طريقه وضع النخاع الصحيحه للبنات اللي عايزه شعر تقيل وناعم وطويل

النهاردة حبيت اكلمكم عن النخاع للشعر و فوايدة
وده موضوع مجمع من تجارب لقيتها كتير وجمعتها علشان تعرفوا الطريقه ويا رب يفيدكم

فوايد النخاع حاجاتان:

1- بيطلع الشعر فى الاماكن الى مش فيها

2- بينعم الشعر جدا بيخلى حرير

و عشان كدة النخاع دى مناسب لمعظم الناس الى شعرها جاف و الى شعرها بيقع

انا عايزة عموما اقولكم قصة كدة بسرعة الاول عن واحد صحبة اختى كانت بتاخد درس عندنا فى البيت المهم مرة تطلعت اسلم عليها وكدة و اعدنا نتكلم فا كان شعرها واللة العظيم اكنة معمول سشوار و فير كمان المهم فقولها شعرك حلو اوى عملتى فين عند كوافير مين فا قلتلى انا مش عملة فى حاجة هو كدة اصلا المهم واللة اتصدمت جدا و حاستيها بتهزر اصلا المهم بعد كدة بقولها ازاى دى شعرك مشاء اللة حلو اوى بجد ( تقيل +طويل + ناعم جدا جدا) قالتيلتى على فكرة انا زمان و انا صغيرة كان شعرى وحش جدا و جاف جدا و قصير بس مامى من و انا صغيرة كانت بتحطلى النخاع دى تقريبا كل يوم ( بس مش فاكرة اد اية) و دى الى خلى شعرها تحفة كدة

شجعتكم موت صح

طريقة الاستخدام هى :

لو شعرك دهنى تاخدى معلقة واحدة صغيرة لو شعرك جاف معلقة واحدة كبيرة و تسيحيها على البخار مش النار ( اوعى تكرى الكمية لانى مرة حطيت تقريبا نصف العلبة فى شعرى و انا شعرى دهنى اوى واللة العظيم اعدت اغسل فى اسبوع كل يوم مرتين عشان يطلع فا لو حسيتى الكمية قليلة زيدى من المكونات التانية ( العسل او الزيت) و دى صورة النخاع

بعض كدة تضيفى عليها معلقة عسل كبيرة
و شوية زيت الى يمشى مع شعرك
بس و اقعدى تحت الة البخار ساعة و استخدمى مرة او مرتين فى الاسبوع

طرق تانيه

أولا: إحضار النخاع
إما بتشتري النخاع جاهز من عند الجزار أو بتجيبي العضم جواه النخاع برضه من عند الجزار
(إستخراج النخاع من العضم)
لو النخاع في العضم/ بتسخني الفرن تحميه وبعدين تهدي النار خالص
تحطي العضم في صينية وبعدين 5 دقايق تخلي النارمتوسطة بس اقل من المتوسط شوية
اول ما تلاقي العضم بقى لونها زي الرمادي كده او نشفت ونزلت منها زيت النخاع طلعيه من الفرن
اخبطي العضمة خبط خفيف في الصينية بحيث تدقيه عشان تنزلي منه النخاع
لو النخاع منزلش كله يبقىمحتاج يرجع تاني للفرن
شيلي الزيت والنخاع من الصينية ورجعي العضم تاني في الفرن لحد ما النخاع ترجعي تخبطيه تاني ينزل من العضم من جوه.
تمام دي طريقة استخراجه من العضم


ثانيا: تهيئة النخاع
سواء كان النخاع اشتريتيه طبعا من الجزار جاهز او استخرجتيه من العضم في البيت بنفسك
تتبعي الطريقة التالية
بتحطي النخاع على حمام بخار لحد ما النخاع يسيح خالص والزيت ينزل منه.
بتشيلي النخاع في برطمان هو والزيت اللي ينزل منه مترميش حاجة.


ثالثا: الخلطة
بالنسبة للشعر الدهني او العادي بتستعملي معلقة كبيرة
وبالنسبة للشعر الجاف بتستعملي ملعقتين كبار
النسبة دي انا قريتها،،، لكن قرأت مرة لكورس لدينا الجازم مأكتبش فيه بصراحة المعايير دي
على العموم هي الفكرة بس ان الشعر الدهني حيبقى مليان دهون اوي وحتتعب صاحبة الشعر الدهني اوي في غسله
فهي تحاول تعمل كمية مناسبة عشان تقلل من نسبة الدهون دي


كمية النخاع المطلوبة
+
ملعقة كبيرة عسل نحل
+
زيت عطري أو اي زيت انتي تستعمليه وقريت انه ممكن زيت درة
+
(بالنسبة للشعر الجاف )
صفار بيضة


