اللى عنده حل لمشكلتى يرد عليه ضرورى

ازيكم يا اميرات كنت عايزه اعرض عليكم مشكلتى واللى عنده حل يرد عليا بسرعة
مشكلتى هيه ان جوزى كل شويه يقولى عايز اتجوز مع ان احنا متجوزين بقلنا سنتين بس
مع العلم انى ماشاء الله جميلة وزوجى بيحبنى جدا وانا برده بحبه جدا وعملت حاجات كتير علشان يبطل يقولى كل شويه انا عايز اتجوز ومفيش فايده فى لسانه عايز يتقطع وكل شويه اجبله لبس جديد لما زهقت وكل اصحابى بيستغربوا عليه ويقولولى انتى كل شويه تجيبى حاجه جديده ومفيش فايده ياريت حد يرد عليا اعمل ايه معاه علشان يبطل يقول عايز اتجوز

ربنا يهديهولك ياقمر ويبعد قلبه ونظره عن كل الستات علشان مايشوفش غيرك

من الاخر طنشيه علي فكره اللي بيتجوز مش بيقول ده بيغيزك اوعي تبينى هيتمادي فيها اهتمي بنفسك ولما يقولها كانك مسمعتيش هيعيدها ولا الهوي صدقينى هوه بيحب يحس بغيرتك اوعي تديه الفرصه هيزيد زي الاطفال طنشيه وصدقينى هيزهق لو اتخانقتى او قلتى بتضايق هيستمر ويزيد ربنا يهديه ليكي يارب

فعلا انتى عندك حق انا بلاحظ انى لما برد عليه بيزوده لغاية ما انا بتخنق وازعل واقله مع الف سلامه بس اعرف انك لو اتجوزت انا مش هعيش معاك وهطلق يقوم يقولى ومين قلك انى هطلقك ساعتها ممكن مع كتر الكلام تقلب بخصام لانى بتضايق وبتخنق منه جدا ادعولى ربنا يهديه عليه وشكلرا على ردودكم

ايوة علي راي كوكي طنشيه و عالجي الموضوع ده بذكاء الانثي
يعني لما يقولك يا مراتي انا هتجوز عليكي
اوعي تزعلي و تتقمصي و تعمليها فيلم هندي
انما
ردي عليه ب منتهي الدلع و الشقاوة
انت الخسران يا حياتي عشان مش هتلاقي حد يحبك و يدلعك و يعملك ( اي حاجة مميزة تكوني بتعمليها له هو و بس ) زيي
او اي كلام متدلع كده
المهم تسحريه ب عيونك و صوتك الرقيق المتدلع و هو ولا هيفكر يتجوز ولا بتاع
ده هيبقي بتاعيك انتي و بس
اصلا ده تلاقيكي بنبقي قمر وانتي غيرانا ف هو بيحب يثير غيرتيك بس مش اكتر
دلعيه بقي بس مش باللبس و مكياج و بس لا ب صوتك و عيونك و رقتك كمان

هو فعلا بيبيقى عاوز يشوفك وانت متغاظة علشانه اعملي انك مش همك قوليله ما تتجوز هههههه

هو بيتدلع عليى علشان انتى بتهتمى بية زيادة وبيحب يغيظك

امسكى نفسك واعملى ولا همك وهو هيبطل يقول كدة مدام انتى مش مقصرة معاة فى حاجة

شكرا على ردودكم كلكم معلش تعبتكم معايه
ان شاء الله اعمل اللى قلتوا عليه وربنا يهديه

يا حبيبتي مافيش تعب ولا حاجة
كلنا هنا اخوات مع بعض وانتي اختنا
و يارب يهديه يارب

ربنا يهدية يارب