ماذا يجب ان تفعل الزوجة عندما تعلم خيانة زوجها؟؟

يا جماعة

اولا انا اخدت وقت طويل جدا قبل ما اخد القرار بكتابة اي شئ عن الضوع دا , س للاسف انا تعبت من كتر التفكير و مش عارفة الي انا بعملو دا الصح ولا الغلط فا نفسي حد يدلني لاني مش قادرة احكي الموضوع دا لاي حد قريب مني. انا هحاول احكيلكم الموضوع من بداية ما عرفته واحدة واحدة كدا عشان متهووش مني و هاحكيلكم الاحداث زي ما حصلت معايا بالظبط.


بسم الله الرحمن الرحيم

انا واحدة اتخطبت لابن خالي في الجامعة و باختياري و اختياره هو كمان بس بعد الخطوبة بفترة عرفت ان كان في كلام على ارتباط بينه و بين بنت خالي الي عايشين في محافظة تانية وبعدين عرفت انه كان في موضوع تاني مع بنت الجيران س بردو ربنا متممش على خير وهي الي رفضت الموضوع.


معلش انا مش عاوزة ادخل في تفاصيل بس الضروري بس هاذكره كل مرة كان هو الي بيجي يحكيلي عن الموضوعات دي و يقولي عشان متزعليش لو عرفتي من براو بعدين عرفت انو كان في موضوع مع بنت خالتو كمان بسبب زن امه بس بردو هي موافقتش


و في الوقت ددا بفترة اتخطبنا و عملنا كتب كتاب عشان القيل والقال عشان محدش يتكلم علينا لان كان لسة قدامي سنتين في الكلية و عشان نخرج مع بعض براحتنا من غير مايهمنا كلام حد (و بالتحديد خالتو الي بنتها رفضتو في الاول)



المهم تدور الايام و مرة كنا متخانقين (عادي زي اي اتنين ما بيتخانقوا) بس كنت مسافرة في بلد مع اهلي بنزور قرايبنا الاقي جايلي على الموبايل رسايل من رقم غريب واحدة بتقولي هو مبيحبكيش على فكرة و انا عارفة كل حاجة و بأمارة الزعل الي بينكو, و رنات بقى كتير كتير عشان ارد بس معرفتش لان اهلي كانوا حوليا و مفيش مكان ممكن اتكلم في براحتي من غير ما حد ياخد بالو من كلامي او اني متضايقة....ركزوا بقى معايا في البنت دي و سيبوكو من الباقيين كلهم.

المهم مكلمتوش عالموضوع دا خالص ولا قلتلو حاجة لاني افتكرتها واحدة من قرايبه او اخته حتى ,لقاني مرة بقلب في موبايله على رقم معي فاحكيتلو الموضوع قام قالي الغلطة دي من عندي و رقمك اتاخد من عندي و راح اشترالي خط جديد خالص بس مرضيش يقولي مين هي الي عملت كدا رغم اصراري




المهم اتجوزنا وعادي ساعات بتحصل مشاكل في بداية اي جواز لكن دايما هو ما كنش بيحب يصراح بالي مضايقو و يقولي خلاص الي فات فات ,بعد 9 شهور ربنا رزقني بابني و بعدها ب 8 شهور اضطر جوزي يسافر سنة تبع شغله خلال السنة دي نزل اجازة مرة واحدة بس عبارة عن14 يوم اتقلبت فيهم الدنيا كلها ,دي كانت اول مرة يكلمني فيها عن البنت دي و يقولي اصل في مشكلة دلوقتي انها بقت مش عذراء فارديت عليه انها تقدم بلاغ في القسم بدل ما هي عاوزاه يشيل اليلة و يتجوزها (بحكم انهم زمان كانوا بيحبوا بعض بس محصلش نصيب)

