طريقه جيدة للتخلص من ريحة العرق وكمان لتفتيح الاماكن الحساسه والقضاء علي الشعر فيها

ازيكم يا حلوين دى طريقة مزيل عرق بعملها بس تحفة بعملها علشان حجات كتير 1- بتمنع ريحة العرق
2- بتبيض جداااااااا
3-والمفاجئة بتمنع ظهور الشعر طب ازاى اصل تركيبتها بتمنع ظهور الشعر يعنى
مع الاستخدام واحنا اساسا كل يوم بنحط مزيل عرق هتبقى كانك بتحطى علاج
يمنع ظهور الشعر من غير متحسى
التفاصيل
1- هنجيب ترمس مر لازم مر انا باكد عليكم مر يعنى مر
2- هنحط شوية ترمس مر مطحون او مش مطحون فى 2 كوب ماء يعنى حوال 2 ملعقة
ترمس مر على 2 كوب ماء ونحطهم على نار هادية يغلو لحد ميوصل منسوب الماء
الى حوالى نصف كوب ماء ونطفى عليهم النار ونسبهم يبردو خالص
3-هناخد من مغلى الترمس حوالة فنجان صغنن من بتاع القهوة وهنعصر علية نصف
ليمونة كبيرة وهنضيف ليهم ملعقة خل تفاح كبيرة وهنضيف شوية بودرة تلك حوالى
ملعقة كبيرة ونقلب كويس وبعدين نضيف ملعقة كبيرة شبة مطحونة ناعم ونضيف
شوية نشا صغيرين ونقلب لحد ميبقى الخليط تقيل شوية يعنى يبقى زى مزيل عرق
السايل بتاع الصيدلية يعنى ميبقاش مية ولايبقاش عجين ولو تقل زودى ماء
الترمس ولو خفيف وسايل زودى نشا لحد متظبط معاكى ولو حد فيكم مش بيحب
النشا ولا البودرة التلك يبقى بلاش بس نصيحة دول



بيبيضو البشرة وبيفتحوها جااااااااااااااااااااامد تحطيهم واستخدمى ماء
الترمس المضاف لية الليمون ولازم الليمون علشان الترمس البشرة تشربة
وتستفيد من مفعولة فى منع ظهور الشعر ولو مش عاوزة خل تفاح متحطيش بس للعلم
خل التفاح بيمنع ظهور الشعر والليمون كمان بيمنع ظهور الشعر انا بحاول
ارضى كل الاطراف ولازم الشبة واخر حاجة هنضيفها هية شوية صغيرين من حجر مسك
مطحون ودى للريحة ولو مش عاوزة براحتك مش لازم وفى النهاية هنصفى الخليط
بمصفاة ضيقة علشان اى حاجة خشنة تنزل منة وهنعبى الخليط فى زجاجة بلية
دوارة زى بتاعت مزيل العرق والله وصفة حلوة قوى مش بستغنى عنها وكمان ببقى
ادهن المنطقة الحساسة لمة ادهن باطى بيها بعدى عليها علشان متزعلش بياض اية
وريحة اية وكمان الشعر بيختفى نهائى مع الاستخدام


انا مجربتهاش بس هاجربها باذن الله واقولكم بس هى عجبتنى قولت احطها ليكم
لو حد جربها قبل كده يا ريت يقولنا ايه نتيجتها

تسلمي يا طمطم مشاركه قيمه وتهمنا كلنا موضوع رائع يستحق التقييم

كليوباترا كتب:تسلمي يا طمطم وتهمنا كلنا موضوع رائع يستحق التقييم

العفو علي ايه ارجو انه يعجبكم ويجيب نتيجة حلوة معاكم باذن الله

الملاك الضاحك كتب:

ميرسي ليكو كتير يا قمرات ارجو يعجبكم بجد وتجربوه

جزاكى الله خيرا

هحاول اجربه ان شاء الله
يسلم مجهودك

وصفه جميله انشاء الله هجربها

ميرسي ليكى كتييييييير

henaa كتب:جزاكى الله خيرا

ميرسي ليكى يا قمر ويا رب تعجبك ويا ريت تبقي نقوليلنا نتيجتها معاكى

نفرتيتي كتب:وصفه جميله انشاء الله هجربها