موسوعه الوصفات المجربه للشعر تعالي ضيفي وصفتك للاهميه زالمساعده

وكمان في حاجة جديدة عملتها بقالي مرتين علي كل وصفة بحط شوية شطة صغيرين خالص وبقلبها فيها اوي لاني بسمع ان لشطة بتنبت الشعر

طب خدى بالك يابوسبوس الشطه مش مضمونه لازم تتاكدى الاول لانها حراقه على فروة الراس وانتى مش ضامنه اللى ممكن يحصل فى فروة الراس بعد الشر خدى بالك كويس من موضوع الشطة دا

ازيكم يا بنوتات انا لسة جديدة في المنتدي بس كنت متبعاه من زمان انا جربت حجات كتير جدا بس كان احسن حاجة كنت بعمل حمام زيت لشعري بجيبه من خضر العطار في الحسين مجموعة زيوت بحطها علي بعض
(الغار- الجوجوبا- الجرجير الثوم- السمسم) بس بصراحة شعري بطل يقع و كان في اماكن الشعر مكنش بينبت فيها طلع الحمد لله بس اهم حاجة انك تخليطيهم كلهم علي بعض قبل متستخدميهم و كل مرة لما تيجي تعملي تخدي الكمية المناسبة ليكي و تدفيها علي النار و تحطيها علي شعرك لمدة ساعة و هو ملفوف بفوطة مبلولة بمياه ساخنة بس اهم حاجة تدفي الزيت بس مش تحرقي او تغليه لانه هيفقد مكوناته و ممكن يتحول لحجات ضارة بالشعر و ربنا معاكوا هههههههههههه ادعولي[color:c3f1="blue"]

يعني رأيك بلاش موضوع الشطة دة يا مريومة اصل انا بصراحة نفسي شعري يتقل بسرعة

ما شاء الله عليكم احلي اميرات بجد تسلم ايديكم هى ديه المواضيع اللي بتفيدنا كلنا لانها فعلا بتضيف معلومه مهمه مش مجرد نقل تسلم ايديكم يا اميرات ومنورنى

بلاش يابوسبوس موضوع الشطة حبيبتى انتى متضمنيش ايه ال يحصل وزيت التوم هيتقل شعرك بسرعه متخافيش

تسلميلي يا مريانا يا حياتي وميرسي كتسر ليكي يا ملكتنا يا سكرة

حبايبى حبايبى ايه الشغل العالى ده انا بقى مش هعرف افيدكم نهائى لانى لسة بستعمل ولسة بشوف النتيجة استعملت النخاع حلو بس عملت 3 مرات بس وعليه البيضة وكدة كان مطرى شعرى جامد بس هو عايز مداومة اما زيت التوم لسة انا بعمله طبيعى على ايدى يعنى جبت زيت الكريستال كوباية كدة منه وحطيت فيه 15 فص توم كبير هما ممكن 10 بس الكترة حلوة برضه وحطيت زيت لوز وخروع ومستنية بقى لما التوم يدوب كدة فى الزيت والزيت ياخد فوايد التوم كلها ابدا استعمله ولما تبان النتيجة يارب ان شاء الله هقولكم حبايبى

اولا بشكرك كتير حبيبتي كليوباترا علىفكرة اناكنت عايزة ابعت لك علىالخاص بس مش مسموح لي على العموم انا حبيت اطرح تجربتي انا بستعمل زيت النارجيل بشتريه من السعودية تقريبا بالجنيه ب7جنيه امسكو افضيه فكصرولة بعدين انضف واحدة توم كلها مش فص لاكلها ابشرها ناعم واحطها على الزيت لغاية لما احس انها ابتدت تحمر اطفي عليها لما تبرد اروح مصفياها لاني لانا عايزاه من الثوم اخدتو وبعدين ابتدي استعملو يوم ويومين لا والله نبتت شعر جديد فراسي وشعري نعم واما الطول لسا لاني لسا بستخدمها من شهر بس بجد دي انصح بيها البنات لانها بتطول وتنبت شعر جديد وتطول

ام الاولاد ابعتيلي علي http://www.wasafatcleopatra.com/contact
من عنيه الاتنين يا قمر وهانت هتفتح معاكي الرسايل خلاص قربتى معلشي علشان كان في ناس عملت مشاكل بس قربتى خلاص ومن عنيه الاتنين في اي طلب انا معاكى ومستنيه باقي التجارب يا بنات ضروري عايزينها موسوعه بجد علشان الكل يستفيد واللي جربت حاجه وجابت نتيجه حلوه تقووووووووووول