هتطبخي اية اليوم

انا حكربها ان شاء الله يا دوندون وأقولك رأيي ياريت تشاركى معانا علطول

حد شاف اميرة يا بنات

يا جماعة بالنسبة لاكلة امبارح انا ضفت عليها حاجاة كده وحبيت اقولكم عليها
1- فى طبق صغنن حطي مايونيز وكاتشب ومسطردة ورشة شطة للي بيحب الاكل الحامي واخلطيهم مع بعض
2- قطعي كابوتشي قطعة سهلة الاكل
3- فرقي المكرونة كده يعني فكيها من بعضها وفى بولة كبيرة صبي الخليط وقلبي المكرونة وبعدين قطع الكابوتشي وكمان رشة زعتر او اتنين تلاتة انا اصلي بحبه اوي وممكن ملعقة صغنونة زيت زيتون
4- قلبي كل على بعضه واغرفي فى اطباق التقديم المكرونة وبعدين عليها الفراخ بالمشروم ويبقي الصوص مش كتيير خااااااااااااالص
عشان متعومش فى الطبق ههههههههههههه

شكلك فنانه فى الاكل ما شاء الله عليكى

ولا فنانة ولا حاجة كلها افتكاسات مع شوية حركات
هههههههههههههههه
برده التغيير مطلوب

تقريبا كدة محدش بيطبخ اليومين دول لية كدة بس بس علي فكرة انا موجوة بس للاسف اللي عندها عيال ذيي متعرفش ابدا ترد علي موضوع او حتيتكتب موضوع الا اذاكان العيال نايمة ذي دلوقتي كدة
عشان كدة انا مش برد كتير والله يافاطمة انا معاكم دايما
بس زوجي ساعات كتير بياخد الاب تب معاة الشغل عشان كدة مش بقدر اقعد امام النت كت

ماشى يا قمر ابقى طلى علينا من وقت للتانى كده ونورينى بطلتك
انا انهارده كنت معزومه فما طبختش ومش عارفه حطبخ ايه بكره

انا انهارده عملت كالمارى على الجريل
الاول حطيت على الكالمارى ملح وليمون وتوم وسبتهم شويه وبعدين جبت الجريل ودهنته زيت وسبته يسخن على الناروبعدين حطيت الكالمارى يتحمر من على الوشين وبجد جميل جدا

النهاردة ان شاء الله الغدا حيبقي كبدة مشوية وسلطة خضراء

انا ليا سؤال يا فاطمة اصل انا عملت الكالماري مرة واحدة فى البيت ومفكرتش اعمله تاني
هوا بياخد وقت كتير مووووووووووووووووت عشان يستوي وبياخد كمان ميه كتير مش زي باقي المأكولات البحرية

إزاي حيستوي وهوا جريل ؟؟

انا قبل كده لما كنت بعمله كنت بقليه فى الزيت او اعمله مع بصل وطماطم بس بصراحه ماكانش بياخد وقت كتير قوى ولا ميه كتير بس ما كانش بيعجبنى قوى كنت بحب السيبيا ( السبيط ) اكتر
ممكن تكونى بتحبى تخليه يستوى جامد لحد ماتكون لحمته طريه وهو لحمته ما بتكونش طريه زى السمك او الجمبرى
الى علمتنى طريقته على الجريل واحده ايطاليه شغاله فى الاسماك و قالتلى سيبيه 10 دقايق بس لكن انا سبته اكتر من كده وبصراحه طلع جميل جدا وعجبنى جربى تعمليه كده بس جربى فى كميه بسيطه وقوليلى رأيك فيه ايه
وما قولتلناش بتعملى الكبده المشويه ازاى

ولا حاجة طاسة تيفال واسخنها شوية
ونقطة زيت صغنونة
وبعدين بحط شرايح الكبده اسيبها تتشوح وبعدين اقلبها على الناحية التانية
واشيلها على طول وارش عليها رشة ملح وفلفل وممكن كمون وعصير لمونتين حلويين كده عشان تبقي
مزمزة ههههههههههههههههه