ياجماعة لو حد عنده حل لمشكلتى يرد عليا بسرعة

ورحمة الله وبركاته
ياريت ياجماعة لو حد عنده حل لمشكلتى يرد عليا بسرعة
الموضوع محرج بس ياريت حد يرد عليا
مشكلتى ان زوجى بيتفرج على افلام اباحية وانا تعبت معاه كل لما نتصالح نرجع نتخاصم تانى بسبب الموضوع ده وانا زهقت هو زوجى كويس وكل حاجة وانا ديما بذكره بربنا وبقوله افرض موت وانت بتتفرج على الحاجات الوحشه ديه فهو بيندم ويستغفر ويتوب وبعد فترة بيرجع تانى يتفرج وانا اتعارك معاه وانا خلاص زهقت من الموضوع ده وديما بدعيله ان ربنا يهديه وهو مش بيتفرج على الحاجات ديه وانا موجودة فى الشقة بس انا لما برجع بعرف ايه اللى شغله وانا مش موجودة لو حد عنده طريقه سهلة لحجب الافلام الاباحية اللى بتظهر على اليوتيوب معلش يقولى عليه معلش هتعبكم معايا ربنا يجعله فى ميزان حسناتكم

احم احم
ماتحولي انتي تعملي زي اللي هو بيتفرج عليه؟؟؟
يعني هو الراجل مابيتفرجش الا لو عاوز حاجة جديدة
جربي انتي تبتكري معاه الجديد ده
بحيث انه يلاقي معاكي انتي الاستمتاع اكتر من اللي هيلاقيه لو اتفرج علي الحاجات دي
و هو من نفسه هيبعد عنها

و ربنا يهديه و يرشده للطريق الصح
و يبعد عنكو الشيطان

و كمان حاولي تشديه لطريق الايمان تاني
مش بالنصايح و الخناق
لا
مثلا تعالي النهاردة نقرا سوا سورة البقرة
طب تعالي نحفظ سورة يوسف
و اللي يحفظها الاول التاني يجيبله هديه او نعمل حفلة صغيرة علي قدنا
حبة حبة مع اتباعك طرق جديدة فالجماع
ربنا ان شاء الله هيهديه

بصى ياحبيبتى انتى بايدك انك تغيرى كل دا ومش بالخناق ولا النصايح بس زى ما سارة قالت انتى غيرى من نفسك متدلوش فرصة انه يفكر فيها تانى ولا يب للحاجة دى تانى غيرى من طريقتك كل حاجة تخصك خليكى فى نظره دايما جذابة فى عيونه حتى وهو فى شغله يبقى شايفك دايما قدامه حاولى تفضلى مشغلة القران فى البيت دايما ومتبعديش عنه كتير ولاتخرجى كتير وتسيبيه افضلى دايما انيقة وجذابة وفى عندك هنا فى المنتدى ازاى تعملى كل حاجة فى حياتك الاسرية وازاى تغيرى من نفسك انا عارفة انها صعبة ان الزوج يبص لحاجة حرامومش من حقه بس انتى بايدك تغير كل دا وتشغيل القران دايما فى البيت وخصوصا من الكمبيوتر هيخليه يقرب اكتر من ربنا ويبعد عن الاشياء دى وانا هحاول اجبلك البرنامج بتاع منع فتح اى موقع اباحى بس اعرف اسمه واقولهولك على طول وان شاء الله ربنا يهديه ليكى ويبعده عن الاشياء الضار ويقربه منك

