تنويه مهم يا اميرات عن النقل

يا بنات تنويه مهم علشان بيحصل مشاكل كتير بسسبب الموضوع ده حاولوا تجمعوا وتضيفوا افكاركم مع اضافه صور بمعنى حمله جمع وقطه ولصق نكتب مجمع ومنقول او منقول لو خالص النقل لان بيحصل مشاكل كتير وارجو عدم النقل تمامااااااااااا من منتدي فتكات لانهم بيسببوا مشاكل كتير لو حد نقل منهم حاجه مع انى عارفه انكم هتقولوا ما كل المنتديات بتنقل مننا ومش بيكتبوا حاجه ولا منقول ولا غيره بس احنا بنعامل ربنا في الاول وفي الاخر وده حق الاخرين وكما نحب ان نعامل هنعامل الناس \

مستنيه تاقلكم وعلشان محدش يقول علينا مش مبدعين هههههههههههههه احنا امكانياتنا باذن الله وباسلوبنا نقدر نعمل حاجه وموضوع التجميع صدقونى ممتع جدا وبيخلي اللي قدامك يرد غصب عنه ولو حلقات كمان بيبقي احلي يارب اكون افدتكم بتنويه يعلي من اسم منتدانا ونتالق باحلي صحبه صحبه احلي اميرات
لا تنسوا كلمه منقول بقي لو نقلتم حاجه يعنى ههههههههههههه ان شاء الله ابداعتنا تخلينا مننقلشي

انا بصراحة لما باخد موضوع من اي منتدي بكتب عليه منقول
وكمان بحاول علي اد ماقدر لما اعمل موضوع اقطع واجمع من كذا مكان عشان ميكونش الموضوع منقول بالكامل

ليكي كل الحق يا ابلتي كوكو

كلامك صح يا كوكى

وان شاء هيتنفذ

وبسلم مجهودك

ماشى كلامك ياكبيره والله انا بضيف حاجات وب
غبير حاجات عشان ميكنش طبق الاصل وبكتب منقوول

الله عليكم هما دول اميرتنا الجامدين انا متاكده اننا قريب جدا كمان هنعمل مواضيع تهز النت كله هههههههههههه بالتعاون مع بعض يا بنات هنطلع احلي مواضيع ان شاء الله تسلموا ليه يا حبيبي يارب

ربنا يصلح الحال ويهدى الناس انا عن نفسى مش بحب انقل منهم هما بالذات لانى مالقتش عندهم اصلا الجو اللى عندنا
وبعدين واللهالدنيا مش مستاهله منهم الزعل
لازم تبقى نيه كل الناس هى النفع والافاده
ربنا يهدينا جميعا
وحاضر ياكوكى
مش هنسى كلمه منقول لو نقلت مع انى الحمد لله عمرى مانستها
ههههه

عندك حق ياكوكى المنتدى ده غريب وزى ما بتقول رورو ما عندهمش جو زى اللى عندنا والحمد لله ربنا يديم علينا المحبة يااااارب وانا عن نفسى عمرى ما حاولت اخد من عندهم حاجة وربنا يهدى الجميع يااااااارب وان شاء الله ماانساش كلمة منقووووول مع انى مش بنقل اى حاجة من اى منتدى وربنا يوفق الجميع

roro25285 كتب:ربنا يصلح الحال ويهدى الناس انا عن نفسى مش بحب انقل منهم هما بالذات لانى مالقتش عندهم اصلا الجو اللى عندنا
وبعدين واللهالدنيا مش مستاهله منهم الزعل
لازم تبقى نيه كل الناس هى النفع والافاده
ربنا يهدينا جميعا
وحاضر ياكوكى
مش هنسى كلمه منقول لو نقلت مع انى الحمد لله عمرى مانستها
ههههه

