احبوش تفاهه ولا نقص عند الرجال هههههههههه

بصوا بقي بصراحه استفزتنى جدا مش علشان الغيره والهبل اللي الستات كاتبينه بس بجد فيها شئ من الرخامه عالي دلع رخم لكن فين انوثه زمان دلع راقي فين ممثلات زمان ودلعهم فعلا يخلي الستات تغير نغسي اسمع رايكم بما اننا عالم نسائي قط هل التفاهه وصلت لكده ولا ده نقص عام عند الناس الله يا بنات انا الحقيقه مش متابعه مسلسلات خالص يمكن ناجي عطا الله احيانا باقي المسلسلات لا ومشوفتش الحلقه بس لقيت الفيس بيتكلم كتير وللعلم كمان جوزي ما بيسفسي المسلسل ده نظرا لقصه الغيره والهطل ده بس قريت تعليقات غريبه زي اللي هتقروه رايكم ايه بقي


''أحبوش''.. تثير غيرة نساء مصر
'جوزى مبقاش حابب يبص فى وشي بسبب ''أحبوش'' ربنا ينتقم منهم'' هكذا بدأت احدي السيدات اللاتى تأثرن بمشهد من مسلسل ''الزوجة الرابعة'' جمع بين مصطفي شعبان (الحاج فواز) وزوجتة الجديدة (دلال) التى تقوم بدورها ايتن عامر .

ولم يكن هذا هو رد الفعل الوحيد على المشهد الذي قيل به كلمة " احبوش" و التى انتشرت كالسرطان فى البيوت المصرية وعلى وسائل التواصل الاجتماعي ( فيس بوك وتويتر)، حيث تباينت الاراء تجاه المشهد ومحتواه بعديد من التعليقات الساخرة منها والمعترضة فعلى احدي المنتديات النسائية قامت العديد من السيدات بتبادل الشكاوى من ازواجهن خاصة بعد مشاهدة "احبوش" من ايتن عامر حيث تقول مني محمد : " انا كرهتها بصراحة بسبب المسلسل ده عليها بروود وهى بتقول احبوووش وزلومتيين طلعوا فجاة كدا ديه مش دلع ولا مياصة ده قرف" وقالت نور الهدي " جوزى لما شافها بتدلع على مصطفي شعبان باصلي وقالى قوليلي " احبوش " ولما شاف علا غانم وهى بترقيه فى الحلقه اللى بعدها قالى انتى ليه مش بترقيني ، شفتو المسلسلات ودتنا لفين !"
ايتن عامر واحبوش في مسلسل الزوجة الرابعة
''أحبوش''.. تثير غيرة نساء مصر
شاهد الفيديو
ايتن عامر واحبوش
واضافت اسماء محمد رأيها قائلة "موقفى ايه قدام اولادى لما اقعد اكلم أبوهم كدا، على الاقل الاولاد هينحرفوا " اما على موقع التواصل الاجتماعي توتير فتجد اراء غاضبة من انتشار " وباء احبوش" على حد وصف البعض ،و مستاءة من " دلع" ايتن عامر من ناحية اخري ، وبالطبع منها الساخرة فقال شريف عادل ساخرا " قررت المرة الجاية لما اطلب هارديز لما يقولولى حضرتك عاوز تشوكليت-شيب كوكى اللذيذة، هقولهم: احبوش.

اما محمد عبدالفتاح فقال غاضبا من ايتن عامر ذاتها "ايتن عامر و هي بتقول احبوش قمة في التصنع و التظاهر و مش قادر اشم فيها اي ريحة انوثة اصلية. فاكس.

"ده الى بيحصل فى مسلسلات رمضان ؟!، والله حرام الشعب هيلاقيها منين ولا منين " كان ذلك تعليق ابوزيد على محتوي المسلسلات بشكل عام .

وهناك من سخر منها سياسيا وقال " فيه كلام ان وائل خليل لما رفض منصب المستشار بعت لمرسى اس ام اس فيها كلمة ::: أحبوش".

وقال احمد درويش معجبا " أيتن عامر في مسلسل الزوجه ال4 كانت مثاااال للزوجه المثاليه اللي بيتمناها كل راجل مصري" .

اما "الفيس بوك" كان هو الموقع الذي حاز على أعلى نسبة " احبوش" بمجموع صفحات تجاوزت الـ 30 صفحة بذات العنوان وفى تزايد مستمر .

