ارجو رايكم ضرورى يا اميرات ساعدونى في قراري

انا بحب شخص من5سنين وهو كمان بيحبنى
لمهم حصلت مشاكل بينى وبينه م اول شهر4اللى فات واخدنا فرصة نفكر
خلال الفترة دى انا تعبت اوى وصالحته بس هو كان معاملته غريبة مش طايقنى بمعنى اصح
وقالى ناخد فرصة نفكر
ومرة دخلت ع اميلى لقيته بيحكى لصاحبه انه اتعرف ع بنات وكان عايزها تكلم اخته وهى موافقتش
وعمل اميلات وكان بيدخل روم وكدا وف اميل اناكنت بشوفه م فترة جامده من 4سنين وكان بيحبفلى انه بتاع صاحبه!
ولما عرف انى بدخل اقرا كلامه غير باسورده
وحاولت اصالحه وانسى اللى فات بس هو كان وحش اوى معايا
واول شهر8قالى خلينا اخوات لمدة شهر ونص فكر ويوم15سبتمبر نشوف هنكمل ولالا
وخلال الفترة دى انا كنت ف حالة نفسية زفت وحاولت انتحر عشان ارتاح من ال كنت فيه بس ماما لحقتنى
وبعدها قررت انساه وبدات اهتم بنفسى ورجعت لصحباتى نتكلم ونتفسح وخلاص كنت بدات اتعود انى اعيش من غيره
ويوم26اغسطس شافنى ف الشارع وبعتلى رسالة يسال عليا ورديت عله بس كنت بختصر ف الكلام
وراح يصيف ف الفترة دى ويوم7سبتمبر رجع قالى هكلمك ضرورى وكلمنى قالى انا قعدت مع نفسى افكر لقيت انى بحبك جدا ومش هقدر اعيش من غيرك ومعلش الفترة ال فاتت كانت يسبب كتر الخناقات حسيت ان حبى ليكى قل وكدا لكن اكتشفت انى هموت لو عيشت من غيرك
وتصالحنا وقالى نه من شهر4بداية المشاكل اتعرف ع بنات
وقالى مش هخبى عليكى حاجة من هنا ورايح انتى مرايه بالنسبالى اى حاجة هتحصل هحكيها ليكى وقعدنا اسبوع كويسين
وسالته عن الاميل ال كنت بشوفه م 4سنين قالى انه فعلا بتاعه وادانى باسورده
ودخلت شوفت كل الكلام
حسيت انى اتجرحت فعلا متوقعتش كدا
ف بنت كان كلامه مش مظبوط معاها كلام زبالة يعنى
وواحدة طريقتهاغريبه وبنات كتير
وكان بيغلط فيا قدامهم وكدا
وقولتلكم هنا وقولتولى مادام بدات صفحه جديدة لازم انسى ونسيت وكويسين مع بعض
وكل دا وبرضو زى ماقالى ان الاميل عاملة من زمان بس اتعرف ع بناات من 5شهور بس
المهم من كام يوم حكيت مع واحدة على اساس انى هو وبختبر ذكائها وقالتلى احنا اتعرفنا من سنتين وغيرت اميلك عشان حبيبتك عرفتو!!
اكتشفت انه كدب عليا وواجهته وقالى معلش انا خوفت اقولك تسبينى
وقولتله لو بتحبنى فعلا تحكيلى كل ال حصل
قالى ف بنت اتعرفت عليها من الروم ف اولى كليه[من4سنين]
وكنا بنتصل ببض كتير اوى وقالتلى انها بتحبنى وانا قولتلها وانا كمان وحلفلى انه محبهاش كان مجرد كلام وخلاص وكانو بيتكلمو كتير جدا ف الموبايل وف الاخر اتفقو انهم يبقو اخوات واستمرو يحكو انهم اخوات وقالها انه بيحبنى وهى كانت بتكرهه فيه وتفضل تقوله سيبها
البنت التانية كان بيحكى معاها ف كلام[سكس]
كل دا من4سنين!!!
وانا اللى مكنتش بتعرف على اى ولد عشانه مكنتش بسلم على ابن خالتى عشان حبيبى ميزعلش
اخرتها من4سنين يعمل كدا معايا!!
فاانا قولتله مش هينفع نكمل وحكى لصاحبه وبكى عليا وقال انا بتقطع ونفسى ارجعلها
وحكى لمامته وقالتله انت غلطت ولازم تصالحها وفضل يقولى انا اتغيرت وادينى اخر فرصة وكدا وبعدكتيييير وافقت اكمل معاه
بس انا دلوقتى بجد تعبانه نفسيا مبنمش بالليل انا مش عارفة حاسه انى بكرهه مبقيتش احبه
هو فعلا اتغير وعنده رعب من انى اسيبه كل شوية يحلفنى انى انسى ال فات ولو شوفته غلط ابقى اسيبه

محتاجه رايكم ضرورى انا محتاره ومش عارفة اعمل اى حاجة هتجنن ومش قادرة انسى ال فات ومش قادرة ارجع احبو زى الاول
وهو خايف موت اسيبه بيحاول يراضينى حتى لو على حساب كرامته عشان مسيبوش!!
لازم تقولى رايكم معلش انتم اخواتى ومليش غيركم

