر
وربنا سعدك ويتملك علي خير ويهديلك خطيبك ان شاء الله

انا بجد مش عارفة اشكركوا ازاى ربنا يجازيكوا خير يا احلى اميرات بجد ريحتونى وحسستونى ان فى امل ربنا يرضى عنى ويسامحنى انا بجد متشكرة اوى لاهتمامكوا وردودكوا وياااااااااااااااااااااااااارب يكرمكوا ويعفوا عنكوا ويريح بالكوا ويحققلكوا اللى نفسكوا فيه يااااااااااااااااااااااااااااااااااااااارب بالله عليكوا مش تنسوا تدعولى انا وخطيبى ان ربنا يعفو عنا ويثبتنا

ربنا يكرمك يا حبيبتى وبجد انتى نورتينا وشرفتينا وربنا قادر يكرمكم من واسعه باذن الله ويجمع بينكم في خير يارب ويعفو عنكم يارب

ربنا يغفرلكم وثبتكم علي ايمانه

الموضوع دا فعلا بيحصل كتير
بس الاهم اننا فوقنا خلاص ونتوب

ساعتها ربنا بس هو اللي هيريح قلبنا

قولي اللهم اني ظلمت نفسي ظلما كثيرا فاغفرلي انه لا يغفر الذنوب الا انت

هو مافيش كفاره ان شاء الله بس لازم تتوبى وتعقدى العزم انك ماترجعيش لحاجه زى دى تانى
وواضح ماشاء الله عليكى انك ندمانه وحاسه بغلطتك وده اهم حاجه استغفرى كتير وادعى ربنا يغفرلك وربنا يباركلكم يارب واوعى ترجعى لكده ولازم خطيبك يبقى صادق النيه معاكى على حاجه زى كده
وربنا يكملكم على خير