عندى مشكلة وخايفة اوى

ازيكم حبايب هارتىىىىىىىىىىىىىىىىى
معلشى انا خايفة اوى لقيت شعراية بيضة فى شعرى ومرة برضه لقيت واحدة على هدومى انا خايفة انه شعرى يبيض بدرى اصل انا بابا شعره ابيض من وهو صغير وراثة يعنى وخايفة اكون طلعت ليه بليز لو حد يعرف اى حاجة عن الموضوع ده يقول انا عايزة حل يمنع ان الشعر الابيض يظهر والمشكلة دى عند ابن خالى برضه شعره ظهر فيه شعر ابيض كتيير وراثة زى مامته بس الحمد لله انا شعراية واحدة ويارب مش يظهر ليا تانى
معلشى حبايبى هتعبكم معايا بس انا فعلا قلقانة من الموضوع ده

ساعات بيكون السبب فى ظهور الشعر الابيض مش بس الوراثه كمان القلق والضغط العصبى بيأتر جدا
ماتقلقيش انا عندى بيظهرو بس شعرات بسيطه مش حتلاقلى نفسك فجأه شعرك كله ابيض ان شاء الله

حصلت معايا يا ايمى ايام الثوره اللي فيها البلطجيه ديه بجد اتخضيت جامد اوى وكانوا لما بيصفروا بتبهدل كنت مرعوبه لما فوقت من الخضه بعد الدنيا ما هديت شويه لقيت شعره بيضه ديه من الخضه ههههههههههههههه وممكن طبعا اللي عندك وراثه متقلقيش مش شرط هدورلك علي حاجات بتقلل الشيب المبكر ده بس متقلقيش انا طلعت واحده كده وخلاص

تسلميلى يابطتى انتى وكوكى هى فعلا ممكن تكون من الخضة والقلق بس انا برضه خايفة تبقى وراثة لبابا انا دورت فى المنتدى مش عارفة مش لاقية ليه انا هستنى اللى هتجبيه ليا يا كوكيه
ويسلملى اهتمامكم وردودكم عليا حبايبى