بصى ياحائرة لو انتى عملتى ربع الل هو عمله دة مش كله هو كان هيتعامل معاكى إزاى؟؟؟


هو فيه حاجات كتير عملها بحكم انه شاب بس فى نفس الوقت خان ثقتك فيه


من الحب ماقتل_بس هقولك على حاجة اخيرة خدى نصيحة قلبك وعقلك ماتاخديش بنصيحة اى حد تانى لأن انتى اللى فى الموقف ومهما حكيتى او وصفتى مش هنحس بالموقف زيك لأن دى حياتك انتى وانتى اللى عايشاها


وقربى من ربنا وصلى وهتلاقى نفسك روحتى للقرار الصح
وربنا معاكى ياقمر ويوفقك يارب

حبيبه قلبي

من كلامك اكتر اقول انك في اوائل العشرينات وهو كمان

اولا
وفي معلومه يجب ان تعرفيها سن المراهقه عند الشباب غير البنات يعني هو في نهايه سن المراهقه (مشاعره ليست مستقره)

انتي تقدري تعرفي هذا لانك عرفاه اكتر

ثانيا
المرأه عموما بتفكر بمشاعرها اكتر وهي الي بتحركها

حاولي تفصلي بين عقلك وقلبك
فكري بالمشكله كانها لوحده صحبتك ساعتها هتقدري تفكري بعقلك فقط

ثالثا
عشان تقدري تعرفي الشخص ..
شوفي افعاله وكلامه مع الغير وليس معاكي انتي

ربنا يوفقك لما هو فيه الخير ليكي ..

حبيبتى
انا متابعة المشكلة بتاعتك من الاول

وكنت بطمن عليكى
وقولنا الحمد للة الامور استقرت بس اية اللى حصل تانى يخليكى تقفلى منة كدة
بجد حاسة بيكى بس ممكن يكون انتى مش طايقاة بسبب غضبك
نصيحتى ليكى فكرى كويس قوى بعقلك مش قلبك
شوفى كدة اتغير بجد ومع كل الناس
ولا علشان خايف يفقدك بس
ولفترة مؤقتة
خدى وقتك طالما صبرتى 4 سنين
اصبرى لغاية ما تتاكدى
وربنا معاكى
بس عاوزة اقولك على حاجة مفيش راجل بيتضمن

ربنا معاكى ويوصلك للقرار الصح إن شاء الله

اولا قلبى معاكى يا حبيبتى وربنا يهديكى للقرار السليم ان شاء الله بس لازم الفترة ديه تقربى من ربنا قوى وتصلى صلاة استخارة لان ربنا هو الوحيد اللى يعلم ما وراء الصدور حاولى تحكمى عقلك فى الاول لانك اكيد انتى بتحبيه قوى عشان كده بتحكمى قلبك بس حاولى تبعدى عواطفك دلوقتى هو غلط فى حقك قوى وخان الثقة اللى انتى اديتهاله وكدب عليكى وانتى حاولتى تسامحى بس مش قادرة تغفرى وحتفضلى طول الوقت عندك شك فيه وعدم ثقة واعصابك كده حتدمر فأنا من رايى ان لازم هنا يكون فى تدخل من الاهل بمعنى انك تطلبى منه انه يتقدم لك رسمى ويطلب ايدك من اهلك ولو هوه لسه مش جاهز حاليا انه يتقدم يطلب من باباكى انكم تقروا فاتحة ويحدد فترة زمنية حتى لو كانت طويلة على اساس انه فعلا لو ندم على كل اللى عمله فى حقك كده يثبتلك انه شاريكى وانه عمره محيكرر الغلط مرة تانية لانه بكده اى غلط تانى فى حقك ده لو فكر فى كده اصلا الموضوع بكده حيبقى فيه كلام رجاله وحتلاقى اهلك جنبك لكن لو رفض انه يتقدم اقولك هنا فكرى مليون مرة فى قرار رجوعك ليه لان اللى خان مرة مش صعب عليه يكررها وخلى عندك قدرة على التسامح يعنى اذا وصلتى معاه لخطوة التقدم لاهلك حاولى تسامحيه وتبتدى معاه صفحة جديدة لكن اذا لم يثبتلك حسن النية حتفضلى انتى فى عذاب انا ده رايى الشخصى واكيد الاميرات حيفيدوكى اكتر  وربنا يهديكى للقرار السليم ان شاء الله 

السلام عليكم

بصى يا اختى انا اول مرة اقرء لك فى الموضوع دا

وانا لو بقرء من اول ما انتى حكيتى كنت قلت ليك ننصيحتى ليك

ان الموضوع دا من اوله ماشى غلط فى غلط

الغلط عمره ما يتصلح اخت ليكى بتقول لك

سيبك منه احسن لك

وبكرة ربنا يرزقك واحد عارف ربنا يصونك

لان من كلامك عليه دا شكله موش بيصون اعراض الغير

وكما تدين تدان

هو صعب عليكى انك تسبيه بس لازم

لو بتحبى نفسك واهلك لازم تسبيه وابقى طمنينى عليكى

شوفي يااختي افضل انك تاخدي مع نفسك فترة بعيد عنه وتحكمي عقلك وقربي من ربنا وعيطي ولحي وادعي ومش عارفة ليه حاسة ان مش ها تكملوا مع بعض لانك واضح انك ناضجة اكثر منه وحتي لو كملتوا هايكون في مشاكل كتيرة لانك دائما هاتفكريه باللي فات فاستخيري الله وتوكلي عليه خير توكل ربنا يوفقك لما يحبه ويرضاه

الإنسان ده لا يصلح أن يكون زوج وأب لأنه إنسان فاسد ولازم تسيبيه وتنسيه وربنا إن شاء الله يرزقك بزوج أصلح منه

ربنا يصلحلك الحال يارب