الأرز بالكبده

السلام عليكم ورحمة الله وبركاته

انا انهارده جيبلكم طرية عمل اكلتى المفضله
وهى الأرز بالكبده

المقادير:
نص كيلو كبد بقر
بصلتين مقطعين شرائح
3 او 4 حبات فلفل لخضر وممكن تستخدموا فلفل اخضر حار (حسب الرغبه)
وشوية بقدونس مفروم خشن
وملح وفلفل والتوابل اللى تحبوها

الطريقه:
نجيب الكبده ونغسلها كويس اوى بالماء والخل
بس ما تسيبوش الخل علها لمده طويله لانها مش بتستحمل
نقطع الكبده قطع صغيره
نجيب اناء ونحط فيه شوية زيت ونحط معاه البصل ونسيه شويه لحد ما يذبل
نحط عليه الكبده ونحط علهم شوية ملح وفلفل اسود
انا بحب احط عليهم قرفه وبكترها شويه لأنها بتعمل طعم رائع ورائحه أروع
وبحب احط بهارات وشوية زنجبيل صغيرين
نسيب الكبده شويه على النار لحد ما لونها يتغير ويبقى أفتح
وتبقى طريه اكتر من الأول
وبعدين نحط عليها الفلفل الأخضر و نسيبها
اول لما تقرب تستوى خالص نحط معاها البقدونس ونسيها لحد ما تستوى خالص

الأكله دى بيتعمل معاها أرز ابيض

الأكله دى تكفى أربع اشخاص

يارب ما اكنش طولت عليكم و دى اول مشاركه ليا بموضوع جديد
ويارب ما يكونش متكرر واتمنى تجربوها
وأمانه عليكم تدعولى انا وأسرتى كلها بالتوفيق والصحه واليسر
وماتبخلوش عليا بردودكم الحلوه

وصفه جميله اوي تسلمي يا حبيبتى جوعتينا

يا قمر خلاص اتفضليها بالهنا والشفا

تسلم ايدك يا قمر

يا حبيبتى بألف هنا وشفا

تسلم ايديكى

تسلم ايديكى