ادوات عنايتي بشعري لشعر تقيل وطويل ونااعم ادخلي مش حتندمي

طبعا مشكلة كل البنات وانا منهم( قصدي كنت منهم ) الشعر الخشن المكسر المجهد المقصف والهااااااايش لالالالالالا الكلام ده كان زمااااااان اولا قبل مااعرض ادوات عنايتي بشعري لازم تعرفوا حاجة العناية بالشعر مش مجرد زيت وكريم لا فيه اساسيات لينا قبل كل ده
قبل الاساسيات عشان مش تتوهوا في الموضوع اللي ظبط شعري بامانة الزيوت الصغيرة اللي في الاول وبرشام هيرتون و لوسيون روتاج باقي الموضوع حاجات اسمع عنها واجيبها وبرضه تحفة وبتظبط شعري زيادة 1- تسرحي شعرك بمشط خشب وده المشط بتاعي 2- تسرحي شعرك
وهو ناشف او مندي ابعدي عن تسريحه وهو مبلول لانه بيكون ضعيف والمسام مفتوحة وبيطلع في ايدك طبعا وتقولي شعري بيقع
3 -ماتغسليش شعرك بماء ساخن ابداااااااا خطر جدا دكتور قاللي كدة الشعر يهلك بسرعة لازم يكون ماء بارد ولو انتي بقى عايزة تزودي ومهتمة بشعرك بجد يبقى اغسليه بماء سابق غليهوتنسبيه يبرد بجد حيبقى ماء متطهر ونضيف لان انتو عارفين ماء الحنفية كله
كلور
4- ماتلفيش شعرك دوامة او طاقية فترة طويلة لان الشعر وهو مقلوب في عكس وضع جذر الشعر بيسقط بسرعة
5- ماتربطيش شعرك بتوكة جامدة لا خليها خفيفة كدة عشان شعرك مش يتشد ويقع ونامي من غير توك بالذات لو انتي مش متزوجة عشان شعرك يتنفس ويطول اثناء النوم لان الوقت ده الشعر بيطول فيه وكمان ماتربطيش شعرك بطرحة او ايشاربطول ماانتي في البيت بحجة ان شعرك يفضل نايم عشان كدة عمره ما حيطول
6- اهتمي باكلك جدااااااااااا اشربي لبن حليب كل يوم مفيد جداااااااا وملعقة عسل ابيض عالريق وفص ثوم ماتقلقوش مالوش ريحة بس بجد اعملوا سيرش وشوفوا فوايد التوم رائع والله وتاكلوا سلطةخضراء وبالاخص الجرجير
7- تشربي ماية كتير يعني مش اقل من 2 لتر في اليوم
8- تغسلي شعرك بشامبو طبي زي prote care بجد جميل ومافهوش امونيا زي شامبوهات الدعاية ( صنسيلك بيرت بلاس بانتين وكل دول )
9- تجيبي حمام كريم كويس وماتستخرصيش فيه لانه النوع الردئ بيوقع الشعر وتغسلي شعرك مرتين في الاسبوع وفي الصيف 3 مرات ومش زيادة عن كدة عشان شعرك مايفقدش الزيوت النافعة اللي فيه ويبقى مجهد

10 -لو محجبة يبقى تلبسي طرحة او بندانة قطن بلاش بوليستر او شارزيه ولو مش محجبة صغنونة لسة يعني يبقى تدهني شعرك سيروم زيرو فريز
ده بجد رااااااائع ريحته تحفففففففة وبينيم الشعر وبيضيع الهيشان وكمان بيقلل اشعة الشمس والحرارة بتاعت السشوار والبيبي ليس يعني تدهني قبلهم برضه وده ب 48 جنيه بس يستاهل والله

نبدا بقى باسم الله ادوات عنايتي بشعري والله يا بنات انا كان عندي شعرتين يتعدوا على الايد لاني فردت شعري بجلات بس بجد بعد الزيوت الصغيرة اللي في الاول ولوسيون روتاج وبرشام هيرتون شعري اتحسن اووووووووووي لكن باقي اللي في الموضوع دي حاجات سمعت عنها وجبتها وبرضه جميل ونتيجتها تحفة
اولا الزيوت لسة شارياهم النهاردة من العطار
ب 27 جنيه كلهم وكتبت عليهم عشان ماالخبطش وعامة الزيوت دي هي اللي فردت شعري وطولته لكن جدايل والحشيش والحية دول لسة جداد فمش تبع الوصفة يعني
سمسم ( ده بيفرد الشعر جدا )
زيتون ( مغدي ومقوي ومانع للتساقط)
ثوم ( وده لو متزوجة بلاش عشان ريحته تعمي لكن بجددددد راااااائع بيخلي الشعر الواقع وفراغات الشعر تطلع تاني في اقل من شهر )
البصل (مغذي وبيمنع مرض الثعلبة وبرضه بلاش للمتزوجات ريحته قوية )
بقدونس ( وده للتطويل )
خس ( مغذي للشعر عشان فيه فيتامينات)
جرجير ( راااااااائغ للاطالة وبينبت الشعر من جديد)
خروع ( طبعا معروف للشعر والرموش بيكثف الشعر )
خردل ( يعمل على وصول الدم الى فروة الراس فيغذي الشعر )
نخاع ( بيفرد الشعر )
وده زيت لوز مر بابا جابهولي من الاردن ب 30 وجميل للبشرة برضه وبيفتح
زيت جدايل السعودي بابا كان جابهولي من السعودية ب 65 زيت جنين القمح ده برضه مغذي وبيطول الشعر وكنت جايباه ب 30 وهو صغير بس ده اصلي غير الزيوت الصغيرة اللي فاتت من العطار وكمان جميل للوش بينقيه اوووووووي
زيت الحية جايباه ب 65 وجبت زيت حشيش ب 28 برضه والاتنين اصلين لانهم عند بابا في السعودية بس هناك اغلى