بصي يا حبيبتى انا مع ساره جدا في الراي
لازم تجددي وتبتكري وتبعدي عن الروتين في الالعاب الزوجيه وفي اللانجيري التنكري وفي حاجات كتير وكمان حاولى تبعدي عن الخناق والتعليق الاهمال مهم اوي اوي في الفتره ديه وتحاولى تخليه يقرب من ربنا لكن طول ما انتى بتتخانقي هيزيد فيها وبعدين صارحيه بينك وبينه ايه اللي انت عاوزه ومش موجود عندنا وانا هعملك اللي بتحبه خليكي حنيينه الموضوع ده بيبقي زي الادمان لو مخدتيش بالك ممكن يقلب لاكتر من كده لازم تناقشيه في لحظات بهدوء انت بتحب ايه انت تحب التجديد حوار عام فهمانى تجسي نبضه منه هوه ايه المشكله بالظبط ممكن يكون خايف يطلب منك اي حاجه وخاسك انك هترفضي او هتعتبريه مجنون المهم توصلي للي وصله لكده فيه ناس بيبقي مزاج علي فكره ملوش علاقه وتقصير من الزوجه بس بذكائك لازم تخليه ينشغل في حاجات مهمه دبسيه في تمارين رياضيه حاجات تشغل وقته وحاولي متسيبيهوش في البيت لوحده ولازم تبقي عارفه ان اغلب الرجاله كده الا من رحمهم الله من عذابه بس التقويم من الزوجه العاقله مش بالخناق خالص اصبري وادعي له ولازم تغيري من نفسك نهائي واللوك لو شعرك اصفر سوديه لو اسود صفريه واي حاجه كلميه بصراحه هوه عايز ايه وخلي عنده جراه يكلمك باللي عايزه لا حياء بين الازواج علشان تنقذيه من عذاب ربنا وهيبق يليكي ثواب كبير اوي واي حاجه من عنينيا يا حبيبتى احنا تحت امرك

يا حبيبى انا مش مقصره معاه فى حاجة بالعكس بحاول اعمل كل حاجة هوه عايزة بس مفيش فيده بس انتوا عندكم حق انا لحظت انى لما بتعارك معاه بيعاند اكتر ويقولى طول ما انتى بتعملى كده انا مش هبطل انا هحاول انى اعمل اللى بتقوله عليه ويارب يجيب نتيجة معاه
جزاكم الله خيرا

ان شاء الله انا عارفه يا حبيبتى ان في رجاله مش تقصير من الزوجه بس ممكن يكون بيحب حاجات معينه انتى مش عارفاهه او مش مصارحك بيها جربي تساليه بهدوء وطنشيه خاااااااااااااالص مهما شوفتى تماسكي وهتعدي فتره بتعدي صدقينى ادعيله بالهدايه كتير وان شاء الله ربنا يعينك يا حبيبتى اعتبريه عيان وعايزه تساعديه يخف الحياه هتختلف وطريقتك نهائي هي عايزه صبر ووقت واشغليه علي اد ما تقدري وربنا معاكي يا حبيبتى يارب

والله انا معاكى يا سارة انتى وكوكى كلامكم صح مائه بالمائه
وبعدين معظم الرجاله بتعمل الموضوع ده من باب حب استطلاع مش اكتر لو انتى مش اديتيله الفرصه وشغلتيله وقته بكل جديد عندك مش هيفكر بالعكس هيفكر فيكى وايه الجديدة اللى ممكن يشوفه عندك
وربنا يصلح الحال

ربنا يخليكوا ليا كلكم وشكرا كتير على ردودكم يا احلى اميرات

يا حبيبتي المهم سعادتك انتي و راحة بالك
و يااااااااااااااااااااااااارب العام ده يحمل ليكي كل السعادة ولا تحزنيش فيه ابدا

اولا انا موافقه مع ساره فى كلامها كله
وثانيا فى طريقه لحجب الفيديوهات دى بس لو عرف الطريقه هيقدر يشغلها تانى
الطريقه هى انك لما تفتحى اليوتيوب عادى انزلى تحت خااااااااص هتلاقى فى مربع تحت مكتوب فيه safety هتختارى on وبكده هتحجبى كل الفيديوهات دى ومش هتفتح تانى ابدا بس لو هو عرف وغيرها ل off هترجع تشتغل تانى وربنا يهديه وتبقوا اسعد اتنين ويمشى معاكى على الطريق الصحيح