ارجو المساعده ضرورى

اهلا اميرات انا بحيكم على القسم الروعه ده

بس انا عندى 26 سنه وامى متوفيه وفرحى بعد اسبوع ومعرفش اى حاجه عن ليله الزفاف وانا الصراحه قلقانه اوى لان صحباتى عملين يقلقلونى اوى ممكن حد من المتجوزين يسا عدنى ويشرحلى

يا حبيبتى ولا يهمك انا باذن الله هجمع ليكي موضوع كامل وتعملي ايه وتستعملي ايه وكل حاجه علشان هيفيد بنات كتير وهجيب ليكي اللينك هنا اعتبرينا كلنا اخواتك ومتخافيش والله العظيم الموضوع بسيط مش زي ما بيصوروه خالص وهقولك حالا من عنيه

حبيبة قلبى ربنا يتملك على خير يارب وماتقلقيش خالص الموضوع بسيط جدا سيبك من الكلام والحكايات الى بتتقال
ان شاء الله كليوباترا تجيبلك الموضوع ان شاء الله وعلى فكره انا لا مامتى ولا خالتى ولا اى حد قالى اى حاجه قبل الجواز بس الواحد كان عنده خلفيه من كتب ومواضيع علميه ودينيه ودى اهم حاجه لان غير كده بيبقى وهم

اها تصدقي فعلا الواحد مرعوب
وبسمع خرافات
مع ان اختي بتقلي متسمعيش كلام لحد نهائي
الموضوع اسهل مما يمكن
بس انا مشكلتي جبانه جدا جدا جدا بخاف من اقل حاجه
انا لما حد بيحكيلي عن مرض او حاجه جسمي بيقشعر ومش بقدر استحمل

الصراحه اصحابى لما حكولى قرفت اوى والمشكله انى بكسف اوى يعنى ازاى بعد ما اتجوز احط وشى فى وش جوزى انا كنت فاكرة انى بنام بهدومى مش قمصان نوم وكده 

ده انا فكرت الغى الجوازة خالص 

 

ربنا يتمم بخير وانا راى متسمعيش اى كلام لحد يخوفك لانه مش حقيقى