اجعلي لجسمك ريحة حلوة لتاني يوم

بصى بقا يا ستى الخطوات بسيطه جداااااا

اول حاجه انتى هتاخدى دش تمام اوك
بعدين تنشفى نفسك كويس وجسمك لسه مندى كده تحطى عليها الخلطه دى اللى هتكونى عملتيها

والخلطه عباره عن

جيليسرين



وتجيبى نص كمية الجليسرين زيت زيتون

وبعدين تجيبى ربع كميه زيت الزيتون او اكتر شويه زى ما تحبى زيت فل


زيت الفل ده جبته بخمسه جنيه من العطار

حوالى 10 ملى كده

المهم حطى التلات كميات على بعض ورجيهم كويس ..هتلاقى لون الجليسرين اتعكر شويه بعديها

بشويه هتلاقيه رجع صفى تانى متقلقيش

خلى الزجاجه دى عندك فى الحمام تستخدمى منها بعد كل شاور

هترطب جسمك + زيت الزيتون سنه + هتخلى جسمك معطر وعطره ثابت

وهتلاقى الزجاجه كلها

كلفتك 10 جنيه مش اكتر وهتستخدميها اكتر من مره
والله يا جماعه انا وانا بتقلب بالليل وسط النوم الريحه بتهب كده بحس انى فى جنينه
بجد حاجه تجنن

ياقمر وصفه حلوه اوى

ميرسي حبيبتي انتي الاحلي

ياجميل على الوصفه ديه شكلها جامده

احلي حاجة فيها ريحة الفل شكرا يا سومة

يسلمو ايديك بجد الوصفة روعة بجد انا جربتها ولقيت الريحة جميلة اووى

طيب الحمد لله انها عجبتكو ;)

الله طب اجرب واقلك

اه ياريت تجربي وتقولي النتيجة عشان الكل يستفيد وانشالله الفل يفوح منك من كل حتة
;)