البراني (برام البامية)

المقادير:

• كيلو لحمة
  
• كيلو إلا ربع بامية
  
• بصلة كبيرة مفرومة
  
• 2 فص ثوم مفروم
  
• 2 ملعقة كبيرة زبدة أو سمنة
  
• ملح وفلفل
  
• بهارات
  

الطريقة:
1- اغسلي اللحمة كويس، واسلقيها في شوية مية، وبعد كده صفّي الشوربة كويس، وشيليها على جنب.

2-
هاتي الطاجن اللي هتعملي فيه البامية، وشوّحي فيه البصلة مع الزبدة أو
السمنة، لغاية ما يبقى لونها دهبي، وبعد كده ضيفي اللحمة المسلوقة،
وقلّبيهم مع بعض.

3- وبعد كده ضيفي الثوم المفروم، وقلّبي الخليط مع
بعضه شوية، وبعدين ضيفي البامية مع التقليب لمدة دقيقة، وبعد كده تبّليها
بالملح والفلفل والبهارات، وبعد كده ضيفي كوب شوربة من اللي سلّقتي فيها
اللحمة، وسيبيها تغلي شوية على النار، وبعد كده ارفعيها من على النار،
ودخّليها الفرن على درجة حرارة متوسطة، وسيبيها لمدة نصف ساعة، وطلّعيها
وقدّميها مع أرز بالشعرية.