موضوع خطير وهيعرض عضويتك للحذف نهائي ممنوع اضافه تليفونات

موضوع خطير وهيعرض عضويتك للحذف نهائي ممنوع اضافه تليفونات

يا بنات يا ما حذرت من التليفونات عرض التليفونات بيعمل مشاكل كبيره في واحده حاليا متعرضه لمشكله انها الصا مش معانا وواحده تانيه عرضت رقمها والناس قرفينها وي اصلا مش صاحبه الموضوع وطبعا البنت فاهمه اننا احنا اللي بننشر البيانات وبتتكلم علي مشكله معانا ياما قلنا اي موضوع في رقم او ايميل هيتحذف ده اخر تحذير تماما لان كده بجد هتعمل مشكله كبيره للمنتدي وتاذينا فياريت تساعدوني اي موضوع في ارقام او ايميل او لينك خارجي بلغونى مباشره لان بجد عمله مشكله كبيره تحذير مهم وياريت تساعدونى وتبلغونى باي بنت اعطت ليكم الرقم غلط واتلكمتوا ولقيتوا كده ارجوكم تبلغونى علشان نوصل لصاحبه المشكله

مستنياكم لان الموضوع خطير

ربنا يئذى المؤذى يارب نتعاون جميعا وربنا يقدرنا على فعل الخير و يا كوكى حرام والله الاذى بالشكل ده

اه الله مش عارفه الناس حصلها ايه بجد حاجه مستفزه جدا جدا شغالين في اي حاجه مؤذيه للاسف الناس اتغيرت اوي ربنا يهدي المشكله اننا احنا اللي في الوش ربنا ييسر واقدر اوصلها هي مين هتتظبط بجد لانها شوهت اسم المنتدي كله ربنا يستر

يااااااااااااااارب ياكوكى تقدرى توصلى لها احنا بنجتهد لتحسين مستوى المنتدى ليكون احسن واحسن وواحدة تيجى تعمل كده حرام والله ربنا معاكى حبيبة قلبى ويوفقك ان شاء الله

يارب يا فيتتا الله دمي محروق جدا والبنت اصلا عايشه طول عمرها في اميركا وعماله تقولي بقي مش قانوني وهتبع الاساليب القانوينه هيه اصلا مش فاهمه ان احنا ملناش دعوه وعماله افهمها ربنا يهديها يارب وتفهم

الله يكون فى عونك وانشالله تلاقى العملت الحركة اللى مش حلوة دى
الناس ماتت ضمايرها
ربنا يهدينا جميعا

ربنا يسترها يا كوكى


واحنا هندور على كل المواضيع اللى فيها ارقام ونبلغك وان شاء الله المشكلة تعدى على خير يارب ونعرف مين المؤذى ولازم يتعاقب

ياخبر ياكوكى فى امريكا انا كنت بافتكر هنا فى مصر وطبعا عايزة تطبق القانون الاميركى اللى بيقدر حقوق الانسان وده عندهم انتهاك واعتداءعلى حقوق الانسان والله اعلم العقوبه ايه اقلل مافيها لاقدر الله اغلاق لمنتدانا الجميل ربنا يستر ياااارب ونقدر نلاقيها انا امبارح دورت شوية لانى متغاظة والله ربنا يسهل واى حد فينا يلاقيها وهى الللا تاخد جزاء عملتها ان شاء الله

ايه دى كلو يابنات انا متغيبه يومين ويحصل كده

طب مين الى عملت كده واشمعنه دى بالذات فكرى كده ياكوكى

طب مانا تحت الامضه بتاعتى رقمى كان ظاهر ليه محصلش كده

وليه الى فى امريكا دى بالذات مش عارفه ليه حاسه ان فيه حاجه غلط

ولا ايه يابنات ؟؟؟؟؟

ربنا يستر يا سارة دوروا فى الموضوعات انا شغالة بحث عن الموضوعات بس ياريت لو نعرف تقريبا ده حصل فى اى فترة تقريبا لان الموضوعات كتيرة وفى اكثر من مجال الله المستعان