وجبت عشبة السدر وجبت عشبة الاس او الياس ودول سمعت عنهم كتير في المنتديات والسدر مذكور في القران الكريم فجبتهم وغليتهن مع 2 كوب ماء وسبتهم للصبح وصفيتهم وحطيتهم في بخاخ وبرش كل يوم بالليل بجد رااااااائع في تطويل الشعر
الخردل:
وصفة لفريدةسيف النصر الممثلة كانت جالها مرض واتقرعت خاااااااالص وولا دكتور عرف يعالج لها شعرها واللي قالت لها عليه ست عجوزة وهو خردل وبودرة بصل وبودرة توم وليمون وخل وعسل بجد عملتها هي حامية شوية بس بجد جميييييييلة برضه بتتقل الشعر اوووووووووي حتى شوفوا فريدة دلوقتي شعرها عامل ازاي
وجربت املج بتطحنيه في الكبة وتطحني سمسم وتعجنيه بزيت سمسم هو بيغلب في الغسيل بس والله والله والله بيفرد شعري اوووووي يعني بيقعد 4 ايام مفرود حتى الكوافيرة اتفاجات بشعري وقالتلي اقولها الوصفة
وجربت بذور القطونة شبه السمسم كدة بتحطي 3 ملاعق على نص كوب ماء وتغليه حتلاقي القطونة دي طلعت مادة جيلاتينية تدهني شعرك والله بينعم اوووووووي
وعملت 3 بخاخات بحط فى اول واحد بحط فيه كل الزيون اللي فوق وبرش كل يوم عالجدور وادلك وتانى واحد ده مغلي الاس والسدر اللي قلت عليهم فوق وبرضه برش كل يوم بس في نص اليوم وتالت واحد ده جرجير مضروب في الخلاط وعليه لوسيون روتاج جميل برضه بيطلع شعر في الفراغات
و برشام هيرتون فيتامين ده مقوي للضوافر والشعر وجميل
لوسيون روتاج وده راااااااااااااائع بيوقف تساقط الشعر في اقل من شهر وبينعم كمان
بديل الزيت بانتين ده بحطه علة شعري 10 دقايق واغسله حلو اوي بيفك التشابك واللي عاليمين كريم بالمرز جميل برضه

المشاط: جبته من السعودية وبيتباع هنا برضه هو راااااااااااااائع
بتعجنيه بزيوت اللي عندك ويفضل تكون منها جرجير و خروع وتوم وحشيش وحية
وزبادي ومغلي البصل والثوم
وبجد والله من اول استخدام مافيش ولا شعره بتقع وبيفرد الشعر وبيخلي كانه سحرررررررر يعني مش زي اي وصفة لازم تداومي عليها لا دي من اول مرة وعن تجربة والله
دا الكورس العلاجى اللي عملته لشعري
وعامة شوفوا اللي يناسبكم في الموضوع وطبقوه هو كله مفيد لشعري
ماعدا الاملج ناس كتير مش بيفرد شعرها وناس كتير برضه بيفرد شعرها يعني انتي وحظك

الموضوع منقول يا جماعة لو فى حد جرب اى حاجة من دى يا ريت يقولنا جابت نتيجة ولا لاء

موضوع مفيد اوى اوى اوي كل الحاجات المكتوبه بقري عنها مفيده جدا والنصايح تحفه بجد حاولوا تتبعوها يا بنات فعلا رائعه الزيوت بتفرق جدا بس حمامات زيت مش دهانات وجربوا وصفه وصفه علشان تعرفوا انهي وصفه هي الي جابت النتيجه بصراحه موضوع استفدت منه جدا وهخليه عندي انقل منه واعمل ليه ولبنتى تسلمي يارب

حلو اوى تسلم ايديكى يا قمر

شكرا ليكى يا رورو

شكرا ليكى يا كليو باترا على مرورك يارب بجد اكون افدتكم واكون عند حسن ظنكم

شكرا ليكى ذكريـاتـ منـ المـاضى

تسلم ايديكي ع الموضوع

شكرا ليكى يا dodo يسلم مرورك