شيش طاوق بطعم الفحم

المكونات
صدور فارخ

بهارات ملح وفلفل وتوابل الفراخ انا بجيبها على بعضها من عند العطار او السوبر ماركت

علبة زبادي عادية

بصلة كبيرة مقطعة جوانح كبيرة
وطماطم مقطعة مكعبات وفلفل رومي مقطع مكعبات

ولمون وخل وطحينة

اسياخ خشبية


وقطعة فحم طبعا نسيت اصورها برضو للاسف


نيجي للطريقة بقى

اول حاجة بنقطع الصدور لمكعبات

وبعد كده بنحط عليها كل المكونات السابقة


ونقلب الخليط كويس اوي


ونتركه في التلاجة ليلة كاملة

بعد كده بنجيب الاسياخ الخشب ونحط قطعة من الفراخ وبعدين البصل وبعدين الطماطم وبعدين الفلفل ونعيد من تاني لغاية ما السيخ يخلص عندنا
وده شكل الكمية بعد ما رصيتها في الصينية

طبعا ناخد البصل والطماطم والفلفل اللي كانو في تتبيلة الفراخ ماعملتش جديد عشان يكونو واخدين طعم الفراخ وشاربين التبيلة
وفي الاخر هيبقى عندنا شوية ميه في الطبق اللي كان فيه الفراخ نحطه على وش الاسياخ بتاعتنا بحيث انه يبقى فيه ميه عشان تستوي كويس
وبعد كده نغطيها بورق الالمونيوم وندخلها الفرن


نيجي بقى للخطوة بتاعة الفحم
نجيب طبق ونحط فيه شوية زيت ونحط الطبق جوه الصينية بتاعتنا


بعد كده نولع الفحمة عالنار ونحطها جوه طبق الزيت جوه اللي جوه الصينية

وبعد كده نغطي الصينية كويس بحيث ان البخار اللي هيطلع من الفحمة يتوزع على اسياخ الشيش طاوق ويديها نكهة الفحم

ويقدم مع بطاطس محمرة ومكرونة وسلاطة خضرا