وخلص جوزي السنة ورجع وبعدها بفترة حملت ببنتي وخلال الفترة دي كان في حاجات كتير بتحصل مش عجباني ولما اجي اكلمو يهرب مني و هو اصلا مش موجود علطول بحسب طبيعة شغله يعني حتى الفترة الي بيكون موجود فيها بيبقى اكنو مش موجود بس انا اتعودت على كدا و هي دي طبيعتو , و في يوم جيه يقولي انها جايلها عريس ومناه اتدا كل شئ يبان بقى) قلتلو ومالو احسن خالينا نخلص منها قعد يقولي ازاي و مش ازاي قالي انها بتكلمو و بتستشيرو لانو دايما الي بيحللها مشاكلها حتى في الشغل و مع صحباتها, المهم بقى يكلمني كل يوم يحقولي ايه الي بيحصل و بيقولوا ايه و اتفقت اناه هتدور على دكتورة تعملها العملية و اذا بيا بعد كل دا و لاول مرة يخيل ليا انو ممكن هو الي كان على علاقة بيها زمان و بعد فترة اتاكدت انو هو باعترافو ليا ان دي كانت غلطة من زمان و هو ضميرو بيأنبو و بيحاول يتدارك غلطو على قد ما يقدر, تفتكروا اعمل ايه انا في موقف زي داوافقت اني اساعدو ولو حتى بانو بيفضفض معايا بهمو و علشان اعرف هيعملوا ايه و اتأكد اني خلصت منها للابد,,

و اذا بيا مع الكلام و الحوار معاه و حبة مواقف حصلت معايا قبل كدهلما جمعت حبة خيوط كدا مع بعض أفاجأ بالصدمة الكبرى الي هزتني و كسرتني و قتلتني انو كان لسة على علاقة بيها لحد فترة قريبة جدا لحد قبل ما تتخطب بمفيش!!!!!!!!!

انا الصدمة و الذهول من الحقيقة قتلتني بمعنى قتلتني عاوزة انفجر و مش قادرة لاني مش عاوزة حد يعرف من اهلي و مش مصدقة ؟طب ايه السبب؟انا قصرت معاه فحاجة؟ ولا هي الي ملحقاه علطول علطول و مش سيباه في حاله؟ طب هو بيحبها هي ؟ ولا بيحبني انا؟ طب دلوقت يانا وعدتو اني هاقف جنبو في الموضوع دا لحد ما ينتهي ؟ و هو يقولي انو كل الي همو انا و خايف على زعلي و كان خايف من رد فعلي عشان كدا هو كان متردد يقولي؟ مليووووووووووووون سؤاااااااااااااااال هيفرتكو مخي ؟ قلبي اتكسر لميت حتة لاني بحبو بجد حب بيتهيألي معدش موجود عند حد ؟ فكرت اسيبو ؟؟ طب ما انا كدا هسيبهولها خالص (و هو مكنش عاوز دا بالعكس كان بيدور ازاي يخلص منها)طب و اولادي الصغيرين دول احرمهم من الاستقرار العائلي عشان انا ارتاح؟ طب هو انا كدا هرتاح ولا هبقى انتقمت منو هو ومن اولادي معاه؟طبب هقول لاهلي ايه؟ و شكلي قدام الناس هيبقى ايه؟

و هم شايفين اننا كويسين الحمد لله و تقريبا مبنتخانقش.أأأأأأأأأأأأأأأأأأأأأأأأأأأأأأأأأأأأأأأأأأأه هتجننن بجد

معلش عشان طولت عليكو بس بجد المشكلة كبيرة .الي عاوزة اقوله انها عملت العملية و اتجوزت و خلصنا,تقوم بعد دا كلو لسة بتتصل بجوزي و عادي كدا عاوزة يفضلو حتي يكلمو بعض رغم انو والله صدها كتير و قدامي بس ديل الكلب عمره ما يتعدل, انا شخصيا اتغيرت معجتش الانساة الساذجة الطيبة بتاعت زمان؟




المهم قولولي اعمل ايه فيها انا كل دا لا كلمتها ولا اذيتها مسكة نفسي بالعافية والله و الحقيرة ولا فارق معاها ان انا عارفة و انو بيقولي كل حاجة؟ اعمل ايه اعمل ايه اريد حلا؟؟؟؟؟؟؟؟؟؟؟؟؟

انا عارفة ان في ناس كتير جدا هتقولي سبيه بس هو ندمان والله و متمسك بيا و انا حاسه مرتاح البال و مبسوط كتير عن الاول, بس الي انا خايفة منو اي اسامحه و يرجع يجرحني تاني لاني ساعتها مش هستحمل انا دلوقتي عايشة بحطام انسانة بحاول لملم شتات نفسي المبعثرة على قد ما اقدر عشان احافظ على جوزي و اولادي و بيتي!!!

