اللي حمل بعد فترة من الزواج والابر التنشيطية والتفجيرية

عندي سؤال لو سمحتو بس من فضلكو تردو عليا ضروري انا متجوزة بئالي 3 سنين والحمل مكنش في دماغي انا وجوزي الا من سنة تقريبا بدأت اروح للدكاترة والحمد لله رب العالمين انا وزوجي معندناش مشاكل غير ان البويضات عندي صغيرة جدا واخدت ابر منشطة واخدت ابرة تفجيرية يوم السبت اللي فات ده يعني انات بئالي 11 يوم وخدها ومش حاسة باي حاجة خالص غير بنغزة في صدري الايسر وساعات بيجلي نغزة في جنبي الايسر ...  عايزة اعرف   الابر دي بتجيب الحمل من اول مرة ولا لازم استعملها كذا شهر وهل ممكن احمل بدون اعراض خالص ياريت اللي عنده خبره يساعندني ويطمني
وطبعا كل حاجة من عند ربنا كويسة والحمد لله

بليز حد يرد عليا

انا معرفشي اي حاجه للاسف عن الابر التفجيريه ديه باذن الله هجمع ليكي عنها معلومات

اللى اعرفه ان الابر التفجيريه ديه بتتاخد علشان البويضه تبقي جاهزه للتلقيح لكن موضوع الحمل ده باذن ربنا حسب البويضه هتتلقح و لا لا

انا بعد خمس سنوات حملت على خلطه طبيعيه جدا وكمان كان زوجى معاه ضعف وانا صغب البويضه وضعف تبويض ماشاء الله مكملتش شهر وحملت

بصى هو كلة بامر الله

انا مش عاوزة اعقدك بس كل حاجة بتختلف من جسم لجسم
انا عندى نفس حالتك بالظبط
وباخد منشطات وابر ولسة محصلش حمل
عاوزة اقهمك حاجة لان انا كنت بحسب زيك كدة انى اول ما هاخد الابر هحمل على طول

بس لا الموضوع مش كدة

الدكتور هيطلب منك متابعة تبويض
دى عبارة عن عمل سونار مهبلى بيشوف حجم البويضات وصل لاية والحجم السليم للبويضة لحدوت حمل بيبدا من 18 ملى علشان تصلح للحمل

وربنا يكرمك ويكرمنى وكل البنات اللى نفسها فى بيبى يارب واحنا فى شهور مفترجة ربنا يرزقنا بالذرية الصالحة يارب

واى سؤال انا تحت امرك


لانى بقالى فترة بتابع مع دكاترة

نعومي00 كتب:انا بعد خمس سنوات حملت على خلطه طبيعيه جدا وكمان كان زوجى معاه ضعف وانا صغب البويضه وضعف تبويض ماشاء الله مكملتش شهر وحملت

ربنا يكرمك ويجزيكى خير ما تقوليلنا الوصفة بتاعتك

ربنا يجعل فيها الشفا ويجعلة فى ميزان حسناتك يارب

ربنا يكرمكم يا بنات وينولكم اللي في بالكم يارب طيب نعومي متقولي الوصفه ربنا يكرمك يمكن ربنا يخليكي سبب

نعومي00 كتب:انا بعد خمس سنوات حملت على خلطه طبيعيه جدا وكمان كان زوجى معاه ضعف وانا صغب البويضه وضعف تبويض ماشاء الله مكملتش شهر وحملت

اهه ياريت يا قمر تقولى على الوصفه