عاوزة طريقة طاجن السبيط ضروريييييييييييييي

بصي يا ستى انا متخصصه في عزومات السمك هههههههههههههه انا بعمله زي البورسعيديه واحده صحبتى من بورسعيد علمته ليه بصي هتجيبي السبيط وتقعيه ترانشات صوابع طويله وتقسميها بحجم مناسب بس مش صغيره مش مكعبات يعنى اوك وتجيبي حمص طبيخ وتنقعيه او تغليه لغايه مينفش خالص وتقطعي طماطم وفلفل اخضر وطبعا تتبليه توم وحركات زي السمك كمون وكسبره ده السبيط وسيبيه في التتبيله شويه وشوحي الطماطم والفلفل واعملي الصلصه في طريقتين طريقه تسبكي الصلصه وتخلطي عليها الطماطم والفلفل والحمص والسبيط او تعملي ني في ني حسب ما بتحبي التسبيك انا بعمله ني في ني يعنى بضيف الطماطم والفلفل وال حمص والسبيط علي بعض واضيف معلقتين صلصه وسيبيه يعيش بقي علي النار ومياه طبعا شويه علشان الطمطاطم والفلفل بينزلوا بيبقي رووووووووووووعه واى سؤال من عنيه جربته كتير والناس بتتهبل عليه ان شاء الله يعجبك

الله يا كوكا شكل طريقته جامدة جدااااااااااا هجربها واقولك تسلم ايدك يا احلي اخت

الله اكبر عليكى يا كوكى استاذه كبيره
بصى يا ستى انا سئلتلك لقتهم بردو بيقطعوه صوابع وبيحطوه فى الصلصه وطبعا فيها كمون وثوم زى اى سمك يعنى
زى ما كوكى بتعمله كده بس قالولى علشان ميشدش منك يكون بلدى علشان الصينى مالى الدنيا ويكون مش كبير بردو علشان ميشدش
وبالهنى والشفا حببتى

انا مش هقدر افيدك لانى معلشى مش عارفة اصلا يعنى ايه السبيط انا مش برتاح فى السمك بكل انواعه بس انا الصراحة معرفش يعنى ايه سبيط
بعد ما تعمليه وطلع حلو نزلى الطريقة بالصور عشان لو حلو وطريقته تحببنى فى السمك شوية ماشى ابقى اعمله وبعدين دانتم عرفينه انا مش عرفاه ازاى يبقى مشهور وانا مش عرفاه وانا سمعاكم بتقولوا اسكندرية وبحرى وبورسعيد هو مش مشهور فى المنصورة ولا ايه ههههههههههههههههههه

تسلموا يا قمرات اول ما تعمليه قولي ليه هيطلع حلو ولا ايه ؟؟؟؟؟؟؟؟؟؟ بالهنا والشفا يا قمرات

تسلمولي يا اميرات واكيد يا كوكا اول ما هعملوا هقولك علطول

ياريت اول ما تجربية تقوليلنا علشان نعملة
انا بحبة بس مش بعرف اعملة

اوك يا اوشي