موسوعه الوصفات المجربه للشعر تعالي ضيفي وصفتك للاهميه زالمساعده

ازيكم يا احلي اميرات ده موضوع زي الوصفات المجربه التانى بس ده خاص بالشعر كله يدخل يضيف انا عن نفسي جربت النخاع تحفه وكمان حمامات الزيت وقفت وقوع شعري الحمد لله بس مش بدهن بيه مجرد حمام زيت مجموعه الزيوت اللي استخدمتها كانت مجموعه من عند العطار زيت النخاع والثوم والخروع مع زيت الجرجير وعملت البيض الصفار حلو اوى والمايونيز تحفه بس بيحتاج غسيل حلو اوى براحه وممكن من تاني مره غسيل بس فعلا مغذى جدا جدا وياريت كله يدخل يضيف وصفته المجربه اللي عجبته للشعر
مستنياااااااااااااااكم

انا استعملت وجربت كتير اوووووى بس احلى حاجة زيت التوم وجربت صفار البيض والعسل حلو اوى بس عيبه انه بيلبك جامد
وجربت الزبادى وصفارالبيض وعسل وزيوت حلواوى
واستعملت خلطة زيوت كتيرة زيت حشيش على زيت توم على زيت بصل على زيت خروع على زيت سمسم على زيت على زيت جوز هند على زيت لوز وخلطهمةوحطيت عليهم البرشام المقوى والفيتامبنات اللى عندى وخلطهم على بعض حلوة اووووووووى
دى الوصفات اللى عجبتنى
اى حاجة تتوقعوها هتلاقونى جربتها لشعرى ههههههههههههههه

تسلم ايديكى يا مريومه ياريت الكل يدخل يضيف تجربته بجد هنستفيد جدااااااااااا

بصوا يا حلوات ... انا عملت حاجة مشابهة ليكم بس بطريقة مختلفة
انا جبت 5 فصوص ثوم كبار ولفيتهم فى ورق فوييل وحطيتهم في الفرن 5 دقايق وبعدين طلعتهم وقشرتهم وهرستهم
وبعدين حطيت عليهم معلقة زيت سمسم كبيرة ومعلقة زيت زيتون و ربع كوباية عصير برتقال ومعلقة زيت نخاع
وغسلت شعرى كويس اوى وبعدين حطيت الخلطة دى على شعرى 4 ساعات وغسلت شعرى بعدها
بجد رااااااااائعة ... تساقط الشعر انتهى ومن اول مرة
بليز اللى تجربها تقوللى عملتمعاها اية وتدعيلى

السلام عليكم اعضاء المنتدى الكرام
انا جربت كل يوم ادهن ملعقة زيت جرجير +معلقةسبرتو ابيض + معلقة ماء
تدهن فى جدر الشعر وشوفوا النتيجة من تقل الشعر ووقف التساقط
بس اللى يجربها وتجيب معاة نتيجة حلوة يدعيلى بالستر فى الدنيا والاخرة

ما شاء الله عليكم ربنا يسعدكم ويوفقكم في حياتكم وكل بنت تلاقي وصفه وتجربها تاخدوا ثووابها بارب جزاكم الله الف خييييييييييييير

طب ممكن يحد يقولى حاجه عشان التقصيف الجامد فى الشعر مفيش حاجه مقصره فيه ومرسيه كتير ليكوا وهجرب الوصفات دى اكيد

جربتى النخاع ولا لا كمان جمام كريم بيوبوينت بالنخاع روعه عن تجربه والنخاع الطبيعي افضل طبعا

انا فعلا بستعمل حمام كريم بايوبينت بالنخاع بس يارب يجيب نتيجه ومرسيه ليكى ياجميل

انا بعمل وصفتين في الاسبوع يوم لزيت التوم لواحدة وايوم تاني بعمل خالطة صبار المادة اللي جوة الصبار بحط عليها زيت زيتون وزيت جرجير وزيت خروع بقالي شهرين بستخدمهم وفعلا التساقط قل كتير الحمد لله ولسة هكمل ان شاء الله عشان ربنا يسهل وشعري يتقل ادعولي