اعمل ايه واتصرف ازاى

بصوا بقى الموضوع مش عارفه ابداوا ازاى بس كل اللى عايزة اقوله ان مشكلتى مع زوجى من فترة كبيرة
بدأت اولا: بصداقة مع واحدة معاه فى الشغل .... الست دى مطلقه الاول بدأت مجرد كلام وفضفضه وبعدين صداقه وبعديها هرتله وخروج
وطبعا ده كان بينعكس عليه انا والاولاد....
مش هطول ...طبعا انا كنت عارف بالقصة من خلال مكالمات التليفون اللى بتستمر بالساعات واحيانا يلغى الاتصالات من على الموبيل
رنات غريبه ....
طبعا ده غير المزاج المتقلب...
وبعدين قريت على الكمبيوتر بتاعه شات معاها وطبعا الكلام واخد شكل هرتله جامده ..... طبعا بدات المشاكل ما بينا تكتر لدرجة انه فى يوم طلقنى لسبب هايف جداااااااااا. وساب البيت ومشى صحيح الموضوع ده لما يستمر كثييييرا يعنى بعدها تقريبا بساعات اتصل بيا وعايز يرجع وكأن مفيش حاجه حصلت وبعد مناقشات وحوارت رجع .... وبدأأ يهتم بيا وبالاولاد ..... وامبارح بس بنتكلم وجهته انى عرفه بالعلاقه دى صارحنى وقالى فعلا كان فيه وهو خلاص قفل الموضوع ....وانه مش عايز يتكلم فى الموضوع ده تانى ومش عايز يتكلم فى اى تفاصيل ..
الحقيقه سكت بس مش عارفه مكتومه ... هل انسى واكتم اى احساس جوايا ومتكلمش وكأن شى لم يكن وخاصة انه بيحاول يقرب منى اكتر من الاول .... ولا لاء اتكلم معاه تانى وافتح الموضوع واصمم انى اعرف التفاصيل......
مش عارفه
فيدونى اتصرف ازاى وخاصة انى خايفة ان الموضوع يتكرر .خايفه يفهم انى مادام الموضوع عدى بسهولة يبقى خلاص سهل انه يتعمل تانى
اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لا مادام اعترف بغلطته خلاص هوه احساس صعب عليكي انا متاكده بصي يا ستى انا مش عايزاكي تفتحي الموضوع علي انك بتعاتبيه بس قولي له ايه اللي نقصك معايا ولقيته علشان انا اعوضك عنه وانا كمان هاخد بالي وانت لازم تحاول تعوض احساسي وتطمني بس اتاكد ان الموضوع لو اتكرر باي طريقه اتاكد اني مش هيفوت علشان مش اني مش طيبه او او لا علشان الثقه اصلا لا يمكن تبقي موجوده والحياه هتبقي جحيم فصارحنى بعيوبي علشان اتفاداها مره تانيه وانا كمان اقولك زعلانه من ايه ونبدا صحه جديده لازم تعرفي اللي شده لبري علشان ميكرروش تاني فاهمانى يارب يهديلك الحال يارب يا حبيبتى وتلاقي سبيل لصلاحه وصلاح بيتك يارب ويارب البنات بشاركوكي بارائهم هما كمان

بصى حبيبتى هتفتحى معاه الموضوع وتعاتبيه هتخسريه انتى خلاص عرفتى ال كان بينهم وواجهتيه واعترف وبيحاول يصلح غلطو انه بيتقربلك وكدا
لكن وخدى بالك تفهميه انك سكتى المرة دى عشان العشره ال بينكم واانك بتحبيه لكن الموضوع دا لو اتكرر تانى هتنهى كل ال بينكم ومش هترجعيلو تانى خالص
وشوفى ايه ال ناثصو منك وعوضيه عنه وانعشو جو الحيا ة الزوجيه والحركات الرومانسية وكدا يعنى

قلبي معاكي
انا بامر بنفس المشكلة و مش عرفة اعمل اي

كان نفسي اساعدك بحاجة و الله
الله يوفقك و يهدي لك جوزك

فوضت امري لله

ربنا معاكم مش عارفه الراجاله مالها جنت ولا ايه

ربنا يهديهم عليكم

ربنا يهديه وانتي عرفيه انك عدتيها عشان العشره والاولاد لكن المره جايه مش هاتعديها ابدا