تسلمي ليه يا احلي رورو واحلي اخت للاسف مش اول مره يوجهوا كلامم ودعاوي علينا مش فاهمه ليه مع انهم الله بينقلوا مننا كتير ومش ممكن هسيطر علي المنتدي كله محدش يدخل عندهم ولا ينقلوا اي معلومه بجد مش مره اتعرضوا لينا مش ادارتهم علي فكره ديه بنات من عندهم وانا عندي لينكات من عندهم ومن منتديات تانيه كتير ناقلين مننا ولا حتى كلمه منقول بس القضيه مش خناق ولا المعلومات بتبقي حكر علي حد بس للاسف الناس كلها مش زي بعض في التفكير والفايده تعم احسن للجميع بس بردوا مادام بيضايقوا ملهاش لازمه وعالم الانترنت لا يخلو يا بنات من المواضيع الشيقه الحمد لله علي حاجات كتير عندنا وان شاء الله نبقي علي اد المسئوليه ونختار مواضيع كلها رفي وشياكه زي الاميرات المتواجدين في المنتدي يستحقوا اكتر من كده بكتير الحمد لله انا لم اذكره قبل كده يا بنات بس قلت اقول الاسم لان بجد كذا مره يتكلموا ويبعتوا ويدعوا علينا بطريقه مش ظريفه فقلت ملهاش لازمه انا مش بحب المشاكل ابدا زي ما انتم عارفين
يارب يخليكي ليه يا رورو يارب ويديم المحبه بينا

mervat ebrahim mohamed كتب:عندك حق ياكوكى المنتدى ده غريب وزى ما بتقول رورو ما عندهمش جو زى اللى عندنا والحمد لله ربنا يديم علينا المحبة يااااارب وانا عن نفسى عمرى ما حاولت اخد من عندهم حاجة وربنا يهدى الجميع يااااااارب وان شاء الله ماانساش كلمة منقووووول مع انى مش بنقل اى حاجة من اى منتدى وربنا يوفق الجميع

للاسف يا ميرفت انا مش بحب اذكر حد بس المشكله اتكررت فبجد بضايق جدا وخاصه ان واحده دخلت علي الفيس تقولي اتقوا الله الموضوع زيه في منتدي كذا بتاريخ كذا وموضوع اصلا هما كمان ناقلينه ومنتديات تانيه كتير ومره قبل كده حصلت مشكه كبيره ودخلوا اشتركوا علشان يشتمونا بنات من هناك بردوا مع ان اللي نقله كاتبه انه منقول بس للاسف الطريقه والشتيمه لقيتهم كاتبين ادخلوا هنا واشتركوا وظبطوهم شتيمه لا كلام يوجع ونوهت ساعتها بس للاسف مكنتوش معايا ايامها فمن الاخر اتضطريت اقول الاسم بعدا عن المشاكل الله العظيم مواضيع كامله من عندنا منقوله وبتجيلي اللينكات وحصريه لروان وغيرها ومن غير حتى منقول مش بزعل بقول هنثبت نفسنا اكيد ما دام بنعمل خير بس الا الدعاء وانا بصراحه مش بحب الاسلوب بتاع الحوار ومش بحب حد ينقل الطريقه لاننا لينا اسلوب مختلف انا مش عارفه قدرت اوصل المنتدي لاسلوب الحوار الراقي ولا فشلت بس انا نفسي نبقي علي مستوي منتدي لك او عالم حواء وسيدتى كلهم بجد بيشدونى جدا لحوارهم الراقي وتناولهم للمواضيع بشياكه حتى لما بلاقي عنوان او كلام مش شيك بحاول اشيله وده عايزاكم تشجعوني عليه نحافظ علي مستوي الحوار ده واي حد جديد يدخل بينا نوجهه لنفس اسلوبنا اللي احنا ماشين عليه يارب نقدر نحافظ علي الشياكه والرقي في مواضعنا يا بنات حسه ان ده هيختلف كتير في الاطار العام للمنتديات المصريه باذن الله نعمل صوره مشرفه لكل بنات العرب
ان شاء الله منحتجش عن قريب ابدا اننا ننقل اي حاجه ونكون صرح كبير قولوا يارب بتعاونكم وبجد المجموعه الراقيه المحترمه اجمل الاميرات الي معايا منورنى ديما يارب وهنحقق كل اللي نتماه باذن الله