مشكله وصلتني عايزه مساعده

المشكله ديه وصلتني علي الخاص يا بنات وعايزه حل

انا ابنى مش شاطر فى المدرسة بالرغم م انه ذكى جدا" ولا يريد دروس تقوية له فماذا افعل

يارب نقدر نفيدها بارائنا

ممكن تكون في حاجة مخلياه يكره المدرسة او في حد من المدرسيين مكرهينو في الدراسة ممكن تسالو وتتكلم معاه

و ممكن حد من زمايله فالمدرسة بيضايقه
هي ممكن تسأل الاخصائية عن الفصل بتاعه ممكن يكون في طفل مشاغب معاه

ايوا ممكن فعلا تكون المدرسة او حد من زميلة وممكن كمان يكون هو بيحب اي حاجة غير المذاكرة انت ممكن تخلي المذاكرة علي الكمبيوتر لو هو بيحب الكمبيوتر او تخليها فااني شوية علشان مايزهقش او يحس انك بتضغطي علية هو سنة اد اية؟

خليها ترقيه يا كوكيه كل يوم قبل ما ينزل وكمان تروح تشوف جايز مدرس او زميل ليه مضايقه ومكره فى المذاكرة والمدرسة بتحصل كتير انا بنت خالى كانت بتحب المدرسة جدا وفجاة بقت تعيط كل يوم ومزاجها وحش على طول على طول فضلوا يرقوها ويشوفوا ايه اللى كان مضايقها بس تقريبا العين هى اللى كانت السببب يارب استرها معاه وربنا يوفق

أنت بتقولى أنه زكى جدا يمكن طريقه التدريس نفسها مش متوافقه مع قدراته و بعدين فين الأخصائى الجتماعى بتاع المدرسه ده دوره حاولى مقابلته وشرح الأمر عليه و ربنا يصلح الحال .[b]

هو فعلا زى ماايمى قالت لازم ترقيه لان الحسد وارد طبعا مادام هو ذكى
وبعد كده تحاول تجيبله ادوات جديده وجميله تحفزه على المذاكره
وتجيبله هدايه تشجعه
وربنا يهدى اولادنا جميعا
انتى عارفه ياكوكى انا دخلت محمد الحضانه من شهر تقريبا
اول 3 ايام كان بيبقى مبسوط وهو بيركب الباص وبيعملى باى باى
بعدها كل يوم ولحد انهارده الامارات كلها بتسمع صوت عياطه وهو بيركب الباص
وعرفت السبب طبعا
كانت واحده جارتى بتزور بنتها فى نفس الحضانه وكانت بتسأل ع محمد
عشان تتطمن عليهفالمدرسات كلهم قالولها ده ولد غريب خالص
ده مش بيعيط ومندمج من اول يوم
ومن ساعاتها شكرااااا
هههههههههههههههههههههههههههه
فالعين فالقه الحجر زى مابقولوا
معلش طولت عليكم
ربنا يحفظنا ويحفظ اولادنا