ايه رأيكم كل يوم هحكيلكم حدوته جديده نتسلي بيها وتحكوها لولادكم بعد كدا

حدوتة الليله وهي حدوتة الافتتاحيه للموضوع (الحدوته اسمها بيض الحبل )

كان يا مكان يا سعد يا اكرام كان في راجل ومراته بسطاء عايشين في بيت صغنطوط

كان الراجل فلاح بسيط علي قد حاله كل يوم يطلع يشتغل ما يرجعشي غير اخر النهار

يلاقي مراته محضراله الاكل يتعشوا وينامو

كانوا عايشين في سعاده من رغم من بساطتهم ما كانشي عندهم اي مشاكل غير مشكله واحده بس

ياتري ايه هي المشكله

المشكله يا حبيباتي انهم كانوا مبيخلفوش ولكنهم رضوا بقضاء ربنا وحكمته

وفي يوم من الايام كانت الزوجه قاعده زي كل يوم بتحضر الاكل للزوج

وحصلت مفاجأه ايه هي لاقت راجل ماشي في القريه بينادي ويقول بيض الحبل بيض الحبل اللي عايزه تحبل وتبقي ام

جريت الزوجه علي الراجل فورا وسألته ايه بيض الحبل ده

الراجل قالها ان لو الست اخدت 3 بيضات وطبختهم واكلتهم من البيض ده تحبل علي طووووول

الزوجه ما كدبتشي خبر واخدت 3 بيضات وروحت طبختهم وجهزتهم وسيبتهم لاخر الليل

وخرجت راحت عند جارتها علشان كانت بتجوز

رجعت اخر الليل علشان تاكل البيض مالقتهوش في مكانه

سألت زوجها كان في هنا 3 بيضات راحوا فين

قال الزوج انا رجعت جعان دورت علي اكل ملقتشي فالقيت 3 بيضات اكلتهم

اما حكيت له الحكايه كلها وبعد فتره ظهرت اعراض الحمل علي الراجل

وبدأ يتقاعد عن الذهاب للارضه والجيران يروح يسألوا عليه يقولهم تعبان

فيروحوا يراعولوا ارضه زي ارضهم

لحد ما جيه الميعاد اللي هيوضع فيه
روجته قالتله تروح توضع بعيد في مكان كذا ومتجيبشي المولود معاك

سمع كلامها وراح وضع بنوته زي القمر ورجع من غيرها وتركها

عندما عاد للبيت قالها انه وضع بنوته وكانت جميله اوي قالت له ليه مجبتهاش معاك

قال لها انتي مش قولتيلي اتركها
لما ترك البنوته دي حدايه اخدتها لان البنت كانت جميله جدا وكستها دهب

وعندما كبرت كانت جميلة الجميلات وواتربت فوق شجره مع امها الحدايه وفي يوم من الايام

كان فارس من القرسان بيسقي الحصانه بتاعته فشافها اعجب بيها جدا وطالبها انها تنزل ويتجوزها

لكنها رفضت خوفا من امها الحدايه
لكنه صمم واخدها معه بالقوه وبعد ذلك حبته وتزوجا وعاش في سعاده

وتوته توته خلصت الحدوته حلوه ولا ملتوته

الحدوته دي انا سمعتها في التي في وقلت لازم انزلهالكوا

بس اللي انا عايزاه بعد ما انزلكوا الحدوته وتقرأوها تقولوا تفتكروا نستفيد منها ايه

علشان لما نيجي بقولها لولادنا نبقي نقولهم الدروس المستفاده منها ايه

لو عجبتكوا الفكره قول لي علشان اكمل ولو لا بردوا عرفوني علشان نقف

روعه الفكره ديه جامده جدا كملي معاكي

ميرسي يا كوكي يسلملي تشجيعك يااااااااااااااارب

بس مش قولتيلي ايه رأيك في حدوتة النهارده وتفتكري اطفالنا ممكن تستفيد منها ايه

وايه رأيك في طريقتي في العرض

روعة جداوانا معاكى لانها فكرة حلوة نعلم اطفالنا حكمة وموعظة عن طريق حدوته لطيفة والعبرة من الحدوته بتاعت النهاردة اننا لازم نرضى بما قسمه الله لنا ولا نتبتر على نعمه او خلقه :سلمت يداكى:

ميرسي يا سها يسلملي مرورك وتشجيعك

وفعلا النهارده الرضا بالقسمه والمكتوب

حبيباتي اميراتي واخواتي اعتذر لان سأنزل حدوتة اليوم بدري قبل ميعاد النوم بكثير ولكني ربما لا استطيع الدخول ليلا

حدوتة اليوم بعنوان فتاه متمرده

كان ياماكان ولا يحلى الكلام الا بذكر النبى عليه الصلاة والسلام

استيقظت ذات يوم من نومها وجدت نفسهاا على ذلك السرير القديم فى نفس الغرفة المتواضعة التى تكاد تخلو من الاثاث ليس بها الاصندوق عتيق تضع فيه ملابسها ومرآة بالكاد ترى فيها وجهها فاقفهرت ملامحها وقامت تصرخ فى وجه امها وتطالبها بتغير كل مايخصها من غرفة وأثاث وملابس فأخذتها الام بين ذراعيها وقالت لها صغيرتى الا تعلمى ان الرضا والقناعة مصدر السعادة فلا تجذعى حبيبتى سيأتى اليوم الذى تتمتعى فيه بالدنيا ونعيمها فصبرا جميلا ويكفينا هذا البيت الصغير فى تلك الحديقة الجميلة غضبت البنت ولم تسمع لامها وارتدت ملابسها وذهبت الى المدرسة لتلتقى بزميلتها التى على شاكلتها فهمست لها
وقالت مارأيك فى صفقة تدر لكى مالا كثيرا مجرد لعبة نحصد من ورائها الكثير فوافقت البنت دون تفكير واتفقا على ان يكذبو على الام ويتغيبو عن البيت بحجة رحلة مدرسية





