دوره الطبخ مع المشرفه روان - مسابقه دورات غير منقوله

سهيله احمد كتب:شكلها شهي وانا بحب الزعتر موت هتلاقي اللي دخلوا ومش ردوا مش بيحبوا الزعتر مش تزعلي ياقمر

اها فعلا فيه ناس كتير مش بتحب الزعتر
تسلمي نورتيني يا سوسو

نصف كيلو دقيق
معلقه كبيره خميرة
معلقه كبيره سكر
5 معالق كبار زيت
بيضه
شويه ملح صغيرين حوالى نصف معلقه
لبن دافئ للعجن





1- نضع الخميرة علي السكر ونضع القليل من الماء ونذوبهم مع بعض ونتركهم 5 دقائق
2- نضع الدقيق وعليه الملح ثم الخميره والبيضه والزيت وممكن اضافه معلقه سمن (تبع الرغبه )



ثم نعجن العجينه ونقسمها نصفين



ونتركها في مكان دافئ حتى تتخمر لمده نصف ساعه



3-
ناتى لتحضير حشوه البيتزا وتتكون من زيتون اسود مقطع _ زيتون اخضر مقطع _
طماطم مقطعه _ فلفل اخضر والوان مقطع _ بصل مقطع شرائح رفيعه جدا يعطى
نكهة رائعه _ جبن رومى ويفضل جبن موزاريلا بس انا استخدمت جبنه رومى _
صلصه ولو عندك كتاتشب اخلطيه مع الصلصه بيبقي رائع



4-
وبعد كدا ناخد نجيب صينيه وندهنها ماده دهنيه ثم ناخد نصف العجينه ونفرده
ونضع شويه جبنه رومى ثم ناخد النصف التانى ونفرده فوقهم بالشكل دا ونبطط
العجينه كويس ونقفلها من الاطراف ونجيب شوكه ونخرم العجينه كتير ودا ضرورى
وسر النجاح


5_
نضع الصلصه ثم نضع طبقه جبنه رومى ثم الزيتون ونضع طماطم ثم البصل والفلفل ثم نضع جبنه علي الوش
تانى

ثم نقطع الاطراف الي شرائح طويليه عريضه ثم نحشيها بالجبن الرومي والموزيريلا
ثم نطوي العجين للداخل ونرش علي وجه الشرائح فقط وليس البيتزا نرش شطه وسمسم
ودي شكلها قبل ما تدخل الفرن



وندخلها الفرن وتهدى النار عشان تستوى من جوا وبعد اما تستوى تحمريها عشان تاخد لون حلو من الوش
ودى شكلها بعد اما طلعت من الفرن



ودا بقا طبق للي عايزه تاكل



لو الموضوع عجبكم متنسوش التقييم

ودا كان اخر احجه اقدمها في دوره الاكل بتاعتي
يارب تكونو استفادتو منها وقدمت ليكم حاجه كويسه

المشرفه روان

جامد يا روان بجد ربنا يكرمك وكلها حاجات مميزه جدااااااااااااااااااااا فوق الوصف

بجد تحفة و شكلها رائع تتاكل من الصور هجربها ان شاء الله

ممممم حلوه اوي تسلم ايديكي وربنا ميحرمناش من اكلاتك الرووووووعه
بس حاولى تنزلى باقى الصور واحلى تقييم ياقمر

تحففففففففه بجد يارورو وجارى التقييم طبعا

تسلم ايدك ياجميل

queennana83 كتب:بجد تحفة و شكلها رائع تتاكل من الصور هجربها ان شاء الله

ميرسي يا جميل
منوراني جربيها هتعجبك لو انتي من محبين الزعترم

كليوباترا كتب:جامد يا روان بجد ربنا يكرمك وكلها حاجات مميزه جدااااااااااااااااااااا فوق الوصف

تسلمي يا كوكي منوراني ويارب تكوني استفادتي
انا نزلت الصور خلاص شوفي التوبيك كامل

lovelyeve كتب:ممممم حلوه اوي تسلم ايديكي وربنا ميحرمناش من اكلاتك الرووووووعه
بس حاولى تنزلى باقى الصور واحلى تقييم ياقمر

ميرسي للذوقك
انا نزلت ياقي الصور شوفيها اهه