دوره الطبخ مع المشرفه روان - مسابقه دورات غير منقوله

ازيكم يا اميرات معانا الوصفه التالته في دوره الحلويات السريعه
وهي البسكوت او القرصه المملحه
توك بس made in homeهههههههههههه

المقادير
لكل كوب دقيق

نص معلقه صغيره ملح

نص معلقه صغيره سكر

نص معلقه كبيره بيكنج بودر
معلقتين كبار زبده او سمنه تكون بدرجه حراره المطبخ

ربع كوب لبن

بيضه هنضربها ونحط نصها بس عشان النص التانى هنلمع بيه وش البسكوت وعليه شويه لبن قبل ما ندخله الفرن
اظن مقادير سهله واقتصاديه ومتوفره فى كل بيت ونتيجتها ولا اروع من كده


الطريقه

الاول هنخلط المقادير الجافه مع بعض الدقيق والسكر والملح والبيكنج بودر خلط كويس



نضيف الزبده ونفركها كويس مع الدقيق لغايه مايبقى الخليط رملى





نضرب البيضه كويس ونضيف نصها على اللبن ونضيفهم على الدقيق



ونبدا نخلطه كويس لغايه كل المقادير ماتبقى متجانسه مع بعضها وخدى بالك ممكن اللبن يزيد شويه او يقل حسب ما تلاقى العجينه معاكى
ندخل العجينه التلاجه لمده ساعه



ترشى لوحه التقطيع يشويه دقيق وتبداى تفردى العجينه يادوب سمك اسم او اقل لانهابتنفش وتقطعيها وتشكليها على حسب ما تحبى مربعات دواير نجوم انتى وذوقك





وتجيبي نص البيضه التاني تضيفى عليه معلقه لبن وتدهنى وش البسكوت قبل دخولها الفرن وبعدين ترشى ذرات ملح خفيفه على الوش
تسيبيه يرتاح 10 دقايق



وتدخليه الفرن على الرف الاوسط حراره 180 او حسب فرنك لمده 12 دقيقه او لغايه لما تلاقيه بقى لونه دهبى




ودي صورة من قريب للتعذيب فقط هههههههههههههه



ملحوظه قلبوظه ممكن ترفعي سمك العجينه لو عايزه البسكوت يقرمش معاكي ولو عيزاه زي القرص طري شويه تخني سمك العجينه
انا بحبه تخين زي القرص انتي وزوقك

لو عايزه تعملي كميه كبيره ضاعفى المقادير على حسب حاجتك
تقطعيه رقيق لانه بينفش وبيتخن
اول ما يدخل الفرن
كمان فى حاجه لو حسيتى انه لسه طرى شويه بعد ما
تخلصى وتطفى الفرن حطيه كله فى صينيه فى الفرن وهو مطفىىىىىىىىىى ياخد
حرارته وهتلاقيه قرمشه مفيش كده ولازم تحفظيه فى علبه صفيح وتقفليها كويس

اتمنى الوصفه
تكون عجبتكم وتجربوها وكمان تقيموها اصل اللى مش هتقيم مش هتنجح معاها
الوصفه

انا نزلت الصور اهه يا بنات
والله طلع عيني بس ميغلاش عليكم
يله بقا عايزه احلي تقييم اصل هزعل بجد

تسلم ايديك يا قمر و اديتك احلى تقييم
:سلمت يداكى:

ميرسي يا ريدو ربنا يخليكي
كلك ذوقك
ان شاء الله يعجبك

ايه دا تحفه بجد يارورو
لاااااا انا مليش دعوة لازم تعلمينى بتخترعى الاكلات دى ازاى داانا مش بعرف اعمل كدا هههههههههههه

جاااااااااااامد يا روان بجد تسلم ايديكى ربنا يكرمك يا حبيبتى ياااااااااااااااارب علي تعبك ومجهودك احلي تقييم طبعا

mriana كتب: ايه دا تحفه بجد يارورو
لاااااا انا مليش دعوة لازم تعلمينى بتخترعى الاكلات دى ازاى داانا مش بعرف اعمل كدا هههههههههههه

طيب ما انا عملتلكم
دوره اهه علشان تتعلمو منها
امال علشان تتفرجو وتاكلو بس ههههههههههههههه
انا عامله حاجات احلي تابعي معايا علطول

كليوباترا كتب:جاااااااااااامد يا روان بجد تسلم ايديكى ربنا يكرمك يا حبيبتى ياااااااااااااااارب علي تعبك ومجهودك احلي تقييم طبعا

ميرسي يا كوكي
والله بتعلي من معنوياتي دايما

ماشى يارورو انا متبعاكى واجرب الاكلات دى خلينى ابقى طباخه ماهره هههههههههه

ايه الحاجات الجامده دي تسلم ايديكي ياقمر واحلي تقييم لعيونك ياسكر