تنويه مهم يا اميرات هام جدا

ازيكم يا احلي وارق اميرات طبعا في القانون العام للمنتدي ان مفيش اي توجهات سياسيه نهائي علي المنتدي ولا توجه دينى بعينه وجه مهم جدا حاليا بالاخص في حاله البلد واللي احنا شايفينه وكمان لان المنتدي مش دينى متخصص ولا بينادي بطائفه معينه متوسطيين ومش مهيأيين لاي فتاوي من اي نوع فحرصا علي البلد وحرصا علي التمسك بقواعد بناء المنتدي بعيدا عن اي انقسامات او مشاكل المواضيع الشائكه او السياسيه البحته او النكت علي الاخرين او اي كان محدش عنده استعداد مننا كلنا يشيل ذنب لا نكته ولا غيره وكله بيصب علينا واحنا عايزين تجمع خير بعيد عن الطائفيه نهائي او السخريه من احد او اي حاجه بنزل اخبار عامه وكمان الخبر اللي صحته غير مؤكده محدش ينزله لاننا عايزين انترنت بدون فتنه وكمان نساند بلدنا بفئه من المثقفات الراقيات اللي مش بيشاركوا في اي مشاكل بالعكس بنساند البلد بتربيتنا لولادنا وتمسكنا بدينا والتركيز علي الانتاج يا قمرات ونظرا للمقدمه العريضه اوي ديه وانا مش بحب التنويهات الكتير خالص يا بنات مش بحبها وانتم هتكونوا رقباء علي المنتدي واى موضوع ظائفي يا بنات ارسلوا تقرير ضروري او سياسي طبعا في مشكله انتم اللي هتساعدونى ان المنتدي توجهاته تبقي واضحه ومحدش يقدر يغير اسلوبنا
وبناءا عن هذه المقدمه يا بنات يحق للمشرفات لو شافوا اي موضوع يبعتوا ليه مباشره او انا لو شوفت موضوع وحسيت انه بيمثل مشكله هيتم حذفه بدون الرجوع لصاحبته وده مش من اسلوبنا الحالي لاني بحب ابلاغها اولا ولكن تظرا للظروف الحاليه لبلدنا فصالح بلدنا في اعتقادي الشخصي اهم بكتير ولازم اي ح بينزل الموضوع وانا قبلكم بفكر مليون مره قبل اي موضوع بيمس بلدي الي لا يمكن نتهاون فيه كلنا
تحيه لاحلي اميرات وياريت تشاركونى بالراي بيسعدنى مشاركاتكم بالاراء البناءه اللي بتدل علي حبنا لبعض وتجمعنا يارب يستمر ويكبر يارب

عندك حق يا قمر
وربنا يبارك لك و يجازيكي خير

انا معاكى طبعا ربنا يعدى الفتره دى على خير يارب ويصلح الحال فى مصر ويحفظها ويحفظ اهلها

كلامك مظبوط جدا يا كوكيه لان اى حد فينا هينزل موضوع فى السياسة ولا اى حاجة من دى حد هيدخل يرد واكيد اراءنا كلنا مش زى بعدها واكيد هنسخن على بعض وهى الحكاية مش ناقصة تسخين خالص كفاية الطوائف والحاجات الغريبة اللى بقينا نسمعها فيستحسن نبقى بعيد عن اننا نفتى فى حاجة ولا نقول رأى او شاعة واحنا مش نكون متأكدين منها فنسبب فى مشكلة احنا فى غنى عنها
انا معاكى كوكيه وان شاء الله احنا هنبقى واعيين للى حاصل ربنا يستر وتعدى الفترة دى على خير حبيبتى

يارب يا بنات بجد انا قلقانه جدا

معاكي حق وكلنا معاكي