تركت البنت البيت واقترضت من زميلتها ملابس فاخرة وذهبو لاتمام الصفقة اخذتها معها الى مكان فسيح بحر وشاطىء وقالت لها انظرى ومتعى عينيكى فهذا اقل ما لدى فقط اطلبى وتمنى سرحت الفتاه بخيالها وقالت اريد ان اكون ملاكا بجناحين يكون مهدى للاىء وزمرد والماس وحولى الكواكب والنجوم يسحرنى بريقها فهذه اقصى امنياتى ان ارتقى الى عالم لم يحصل عليه غيرى وحينها يصبح كل شىء ملك يمينى







قالت لها اعتبرينى ساحرة من عالم مجهول مهمتها تلبية رغباتك ادواتى بنورة سحرية بمجرد ان المسها تتحقق امنياتك





قالت الفتاة الهذا كله مقابل قالت نعم فسألتها وما هو قالت شىء بسيط بيتك وحديقتك اشتريها منكى

قالت وماذا تريدى من تلك الحديقة الصغيرة والبيت القديم قالت

انا مغرمة بقتل الطيور اعشقها حين تتعذب امامى واتركها حتى تنفق ولكى لايرانى احد اريد ان ادفنها فى ارض البيت قالت هذه واحدة فما بال الحديقة

قالت ان زرعها يثير غيرتى فمحصولها جيد جدا وحديقتنا محصولها ضعيف واريد ان اهلك ذلك المحصول فما رأيك مكنينى من بيتك وحديقتك واعطيكى كل ماتريدى من اموال وكنوز انبهرت الفتاة ووافقت على الفور وحددا الميعاد الذى تتسلل فيه البنت لتلقى بالمخلفات الكيماوية لتهلك بها الزرع وبعدها تدفن النافق من الطيور فى باطن الارض
تخيلت الفتاة نفسها ثرية وسرحت بخاطرها بعيدا جدا وحلقت فى السماء





ذهبت الفتاة لوالدتها سعيدة وقالت هيا يا امى

لقد فتحت طاقة السعادة لنا هيا لنترك البيت والحديقة فلم يصبحو ملكا لنا ضحكت الام واستفسرت منها على الموضوع وقالت باكر نترك كل شىء ونذهب حيث تريدى لكن هل هناك بديل قالت لا انما هو المال فقط سوف نحصل به على مانريد
فاتصلت بزميتها لتحضر المال ويتم الاتفاق وبمجرد الانتهاء من البيع
هنا هطلت الامطار بشدة والرياح زاد صفيرها حتى كاد يقتلع كل شىء





فقامت زميلتها واخذت بيدها وقالت اخرجى الان قالت البنت لالا سوف نموت ان خرجنا فى هذا الطقس لنحتمى بالبيت الى ان تهدأ العاصفة وينقطع المطر قالت لا انه ليس بيتكم وليس لكم الحق فيه بمجرد موافقتكم على بيعه لم يعد من حقكم هيا هيا بكت الفتاه واستعطفتها من اجل والدتها وكبر سنها قالت البنت الم تعلمى قبل ان تبيعى ان امك كبيرة ومسنة ولا تتحمل اين كان عقلك وانتمائك لبيتك وحديقتك

قتلك الغرور والطمع وظننتى انها الدنيا سوف تعطيكى دون ان تأخذ منكى هيهات هيهات انه من تخلى عن موطنه تخلى عنه موطنه ولفظه

فاخرجى لتبحثى بمالك عن غيره ان استطعتى بكت البنت كثيرا ندما على وضعها ووضع امها التى وافقتها على طموحاتها دون ان تفكر فى مصيرها
المال معها نعم ولكنا لاتستطيع فعل شىء به اصبح معدوم الفائدة

الدرس اللي ممكن نستفيده من حدودة النهارده ايه يا تري

يلاتصبحوا علي خير

الدرس المستفاده ياابله نظيره هههههههههههههههه

هوه الرضا بما كتب الله لنا

بس قوليلى هوه انتى خريجه تربيه طفوله صح ؟

برافوا عليكي والدرس انا هنزلهولكوا دلوقتي

لا انا مش خريجة تربيه طفوله انا خريجة تربيه عام قسم انجليزي

هو ان نحمد الله على نعمة الستر فهناك بيت يأوينا وسماء تغطينا وارض تحمينا ان تركناها وتخلينا عنها فلا نلومن الا انفسنا ويجب ان نراعى الله فى ابائنا وامهاتنا واولادنا فنحن عليهم محاسبون

بت يا ساره مش قولتيلي رأيك في الفكره ولا في الدوته بتاعت النهارده

مستنيه رأيك وتصبح علي خير يا جميل

نوم هادئ واحلام