عندى استفسار صغير

اولا انا مش عارفة انا باكتب فى المكان الصح والا لاانا باشترى حلل ومش عارفة اشترى ايه بمعنى انا كنت بفكر مادام الالومنيوم مش صحى اشترى طقم استانلس وطقم تيفال بس قالولى ان الالومنيوم عملى اكتر فمش عارفة اشترى 3 انواع والكمية اد ايه وهل ينفع اشترى حلل فردى واد ايه والا لازم اشترى بالطقم حاسه ان 3 اطقم كتير انا سمعت كمان ان مع الصينى واطباق المطبقية لازم اشترى طقم عشا عاوزة اعرف استخدامه واجيب اى  نوع معلش طولت عليكوا

الاستانلس و التيفال احسن حاجة
و الاحسن كمان الستانلس
علي اساس ان التيفال الطبقة بتاعته ممكن تروح من كتر الاستعمال
هاتي بس حلتين تيفال للرز و الخضار
و الاستانلس براحتك كملي بيه الطقم بتاعك
الالومنيوم اضراره اكتر من فوايده بلاش منه احسن
و اه ممكن تشتري بالحلة عادي يعني
و مافيش حاجة اسمها لازم
انتي عاوزة تجيبي طقم عشا اوك مش عاوزة براحتك خالص ده مش من الاساسيات
ده مجرد عشان لو عازمة حد علي العشا يبقي تقدميه في طقم خاص بيه

أهلا بيكي يا قمر معانا
الاستانلس طبعا صحي اكتر بكتير من الالومنيوم و احسن منه بس هاتى نوع يبقي تقيل علشان يبقي كويس و ميحرقش الاكل و فى نفس الوقت ميبوظش بسرعه و بالنسبه للتيفال انا بحب اجيبه لاستخدامات معينه زى الارز
يعنى نوعى بين الاستانلس و التيفال بس مش لازم طقم كامل تيفال بس اكيد كمان هتحتاجى صوانى بايركس
و مش عارفه تقصدى ايه بطقم عشاء اللى اعرف انه بيتجاب الطقم الصيني و طقم اركوبال بتاع البيت و بيبقي شكله حلو

يعنى الاستانلس عملى ويستحمل الاستخدام اليومى ومش لازم اجيب الومنيوم وممكن اجيب مع الاستانلس تيفال صح 
انا اقصد بطقم العشا اللى هو الاركوبال

فعلا يا مرام و بالنسبه للاركوبال انا بستخدمه فى البيت الطقم العادى اللى بناكل فيه و الصيني اللى بقدم فيه للضيوف

والله ما بعرف فى الحاجات دى اد كده بس انا داخله علشان اقولك منوره المنتدى

معلش طب انا عندى استفسار اخر هو فى فرق بين مفرش السرير والدرابية والا هما حاجة واحدة وياريت لو تقولولى اجيب عدد اد ايه معلش اصلى خبرتى على ادى فى الحاجات ديه وربنا يجازيكم خير

نورتينا يا قمر ونورتى المنتدي قصدك ايه بالدرابيه اللي اعرفه الدرابيه ده تفصيله معينه للفساتين وستائرالدرابيه بس وضحي ليه يا حبيبتى اكتر علشان افهم