ارجو الأهتمام بالرد على مشكلتى

...
ارجوا مساعدتى بأرائكم فى مشكلتى الكارثيه .. بأختصار  انا كنت مخطوبه من 5 سنوات لشخص محترم وللأسباب خاصه تمت فسخ الخطبه من ناحيه اهله
ودارت الأيام وكان على اتصال متقطع بى كل فتره كبيره من بعيد لبعيد
الى ان فاجئنى من شهر بالظبط انه يريد ان نرجع لبعض تانى ويريد الزواج بى بما انى لسه متجوزتش لدلوقتى وهوه كمان
.. المشكله انه كان يعمل خارج مصر وكان عامل توكيل لأمه فى اداره وبيع وشراء كل شئ صارحنى ان امه نقلت ملكيه كل شئ بأسمها حتى فلوس البنك وبعض الممتلكات وهيه تحويشه عمره وترفض ان تعطيهم له حتى قبل ان اظهر فى حياته مره اخرى !!!!!
والأن وبعد ان صارحها برغبته فى عودته لى اصرت اكثر .. وهو الأن بلا عمل ويريد فلوسه لعمل مشروع واتمام الزواج بى ولكنها مستمره فى تسويفه
ولا تريد ان تعطيه ماله وممتلكاته  واتبع معها اللين والشده وقام بتوسيط اهل الخير لكن مفيش فايده
والأن فاض به وفاض بى علما بأننى لم اخبر اهلى الى الأن بنيته فى الرجوع لى واتمام الزواج
فلا اعرف ماذا ساقول لهم ... ولا اعرف كيف نتصرف فاتفكيرنا قد شل تماماً ....
ارجوا مساعدتى فى ايجاد حل بدون ان يخسر امه وفى نفس الوقت نحن متمسيكن ببعض جدا ..ولا اعرف الحل
وجزاكم الله كل خير ؟  ساعدونى

والله يا اميرتى الغاليه اانا مش عارفه اقولك ايه
الموضوع صعب اوى عشان هيه امه
ربنا يهديها عليكو وترضى عنكم وتديلو فلسو
وخليه يحاول يشوف شغلانه تانيه وبدى من الاول
وان شاء الله ربنا هيكرمو
وربنا يجمعكوعلى خير

انا مش عارفة ياحبيبتى افولك ايه انا مش متخيلة ان ف ام تعمل كدا مع ولدها!!
طب ياقمر هو كان بيعمل ف الخارج مش ينفع يجيب عقد عمل ويرجع للخارج تانى ويشتغل وانتى ويتجوزك وتسافر مع بعض وتبعدو عن امه دى؟؟؟؟؟

يا حبيبتى انا مش متخيله ان في ام كده علي العموم اصبري وصلي قضاء حاجه ان ربنا يحل ليكي المشكله ويهديها الهدايه من عند ربنا متفقديش الامل اصبري متفاتحيش اهلك الا لما يحلها خليها تاخد وقتها يمكن تتقي ربنا وترجع في كلامها ممكن يقنعها انه مش هيتجوزك ويسارد فلوسه وبعد كده يعمل اللي عايزه واسالي شيخ طبعا من غير ما يهينها او اي حاجه ديه امه بس اعتقد انه لو كذب علها ي الحاله ديه مش حرام اهمانى يريحها وياخدد حقه ما دام هي فلوسه مش فلوسها خالص وساعتها يبقي ياخد قراره السليم يارب يهدي لك الحال يارب

بصراحه جاجه تغيض ربنا يكون فب عونه انتوا بجد صعبانين عليا بس ممكن يكون في سبب خفي انتي لم تضهريه في الرساله هو سبب فسخ الخطوبه حاولي رايضيها و اكسبها لصفك حتي تنولو المراد حتي لو اهانتك استحملي و بعد كده ابقي قرري اذا كنتي هتتعملي معاها ولا لا

عزيزتى بنت النوبه :
والله انا كمان مش عارفه اعمل ايه مفيش غير الدعاء .. وانا قلتله نسافر ونبتدى حياتنا من الأول وجديد
بالرغم ان سننا كبير مش صغير انا عندى 35 وهوه 36 فيا دوب نلحق نتجوز ونخلف .. هوه رفض فكره السفر ثانيا بالرغم انها متاحه وعلل ده بأنه دلوقتى مسئول عنى تماما .... ومش هاينفع نتبهدل فى السن ده
دعواتك معايا ...  ...

عزيزتى mriana:
انا كمان صعبان علينا حالنا ... وقلتله نسافر بس هوه مرضيش ..

عزيزتى كليوباترا :
انا فكرت فعلاً انى اذهب لدار الأفتاء واستشير شيخ فى مشكلتى ..
خصوصا لما لقيت فكره ذهب انه ممكن يروح المحكمه وصرخت فيه وقلتله دى امك واحنا اخلاقنا مش كده ...
واقترحت سؤال شيخ بدار الأفتاء ..
لكن هافكر فى كلامك كويس واشوف ممكن اعمل بيه .. واشكرك جدا جدا على فكره صلاه قضاء الحاجه لأنها كانت تايه عن بالى...
وربنا يصلح حال كل المسلمين ادعوالى

عزيزتى انجلينا
مفيش سبب خفى ولا حاجه كل الحكايه بصراحه انى لغايط دلوقتى معرفش ايه السبب
هيه امه لما هوه رجع من السفر اصرت على عدم اتمام الزواج قبل ميعاد الفرح ب 5 ايام بس ... ومريت بسببها بظروف لا يعلمه الا الله
لدرجه العلاج النفسى .. ولما سألته هيه ليه عملت كده قالى خيرتنى بينك وبينها وبدون اسباب واتظلمت
لكن اللى انا حساه ان هيه كانت متضايقه من امى علشان شخصيتها مش زيها
يعنى احنا مستوانا الأجتماعى اعلى بكثير منهم . وممكن تقولوا على اهله  ناس بلدى بس مش بيئه
وامى معرفتش تسايرها وكانت تعاملتها فى حدود اللأصول لكن تقدرى تقولى انا امه حاسه ان مامتى بتتقالط عليهم
وده مكنش صحيح  امى طبعها كده  وانا كنت معاها غير كده لأن انا الأهم لأنى هاكون زوجه ابنها
وانا عرضت عليه انى اروح لها واتكلم معاها بس علشان تفهم . .. لكن كل انسان وله كرامه ولا اعتقد انى ممكن اقبل اهانه وانا الطرف المظلوم مره اخرى
عموما هو ايضا رفض ان احتك بها الأن وقالى ماما هاتيجى تانى لغايط عندك
ونطلب ايدك تانى ..
 

الحل بدون تريقه
هو انه يخدر امه ويمضيها علي الغاء التوكيل
او يحطها تحت ضغط تتخلي عنه ليه
يعني يعمل فيها حاجه ويهددها بالفضيحه
وياخد منها فلوسه وطبعا ميفضحهاش

لانها ملهاش كبير