فراخ بالحمص والصوص الاحمر

فراخ بالحمص مع الصوص الأحمر
المقادير:

• 4 أوراك فراخ
  
• حبة بصل
  
• 3 حبات طماطم
  
• ملعقة زبدة وزيت
  
• 1/2 حزمة كسبرة
  
• 3 حبات فلفل ملون
  
• كوب حمص مسلوق
  
• ملعقة صلصة طماطم
  
• ملح وفلفل
  

الطريقة:
1- اغسلي الفراخ وسوّيها نصف تسوية، يا إما تسلقيها يا إما تدخّليها الفرن.

2- في الوقت ده حضّري الصوص، قطّعي البصل والفلفل شرايح رفيعة، وشوّحيهم مع الثوم في الزيت والزبدة.

3- بعدين حطي عليهم عصير الطماطم والصلصة والحمص وسيبيهم شوية لحد ما يتسبكوا.

4- حطي الكسبرة المفرومة على الصوص وتبّليه بالملح والفلفل.

5- رصي الفراخ في صينية، وحطي عليها الصوص، ودخليها الفرن على درجة حرارة 120 لمدة 15 دقيقة.

6- قدمي الفراخ مع الصوص، وبالهنا والشفا.