بالله عليكم تساعدونى

بسم الله الرحمن الرحيم
انا حلمت خير اللهم اجعله خير
انى عند عمى فى بيته وكانت جدتى موجوده عايشه مع العلم ان جدتى فى الحقيقه ميته
وانا فى الحلم كنت زعلانه اوى وخطيبى فى الحلم كان سابنى وقولت حتى هو سابنى لوحدى
ووالدى قالى يلا نروح
قمت اسلم على جدتى ووطيت على ودنها قولتلها ادعيلى
بصتلى وقالتلى ادعيلك بايه
قولتلها اى حاجه
قالتلى ربنا يعوض عليكى عوض الصابرين
وباقى الحلم انى نازله متعصبه وبابا كان معاه عمى وخطيب اختى وخال والدى فى العربيه وجيت اركب العربيه بابا طلع بالعربيه ادام شويه فاتعصبت وركبت العربيه متعصبه
بس اهم حاجه فى الحلم جدتى
دا معناه ايه
ان انا وخطيبى هانسيب بعض ولا هاموت و ايه بالظبط
يارب تساعدونى

لما يكون الحلم وحش بلاش نفسره لانه في حديث عن رسول الله صلي الله عليه وسلم
معناه ان الحلم معلق في قدم طائر اذا فسر وقع

يعنى الحلم دا وحش

استبشري خير ان شاء الله خير ومحدش لو صحي من النوم مضايق من الحلم يحكيه ده مهم اوى اوى زي روان ما بتقلك وان شاء الله خير مش شرط يتحقق ساعات بتبقي حاله وضغط نفسي انسيه يا قمر واى وقت تصحي من حلم مضايقه استعيذى باالله من الشيطان الرجيم وانسيه

شكرا على مساعدتكو
واسفه على الازعاج
بس انا قالقنى الحلم اوى مش اكتر

يا حبيبتى مفيش قلق ابدا ازاى تقولى كده ده انا نتمنى نساعدك بس ده لمصلحتك عارفه جدتى كانت بتقولي احكي الحلم يا ايما للبيب او حبيب علشان التفسير بيتحقق فاستبشري خير باذن الله متقلقيش يا قمر واحنا معاكيفي اي مساعده

اولا حبيبتى كلام روان صح لما يكون الحلم فيه ضيق بلاش تحكيه فى نفس اليوم اللى صحيتى فيه بس ممكن وعادى تحكيه تانى يوم فهمانى والحلم بيبن انك كنت مضيقة فيه وانا اسمع انه الضيق والزعل والحزن فى الحلم فرج بس برضه الله اعلم وزى ما كوكيه بتقول انك لما تحلمى حلم وحش استعيذى بالله من الشيطان وتتشائمى حيببى ممكن عقل باطن ومن الشيطان وفى كلا الاحوال ان شاء الله خير مش تقلق ياقمر عادى كلنا اوقات بنحلم بكوابيس بس ممكن يكون تقلتى جامد فى عشواية ولا حاجةهههههههههه

بجد متشكره اوى كلامكو ريحنى جزاكم الله كل خير
ربنا يسعدكو كلكو يارب

اسبشري خير يا قمر وانا مش حقدر ازود كلام علي اللي قالوه اخواتي ليكي وتفائلي خير باذن الله