لكل محبين الاكل الصيني طريقه عمل البانسيت بالصور و من مطبخي

البنسيت الصيني بجد يا بنات الاكله ديه تحفه و مالهاش حل
و انا شخصيا بحبها اوى علشان كده لما والدتى عملتها صورتهالكوا و جبتلكم الطريقه
ديه هنا وبس حصري حصري وانا اللي مضوراهه من مطبخي


اول حاجه المقادير

فاصوليا
جزر
فلفل رومى الوان
كرنب
فراخ او جمبري
مشروم (عيش الغراب)
و مكرونه الصويا و ده شكلها

و لو معرفناش نجيبها بنستعمل النودلز او اندومى العاديه
وو بهارات حسب الذوق
الطريقه:

بنحط نقطه زيت اوسمنه حسب اللى انتوا بتحبوا و بعين بنحط شويه فاصوليه و نشوحها فى الزيت شويه و بعدين نضيف الجزر و برده نشوحه شويه و بعدين الفلفل الرومى و بيبقى الخطار كله متقطع شرايح زى الصورة و بعدين نحط عليها البهارات اللى بنحبها

و بعدين بنضيف الكرنب و المشروم فى الاخر خالص و بيبقى زى الصورة ديه
بنجيب بعد كده شوربه مغليه و نحط فيها شعريه الصويا او مكرونه الصويا و يادوب ننزلها فى الشوربه و نطلعها علطول علشان ماتتهريش



و بعد مابنطلعها بنجيب المقص بتاع المطبخ و نقصها علشان بتبقى طويله اوى

و نحطها فى طبق التقديم و نحط عليها الخضار والجمبرى او الفراخ بس طبعا بيكونوا مستويين و متقطعين و هو سخن و ديه الصورة النهائيه و بالهنا و الشفا


و بالهنا و الشفا

تسلم ايدك