يا ريت الي ممكن يساعدني بالنصيحة الجيدة اكون شاكرة ليه,انا شاكرة جدا لفكرة المنتدي لان مجرد الكلام عن الموضوع ريحني اني شيلت هم من على صدري خنقني و احس كدا اني مش لوحدي و ليا اخوات يقفوا جنبي و يقوني..
و شكرا

بصي يا حبيبتى الموضوع صعب اوي بس انا رايي لازم تاخدي موقف مش تسيبيه لا بس تقوليله اه هسامحك بشرط قطع علاقتك بيها يا ايما الانفصال لان الاستمرار هيخليه يتعود عليها خدي بالك التعود اصعب من الحب لازم متبقيش ضعيفه يا ايما هتتفجاي انه اتجوزها لانك سلبيه ومش حاسس انك رافضه افتحيله قلبك واتلكمي معاه بهدوء وقولي له هنسي كل حاجه ونبدا علشان خاطر ولادنا ومينفعشي خالص تكون بتكلم حد ولا تحل مشكلتها مينفعشي يا ايما انتا بتنيمني وانت مكمل معاها وعليك الاختيار فهمانى لكن متسيبيش الدنيا سايحه كده هيتعود عليها وممكن يخيرك بالاستمرار وانه بيحبكم انتم الاتنين واي حاجه انا معاكي ولو مش فاهمه صح زودينى من المعلومات احنا معاكي وههنواصل المشكله معاكي يا حبييبتى ربنا يهديه ياما الناس بتواجه مشاكل اصبري علشان ولادك بس خليكي ذكيه في رد الفعل

ياعيني ياحبيبتي سايبه كل ده لوحدك ربنا معاكي يارب.بصي انا رائي انك تكلميها هي شخصيا(انتي قولتي انه بيصدها وهي مش مبطله تلحقه)يبقي تكلميها بالذوق وخليها تتلم بقي وتشوف بتها وجوزها لو مجتش بالذوق فهمي جوزك انك ممكن قوي تفضحيها قدام اهلها وجوزها وهو هيوصلها الكلام ده ويمكن تخاف وتتلم ولا حاجة. بس ماتسبيهوش لان ده اللي هي عايزاه .ربنا معاكي بجد

شكرا ليككي حيبتي كليوبترا و SWEET MANGA تصدقوا ان مجرد الكلام في الموضوع دا صعب جدا عليا لكن نوعا ما ببستريح انا فعلا في بالي دايما اني اروح لها اكلمها في وشها و خصوصا انا عارفة هي بتشتغل فين!كتير فكرت اعمل كدا بس خايفة من رد فعلي لما اشوفا مش عارفة هعرف امسك اعصابي ولا لا؟؟؟ بجد تعبت قوي...................

المشكلة انو امبارح كنت مبسوطة شوية فا كلمتو و قعدنا نرغي حبة فا في وسط الكلام لقيتو بيقولي انها رنت عليه(من رقم جديد بس هو عارفه لانها رنت عليه قبل كدا منو و اقفل في وشها) بيقولي لقيت صوت واحدة بتعيط فا بقولا مين ردت عليه فعرفها قعدت بقى تحكيلو ان عندها مشكلة مع اهل جوزها عالقايمة و متخانقين بقى و مش عارفة ايه..........

انا بصراحة اتصدمت و اتضايقت بس مبينتلهوش دا مش عارفة انا بعمل كدا ليه ؟؟ ليه متخانقتش معاه ؟؟؟ هل خفت انو ميقوليش على حاجة بعد كدا وعرفش بيكلمو بعض ولا لا؟؟؟ ولا اتضايقت لاني لقيتو بيكلمها تاني اهو حتى لو هي الي متصلة؟؟؟


مش عارفة هتجنن هو حاسس اني اتضايقت وانو غلط عشان حكالي ال ي حصل فا بيحاول يتجنب الكلام معايا عشان ملومهوش؟؟

اعمل ايه اعمل ايه؟؟؟؟؟

انا بصراحة هكلمو و اقولوا اني متضايقة اننو مقفلش في وشها علطول وقعد يسمعها بس مش عارفة اقولوا ايه تاني مش عارفة بجد مش عارفة هتجنن