طريقة عمل شرائح اللحمة بزبدة الليمون والخضار المشوي

طريقة عمل شرائح اللحمة بزبدة الليمون والخضار المشوي


شرائح اللحمة بزبدة الليمون
المقادير:
كيلو لحمة استيك
2 ملعقة كبيرة زبدة مقطّعة مكعبات صغيرة
ملح وفلفل
1/ 2 كيلو خضار مشكل (جزر، وكوسة، وفاصوليا خضراء)

مقادير زبدة الليمون:
1/ 8 كيلو زبدة مكعبات
ملعقة كبيرة بقدونس مفروم
ملعقة كبيرة زعتر مفروم
ملعقة بشر ليمون
1/ 4 كوب عصير ليمون

الطريقة:
1- تبّلى اللحمة بالملح والفلفل.

2- شوّحي اللحمة في ملعقة زبدة، لغاية ما تحمرّ من الجانبين، وبعد كده دخّليها الفرن شوية لحد ما تستوي.

3- اشوي الجزر والكوسة في نفس الطاسة اللي حمّرتي فيها اللحمة، وفي طاسة تانية حطّي قطعة زبدة، وشوّحي فيها الفاصوليا.

4- لتحضير زبدة الليمون؛ اضربي الزبدة في الخلاط أو الكبّة، وبعد كده ضيفي عليها بشر الليمون، وبعدين ضيفي الزعتر والبقدونس والملح والفلفل، واخلطيهم كلهم مع بعض كويس لغاية ما المكونات تتجانس.

5- بعد كده طلّعي خليط الزبدة على ورق فويل، ولفّيه وحطّيه في الفريزر؛ لحد ما يتجمد.

6- عند التقديم؛ حطّي اللحمة في طبق التقديم ومعاها الخضار، وطلّعي الزبدة من الفريزر، وقطعيها شرائح، وحطّيها على شرائح اللحمة.. وبالهنا والشفا.