فين معناه ؟

لا يا حبيبتى ابدا مفيش اي زعل علي فكره الفتره ديه كلنا مغمومين انا من الناس اللي بقي معنديش نفس حتى اكلم ولادي زي ما تقولي حاله اكتئاب عامه مكناش كده الله ابدا وكنا بالعكس بنحتفل ونعمل سبوع ونسال علي اللي بتولد ونبعتلها ونستناها واللي بتتجوزز بجد الحاله العامه انا نفسيتي مش متظبطه واعتقد ده حالنا جميعا سده نفس عامه انا الله كنت باستمرار اهم حاجه اني اسال علي اللي بيغيبوا كمان بقوا بيطنشونى ومش بيردوا عليه فخفت الناس تفتكر انى بسال بحكم المواضيع والمساهمات زي ما بتقولي بس ربنا يعلم انا بحب تكوين صداقات لدرجه اني بجد كان نفسي نتعرف علي بعض في نادي او حاجه نترابط اكتر بس بجد القلق والتوتر بيخلينا بالساعات مبلمه مش بفكر من اللي في البلد لو قلبتى من فتره هتلاقي الدنيا كانت مختلفه جدا وكنا بنتطلم كمان سكايبي ونحكي مع بعض وحاجات تانيه كتير مش عارفه ده حالي الشخصي معرفشي باقي البنات ايه بس حساهم زيي القلق هوه اللي عمل فينا كده كمان بنات كتير بتظظهر فتره وتختفي ارجع ابعتلهم يوقولوا ليه الله مبقناش فاضين فبخاف اضايق حد او اتقل عليه يارب نرجع زي ما كنا ونبقي احسن والامتحانات كمان هي فتره رخمه ان شاء الله تتحسن قريب

بالعكس احنا بنسال علي بعض دايما حتي ادخلي قسم الصالون هتلاقي سؤالنا علي بعض علطول
وعمرنا ما بصينا لمساهمات خالص والا مكناش في هذا الحال من سنتين مضو ولا ايه

اللي عايزه اقولك في بنات بتكافح معانا بصراحه وبتواصل الكفاح ومش بتفقد الامل بمعنى ان طبعا المنتدي صغير لسه فمحتاج حد يستحمل قله الردود ويقف مع الباقي وكمان يتواصل مع الباقي زي بنت النوبه بصراحه بتحاول ورورو وروان وميرفت وذكريات من الماضي وام انتصار وامانى ومريانه وفاطمه مع انها غايبه بس علي اتصال بيه بالتليفون اللي حبه تلاقي الصحبه يا بنات هتتواصل الله بس هي لازم تبقي بتسعي وتثبت نفسها زي اي صحاب بجد بتلاقيهم بينشغلوا وساعات بينسوا بس الله كلنا فاكرين بعض بالعكس بيبقي في فرح لما حد بيغيب علينا ويرجع بجد بيوحشنا في ناس بتزهق بس انا مثلا بالعكس لسه كنت بتكلم من يومين اني لو مكنتش لقيت معاكم الصحبه اللي تعودنى عن صحابي اللي خسرتهم بسبب انهم مش بيسالوا عليه وكمان مش بلاقيهم في شدتي مكنتش استمريت في المنتدي لان هدفه الرئيسي لما قعدت اجازه من شغلي اني ميجيليش تخلف عقلي من قاعده البيت واتعرف علي ناس يحبونى واحبهم بدون اغراض وهنرجع تاني احسن من الاول بس حال البلد يهدي هتلاقوا الدنيا احسن ولناس فاقت قولوا يارب وللاسف كمان في بنات بيغيبوا وببعت ليهم اسال عليهم مش بيردوا عليه وكمان عيدت عليهم ف يعيد ميلادهم ولا الهوي يعنى ليه تجارب كتير في التطنييش فللاسف ساعات الواحد بيتكسف يكون بيتقل علي حد للاسف مش كل الناس بتفكر زي بعض
المفاجاه بقي لو بصيتى علي باقي المنتديات هتلاقي المساهمات والمواضيع اكتر بكتير جدا من منتدانا ده صغير جدا ومع ذلك خرجي مجموع المواضيع زي ما روان بتقول من الصالون شوفي التهاني والافراح والتعزيه هتلاقي مواضيع كتير جدا بنسبه المواضيع اللي في المنتدي لسه منتدي صغير فلسه يا بنات محتاج صحبه اكبر تملي علينا العدد علشان نعمل جروبات اكبر باذن الله وانتم ساعدونى بقي الرك عليكم انتم في الاول والاخر اللي يحب يعمل صحبه حلوه معايا يحط ايده في ايدي يالا

طبعا انا بقالى حوالى شهر ونص مشتركة فى المنتدى لكن بصراحة انا مشدودة لية و حسيت ان العضوات اصدقاء و اخوات بجد و فية ناس بتسال على ناس و تفرح انها كلمتهم وتبلغ المنتدى ربنا يحميكم كلكم بجد وان شاء الله المنتدى يكبر ويكبر ويكون ما حصلش وبالتوفيق دايما

مرسى ياكوكى على كلامك الحلو ده فعلا احنا هنا كلنا بنحب بعض وبنسال على بعض وعشان احنا عددنا صغير اوى فعرافين دى فين ودى ظروفها ايه لهتلاقى فى وسط المواضيع مثلا هسال على فلانه
هتقولى كانت فين وفى قصه لو وحده منهم اتخرت على رد اسال عليها هترد وهنعرف هيه كانت غابه ليه
مش شرط اننا نعمل موضوع كاااااااااااااامل عن فلانه دى غايبه لا ممكن نسال على بعض فى وسط المواضيع وان شاء الله هيبقى اكبر منتدى فى الدنيا طول محنا قلوبنا على قولب بعض وبنحب بعض

حنه وساره تسلموا يا حبيبي يارب يكون فعلا محدش زعلان ابدا ابدا يارب ديما ونزيد ونوسع دايره صداقتنا حنه جديده معانا اه بس حساهه اندمجت بسرعه معانا يارب يا بنات اقدر اقرب علطول بينكم ونعمل مجهود اكبر باذن الله

فعلا الناس نفسيتها وحشة دانا حتى ولدت محدش سأل عليا هههههههههههههه أنا شكيت ان في مشكلة في الرسايل معقول باعوني بسرعة كدة

ههههههههههههههههههههه
ام يوسف والله انا حاسه ان عندى زهايمر
لانى كنت ناويه ابعت اسئل عنك لانك كنتى قايله انك فى التاسع
حمدلله على سلامتك ياقمر
يلا قوللنا جبتى ايه
وولدتى امتى

وياقمر ياصاحبه الموضوع
ياحبيبتى الاصحاب هى اللى تحب تتواصل
يعنى انتى مثلا لقيتى نفسك هتتاخرى او هتبعدى عن المنتدى شويه
اكتبى موضوع وقولى انك هتبعدى لسبب معين
ومن خلال الموضوع ده هتلاقى الاهتمام
يعنى ماترميش الغلط على غيرك
الا لماتعملى اللى عليكى
وبعدين موضوع الردود ده اللى انتى بتقولى عليه
هو فين ده احنا هنقطع شعرنا من قله الردود
ياريت تغيرى فكرتك وتعرفينا على حققيتنا
انا عن نفسى بعمل كل اللى اقدر عليه عشاننتعرف ونتجمع
وبرضو مش بلاقى ردود
ومع ذلك
لا يأس مع الحياه
وعلى العموم
وحشتينا ياجميل انتى كنتى فين بقه طمنينا عليكى يا ش......