ملف متكامل للعنايه بالمنطقه الحساسه

أخواتى الاعزاء من منا لم تمر عليها فتره كانت تجهل الكثير والكثير عن تلك المنطقه
أحب اليوم انى أعرفك كل المعلومات الى عندى بخصوص المنطقه الحساسه دى
أول شىء حتكلم فيه الدوره الشهريه للبنت المراهقه :

لما بتوصل البنت لمرحله البلوغ بتبقى مشته الذهن ومش عارفه أى حاجهبخصوص الموضوع ده وهنا دور الام لازم تعرفها أيه سبب الدوره الشهريه وليه ربنا أختص المرأه دون الرجل بالدوره الشهريه

وبعدين لازم تعرفها أن الفوط الصحيه ضروريه لامتصاص الدم المفقود منها وكمن لازم تعرفها انها لازم تهتم بنظافتها الشخصيه فالفتره دى أضعاف الايام العاديه لأن الفوطه الصحيه الملاصقه للمنطقه الحساسه بيئه صالحه جدا لنمو البكتريا والفطريات ومع مرور الوقت بتصاب البنت بالالتهابات فالمنطقه دى

والالتهابات دى لعنه للمرأه لأنها بتسببلها مشاكل بالهبل


أ_ لانها بتسبب ريحه كريهه وقت الجماع وبالتالى نفور الزوج من زوجته
ب_تسبب الام فالمنطقه أثناء الجماع وبالتالى عدم استمتاع المراه بالعلاقه الزوجيه
ج_تكون أحد الاسباب الرئيسيه فى تأخر الانجاب
د_ فى بعض الاحيان عندما تهمل المرأه علاج المنطقه من الالتهابات تحدث مضاعفات منها نزول دم مع الافرازات _ حدوث قرحه _ فى بعض الحالات تتلف تلك الالتهابات الرحم وتقوم بتدميره فيطر الى جراحه لاستئصال الرحم


السؤال المهم كيف نقى أنفسنا من ها المرض العين؟؟؟؟؟؟؟؟

الاجابه بسيطه جدا :

النظافه الشخصيه

كالآتى :
عند دخول الحمام يجب تنظيف تلك المنطقه بصفه دوريه اذا كان دخولك الحمام أمر طبيعى فيجب تنظيف المنطقه بأصبعك (ولاكن لاتدخليه قوى ) عنق الرحم فقط حتى تزيلى بواقى الافرازات بالمنطقه
وان كانت بعد الجماع فعليكى أن تزيلى آثار (بواقى) المتبقيه من العلاقه .......... فهمانى طبعا

وأن كانت بنت فليجب أن تحذر تلك النطقه جيدا وتنظف بلطف من سطح تلك المنطقه ولا تحاول أبدا تدخل صباعها عشان تنظف


ولما تخلص وخلاص حتقوم لازم تجيب مناديل تواليت عشان تقوم بتجفيف المنطقه من الماء لأنها بتكون بيئه صالحه قوى للبكتريا المسببه للألتهاب

صدقونى بالطريقه دى ولا ريحه ولا ألتهابات بأذن الله وممكن كمان تستعملى غسول يومى بأستشاره الطبيبه للوقايه ولريحه حلوه


علاج الالتهابات:
طبعا العلاج مش عندى عند الدكتور لأن الألتهابات أنواع كتيره لكل نوع علاج ولاكن الى حقدر أفيدك فيه هو أزاى تعرفى أن الدكتوره دى شاطره


تعرفى أنها شاطره لما تاخد عينه من عنق الرحم وتحللها وبعدين تصرفلك العلاج كده تبقى شاطره وعارفه هيا بتعمل أيه

تانى حاجه حنتكلم فيها النظافه الشخصيه(ازاله الشعر من المنطقه الحساسه )

