تنويه مهم جدا يا بنات هيتم حذر العضويه احذروا

يا بنات انا اتكلمت في الموضوع ده كتير اوي وبعد كده مش هحذف الموضوع بس انا هوقف العضويه مش عايزه اسمع مسيحي ومسلم في منتدانا المواضيع الاسلاميه كتير جدا وقسم الاسلامي شرح لدينا ومبادئنا براحتنا لكن لا نقول مسلم استنصر ولا مسيحي اسلم لو سمحتوا الموضوع مش هزار لا بلدنا مستحمله ولا احنا باخواتنا في المنتدي عايزين نعمل اي ضيق بينا عندكم مواضيع كتير اوي بدون التطرق للمسيحيه او اي ديانه انا نبهت ستين مره الا الاديان نزلوا اللي انتم عايزينه يا بنات عن الاسلام بدون ذكر اي دينن اخر اظن دينا ملئ وعمران بالمواضيع اللي تفيدنا ولن يفيدنا المقارنات او اي تدخل في شئون احد ارجوكم تنويه مهم واخر مره هنوه انا عارفه كلام شديد ولهجه مش متعودنها منى بس انا لاحظت تصميم البعض علي الاحتكاك والتوجيه لاسلوب معين لن اسمح بيه اطلاقا

شكرا ياكوكى بجد انتى ورغده على اهتمامكم

تسلمي يا حبيبتى مصر ديه اغلي حاجه عليه وكمان كلنا اخوات واظن المناقشات في الاديان متكونشي من اي حد وفي اي مكان ده بيكون زريعه للوقيعه بينا وبين بعض وعلاقتنا ببعض وحفاظنا علي بلادنا وكل واحد حر في عقيدته محدش يدخل في عقيده التانى ده طريق المنتدي انا اصلا مكنتش عايزه افتح القسم الاسلامي خوفا من فتوي غلط اخد نبها نقوم نعمل فتنه بينا وبين بعض وفي عز ما البلد محتاجانا ايدينا في ايد بعض مين يقول كده لا طبعا ولو حتى في اي مكان لازم نقف كلنا في ايد بعض مش وقت القصص ديه خالص

عندك 10000000000000 حق يا كوكي
الا الاديان
احنا مش هنتعامل مع بعض علي اساس ديانتنا
ولا علي اساس بيئتنا
ولا علي اي اساس الا شخصيتنا
الشخصية و بس
مش عشان من الاثرياء يبقي اعظم فيها
ولا عشان من الفقراء احقر منها
مافيش تفرقة هنا بين اي بنت والتانية
الا بلون اسمها



انتي صح يا كوكي

ده احسن حاجه بتميز منتدانا
لاللتطرق للسياسه ولا للدين
يعنى منختلفش فى اى حاجه فيهم

لاااااا هنا المنتدى كلنا واحد ودا اللى عجبنى خالص ف المنتدى اول مرة اشترك فيه لاحظت ان اغلب المنتديات بيبقى فيه غلط ف الاديان وكدا لكن المنتدى دا لاحظت ان كل اللى فيه اخوات ربنا يخلينا لبعض كلنا ويخليكم ليا

mriana كتب:شكرا ياكوكى بجد انتى ورغده على اهتمامكم

مريانا انتي اختنا
او اتكلم عن نفسي انتي اختي
لما اتعامل معاكي فانا بتعامل مع مريانا
زميلة الكفاح و النضال
مع الامتحانات

مش مع مريانا الي مش عارفة مين في عيلتها في مجلس الشعب
ولا مين من اخواتها في نادي للاثرياء فقط
ولا بتجيب هدومها ماركات ولا من باريس حتي

انا بتعامل مع مريانا و بس
مش مريانا اي حاجة تانية

انتي اختي
و يارب تقبليني اختك

mriana كتب:لاااااا هنا المنتدى كلنا واحد ودا اللى عجبنى خالص ف المنتدى اول مرة اشترك فيه لاحظت ان اغلب المنتديات بيبقى فيه غلط ف الاديان وكدا لكن المنتدى دا لاحظت ان كل اللى فيه اخوات ربنا يخلينا لبعض كلنا ويخليكم ليا

ويخليكى لينا يامريانه
احنا فعلا كلنا اخوات ومش بحس بفرق خالص بينا
ربنا يديم مابنا

يا حبيبي ده حال كل المصريين خبوا بقي لحسن نتحسد ههههههههههههههههههه وهنفضل كده طول عمرنا وعلي فكره المنتديات اللي بتقبل كده علشان تزيد من المشاحنات وده يرد وده يرد ههههههههههه ويزود الزوار علي اساس مبداه لن يستمر وهتبقي سمعته معروفه مش يعنيني الزوار زي ما انتم عارفينى يا بنات اد ما يهمنى مبادئ هيقوم عليها منتدانا باذن الله وصدقونى كتير زيكم بدخل منتديات بتضايق من احتكاك مصريين او اظن انهم ممكن تكون ممثليين المواضيع ديه للتوقيع بينا وبين بعض علشان نسخن بس علي مين باذن الله هنفضل واحد للابد ووطن واحد وايد واحده كلنا بجميع طوائف مصر وحتى البلاد العربيه باذن الله ولا يهمكم وهنفضل باذن الله ديما لا بنزل سياسه ولا اي حتكاكات دينيه او سياسيه احنا داخلين نهدي اعصابنا الاخبار مرطرطه ههههههههههههه وبيوتنا محتاجه اهتمام وازواجنا زي اهتمامنا بكل الحاجات وفي مواقع اخبار كتير وسياسيه مش اكتر منهم عجبهم الليله خلينا نهدي شويه انا لما بتكلم معاكم بهدي وبتبقوا بالنسبه ليه التفريج عن الهم اللي في البلد يبقي ندخل نتخانق هنا كمان ههههههههههههه ليه يعنى هنتجنن ككده سيبكم مساء الفل ويالا علشان نرغي ونبين حبنا لبعض في وقت الشده ههههههههههههههههه اهه ظهر يا بنات وعمرنا ما حد هيزعل ابدا ابدا يا حبيببى

ربنا يخليكو ليا كلكو يا احلي اميرات في اجمل منتدي فالدنيا

فعلا عندك حق يا كوكي
الواحد زهق من كتر السياسة
هنا بقي
المنتجع الصحي للاسترخاااااااااااااااااااااااااء
و الفرفشة و الضحك
و الاستفادة في مختلف المجالات

ماتحرمش العمر منكو ابدا

بس ادعوووووووووووووووووووووووولي
اختكم بتتفرم