ممكن تحكيلي حدوته؟؟؟؟

ممكن تحكيلي حدوته؟؟؟؟
بموت فيك وانت بتحكي لي حدوتة .. من اول نظرة عينك اللي بتقول

" مجنونة بس بحبك "

لحد طريقتك وانت بتقول لي توتة توتة

بحب اوي الحواديت العجيبة اللي بتقعد تألفها

وبحب اتلامض معاك وانت بتحكيها .. لحد ما احس انك خلاص هتزهق بقى

فأسكت كأني تلميذة في ابتدائي قاعدة قدام استاذها

فاصعب عليك فتهزر وتخليني اكمل لماضة

بحب أوي اسمع منك حواديت .. علشان بحب احس اني بنتك
عارف ليه ؟؟

علشان احس اني عمري ما عشت قبلك ، وان كل عمري من أول ما اتولدت كان معاك


و كمان علشان بحب اسمعك وما اتكلمش

واراقبك وانت بتتكلم .. واخزن في دماغي مليوووون ألبوم فيه صور ليك

وكمان بحب أوي اشوفك وانت محتاس ومش عارف تفكر في نهاية للحدوتة .. ونقعد نفبركها سوا

وبس ياسيدي ..
ممكن بقى تحكي لي حدوتة ؟؟

من كتاب
زوجي ما زال حبيبي

حلو قوى
ربنا يخليهم لينا يارب

تسلمي يا فاطمه

تسلم ايديكى يا قمر مواضيعك كلها احلي من بعض

جميلة اوى تسلم ايدك ياسكر وماشاء الله المواضيع جامدة من البداية يارب دايما

ميرسي ميرسي ميرسي
بجد مش عارفه اقولك ايه
ربنا يخليكوا يارب

حلو اوي اوي اوي
تسلمي يا قمر علي جو الرومانسية الرائع ده

ميرسي يا ريحانه
ربنا يخليكي

حلو اوى اوى اوى تسلم ايديكى ياقمر

ميرسي يا ماريانا
ربنا يخليكي