دى بقى حاجه قارفه كل الستات وكل واحده بتستعمل طريقه شكل منها الخاطئه ومنها السليمه نتكلم فالاول عن الخاطئه
أ_الموس : طبعا غلط غلط غلط جدا كمان لأنها بتشيل الشعره من السطح فقط وبعدين لما تنمو بتبقى خشنه جدا وزى ذقن الرجل وخلال يومين بتنمو
ب_ الماكينه(طبعا عارفينها بالملاقيط):دى مش غلط قوى لأنها ممكن تشيل الشعره من جذورها بس لو كانت ماركه كويسه وبرضه غير مستحبه
ج_ الكريم: وده بقى غلط قوى أولا لأنو مواد كيميائيه ممكن تسبب ألتهابات _ ومع تكرار العمليه بتؤدى الى أسمرار المنطقه ونتيجتها زى موس الحلاقه


أما الطريقه الصحيحه هيا ( السويت):

نظيفه قوى بتشيل الشعره من جذزورها وبتفتح المنطقه لانها بتشيل الجلد الميت وبتخلى المنطقه ناعمه جدا وممكن تعمليها مره كل شهر ومع تكرار الاستخدام بتطول المده الى شهرين وتلاته وهكذا

أنا عارفه الى حتقرأ الكلام ده حتقول ياريت أعمل سويت بس ده مؤلم جدا وألمو فظيع لايحتمل ................

الكلام ده كل الستات بتقولو ونا واحده منهم لحد مارحت للكتوره الى بتابع معاها وسألتها أزاى أتخلص من الشعر الزائد شرحتلى كل الطرق وكل عيوب الطرق ونصحتنى بالسويت ولما أعترضت نظرا للألم الرهيب المصاحب لعمليه نزع الشعر قالتلى طريقه سهله وجميله جدا وانشاء الله تجربوها وتعجبكم

أول حاجه لازم تكون الشعره صغيره جدا جدا عشان كل مكبرت زاد الالم ولو كان الشعر عندك طويل ممكن تقصيه بمقص ونا لا أفضلها أبدا الأحسن تجيبى الموس وتشيلى بيه الشعر كله(معلش نستعمله المره دى بس) وأول مينمو ويبقى صغير نجيب حته صغيره قوى من السويت(الحلاوه بالمصرى) صغيره قوى خلى بالكو من صغيره دى كل مصغرتى السويت كل ماقل الألم وقسمى المنطقه نصفين ( المنطقه مقسمه لشفرتين) الشفره الاولى من أعلى (عند خط البكينى _تحت السره)الى الداخل (لحد فتحه الشرج ) والحكمه عشان المنطقه العلويه أقل ألما من المنطقه السفليه
فتنمل يعنى تتخدر ومع النزول التخدير بينزل معاكى ولما تخلص الشفره اليمين روحى على الشمال صدقينى حتعودى عليها وحتبقى سهله أن شاء الله

وعند نمو الشعره مره أخرى حتلاحظى ان الشعره حجمها وسمكها أختلف أهم حاجه شيلى الشعر أول بأول عشان متضطريش تستعملى الموس لتصغير حجم الشعرايه

أما هناك مايطلق عليه (بنج العرايس) وده بنج موضعى بتستعملو البنات عشان متحسش بألم فالمنطقه دى
وده غلط جدا لأن مره على مره بيموت الاحساس بالمنطقه ويؤدى ألى برود فالعلاقه _ وأيضا ممكن يكون عامل مهم فظهور الألتهاب بالمنطقه الحساسه

نسيت أقولكم حاجه بخصوص الافرازات المهبليه :

لازم يكون لونها أبيض أى تغيير فلونها يعنى المنطقه دى مصابه لازم تعالجيها فورا عشان ميحصلش مضاعفات
وفى الحمل وخصوصا الشهور الاخيره بتزيد الافرازات أستعدادا لأستقبال المولود الجديد فيجب على السيده الحامل الأهتمام بنظافتها الشخصيه جيدا حتى لاتسمح بشبح الألتهاب يغزو أرضها