هههههههههههههههههههه طيب اقول ايه بقي ردوا انتم

انا عايزه اعرف هما ليه بيدمروا البيوت بالمسلسلات التافهه ديه يطمعوا الرجاله بجواز الاعداد وكمان ستات مش موجوده اصلا واحنا معجونين غصب عننا في ظروفنا اللي ما يعلم بيها الا ربنا بقوا بيسعوا للخراب بكل الصور مش هتكلم بس في العيب والحلال والحرام بس بجد مش طبيعي هما الرجاله ناقصين شحن علي الستات ههههههههههههههههههه ما يرحمونا بقي

انا الحمد لله مش متابعه مسلسلات بس شفت منه بعض لقطات وانا بقلب وطبعا سمعت عنه على الفيس كتير
اولا انا شايفه ان التعليقات فيها مبالغه عاليه قوى ياما فى مشاهد اكتر من كده مع انى ماشفتش المشهد بس سمعت عنه مش عارفه هو معلق قوى مع الناس كده ليه وعامل التأثير ده كله

ثانيا من ناحية المسلسلات الى بقت بتتعرض فحدث ولا حرج طبعا ماعدتش بتراعى حاجات كتير

اه يا بنتى وانا الحمد لله بحمد ربنا مش فاديه ربنا بيريحنا من ذنوبهم بجد قمه الاستهتار بخلق الله وقله ادب احبوش ايه وهبل ابه وغيره ايه اللي الستات غارتها في فعلا مشاهد اقوي من كده كتير تحسي انه متعمد الله يلهو الناس في التفاهه وحشتينى يا فطومه يارب ميحرمنا من صحبتك الحلوه ابدا

انتى وحشتينى اكتر والله حبيبة قلبى ربنا يخليكى ليا يارب

احمد الله لعدم متابعة المسلسلات المصرية فهى مبتذلة و يوجد بها كلام و تعليقات فظيعة

ابن اخى طفل 7 سنوات سال امه عن محصلش اللى قالها حسن حسنى لمصطفى شعبان قال لها

ايه اللى محصلش

انا بنتى تتابع مسلسلات كورى و تركى و صينى مسلسلات هادفة و لايوجد بها اى ابتذال يارب نشف مثل هذه المسلسلات فى مصر و شكرا لكى حبيبتى على مجهودك

الله مش عارفه اقولك ايه احنا المصريين اصلا مش بنقبل بالابتذال بس نعمل ايه ربنا يهديهم

انا مش متابعة برضو بشوف لقطات بسيطة وانا بقلب

بس سمعت ناس كتير بتتكلم على المشهد دة وناس منزلة الفديو على الفيس

بس سخيف جدا جدا ولا موضوع غيرة ولا هبل بس تافه والناس كبرت الموضوع وخد اكبر من حجمة

ربنا يرحمنا من التفاهة دى وبعدين اية الدلع اللى فيها علشان الرجالة تشبط كدة ههههههههه دى رجالة بتتلكك
ههههههههههه

يا بنتى منا بقول كده هبل الله العظيم وكمان اصلا مش دلع ده رخامه ين دلع بتوع زمان اللي كان فعلا انوثتهم الطبيعيه بتخليهم جمال غير عادي الا بجد المشهد انا شايفاه سخيف جدا ولحمد لله بجد اني مش متابعه اي حاجه برتاح نفسيا لما مش بتفرج علي مسلسلات يمكن ناجي عطا الله احيانا علشان حسيتها قيمه مش كلها هبل لكن الباقي مش بتفرج الحمد لله نعمه الله اني مش بلحق ههههههههههههههه تلاكيك او فضي متعرفيش وناس ايه اللي مبقطشي طايقه تشوف مراتهم علي ايه امال لو كانوا شافوا حاجه عدله ودلع حقيقي كانوا عملوا ايه بحس الموضوع متعمد والناس زي الهبل بتقعد تهرتل واللي الت بيقولوا عليه واواو وحلو جري الناس تردد زي البغباغانات ولو العكس يرغوا بشكل غبي ربنا يرحمنا

انا شايفة ان ده كلام فارغ وقلة ادب المرأة لما تحب تدلع لازم زوجها يشعر بانوثتها فى الجلع لكن احبوش دى رخامة وهبل والرجاله اللى يعجبها كده اهبل منها والستات تغير على ايه دى ستات بتغير ع الفاضى والمليان وده اللى احبوش ربنا يهدى الجميع ياااااااااارب

سبحان الله مبتبعش مسلسلات بس شفت اللقطه دي بالصدفه
بصراحه دلع ماسخ اووووووووووي

وايه الغيره في كدا اللي يشوف رقه نانسي عجرم اكيد مش هيبص لدلع احبوش ههههههههههه