رابعا: الطريقة
تخلط كل المكونات دي كويس ويدهني بيها اولا فروة الراس والباقي تحاولي توزعيه بالتساوي على باقي الشعر
مش لازم كل الشعر يتغطى بيه اهم حاجة الفروة ولو تحاولي تراعي الاطراف شوية
تعملي حمام بخار للشعر بحيث تحطي فوطة سخنة على الشعر كرريها اكتر من مرة
وبعدين غطي الشعر ببونيه بلاستيك للحفاظ على السخونية وتفتيح المسامات
وتعمليه وتنامي بيه،، او يترك على الشعر لمدة من 4 إلى 6 ساعات
تزال الدهون بالماء أكثر من مرة ثم يغسل الشعر بالشامبو المستخدم لديكي
ودي خطوة ضرورية تضيفي 1 ملعقة خل التفاح إلى لتر ماء دافئ ويشطف به الشعر
ويعمل غسول للشعر مكون من
(50 جم عشب زعتر ناشف + 750 جم ماء)
يغلى الماء ويصب على العشب ثم يصفى ويشطف بيه الشعر في اخر غسلة

ويعمل حمام النخاع ده مرة في الاسبوع
وبإذن الله حتلاقي تحسن ملحوظ في الشعر خلال شهر بالضبط


أولا:ماهو النخاع الطبيعى
النخاع الطبيعى هى ماده تتكون داخل العظام ولكن أحنا هنا نتكلم عن نخاع البقر و الجاموس ماده مغذيه جدا جدا للأكل وغير الأكل فيها خلاصة غذاء الجسم كله و بهاريز الفيتامينات و المكونات الأساسيه الى بيحتاجها الجسم النخاع طبعامن الأخر الى بيه بيمشى الجسم البشرى و الحيوانى.
ثانيا:فوائدالنخاع

---النخاع يعوض الشعرعن اى نوع دهون الشعر فقده مهما كان نوع الشعر ومهما كان مستوى اجهاد الشعر و ضعفه
---النخاع فيه فيتامينات متعدده جدا و خصوصا البروتينات الى داخله فى تكوين الشعر

1-هتشترى النخاع ده من عند الجزار تروحى تقوليله انا عايزه نخاع هيديكى و يمكن من غير فلوس عشان ملوش اهميه عنده و لو جزار عبقرىي وعارف قيمته هياخد مبلغ رمزى جدا
2-تجيبى اى كميه لأنك ممكن تشيليه فى الفريزر لحد ما تستعمليه مره تانيه مش هيجراله اى حاجه
3-شكل النخاع بيكون شبه قطعة الزبده البيضاء بس طبعا مش مستدير ده طويل وأول ماتمسكيه بيسيح فى أيدك اويعطيكى ملمس الفازلين
4-لو حبيتى تسيحى النخاع و تضعيه فى علبه براحتك بس انا اخدته من الجزار على شعرى عالطول و مش تغليه تسيحيه يفك من بعضه بس
5-بيكون ريحته طبعا زى ريحة اللحم بس مش نفاذة ولا مقرفه لأن لو كانت مقرفه كنت جيبت الى فى بطنى عالطووووول لأنى بقرف جدا
6-تجيبى كميه مناسبه و يكون شعرك نضيف و غسلاه بالماء الساخن عشان تكون المسام متفتحه و شعرك دافى نشفى شعرك من الماء بحيث يكون مندى
5-و أبتدى من الجزور قسمى منطقه منطقه خدى من النخاع افركيه بين اصابعك القطعه الى فى أيدك هتسيح وادعكى فروة رأسك وأستمرى لحد ماتخلص فروة رأسك وانزلى على الشعر واعمليه كله وغطى شعرك بكيس او بونيه الحمام.
6-خلصتى؟سيبى بئه شعرك مش أقل من ساعه عايزه ازيد اوكيه يكون أحسن انا سيبته لحد ما خلصت كل شيئ فى البيت مع ماما و باليل غسلته
7-أغسلى شعرك بماء مائل للسخونه يعنى متغليش راسكواغسلى بالشامبو بيتاعك هتلاحظى من أول مره غسلتى شعرك ان النخاع الزائد طلع كله وملوش اى أثر يعنى لا ريحه ولا ملمس دهنى سهل جدا فى غسله
8-ان شاء الله هتلاحظى الفرق من أول مره تلاقى شعر ناعم مفرود و فيه لامعه وحيويه.

(حمام كريم بيوبيونت بخلاصة النخاع)
ودى صورة العلبة



وسعر العلبة 35 جنيه

حنعمل حمام كريم مرة فى الاسبوع
يدهن
الشعر كله بالكريم الفروه مع التدليك ثم الشعر وبعدين تلف عليه فوطه دافئه
لمده 20 دقيقة وبعدين يشطف الشعر بالماء اولا ثم الشامبو

النتيجة

اولا:. بينعم الشعر جداااااااااا
ثانيا:.بيغذى الشعر ويتركه بمظهر صحى
ثالثا:.بيطول الشعر جدا ويتقله
رابعا:.بيفرد الشعر ويوقف تساقطه
خامسا:.بيزيد سمك الشعرة


مجمع و منقول لكل البنات اللي علي المنتدى يا رب تستفيدوا يا رب

فعلااااااااااااااااااا النخاع هاااااااااااايل جدا ياأميرات جربوه ومش هاتندموا بس عن تجربة شخصيه انه عيبه الوحيد انه بيدى الشعر ملمس دهنى قوى لحد مايخرج من الشعر ويالا بقى كل اميرة منكم هيا وشطارتها

جميييييييييييييييييييييييييييل

بجد تسلم ايدك انا بجربه علطول وتايجه هايله بجد

طيب لوملاقتش نخاع عند الجزار اقوله عايزه مواصير ولا ايه

انا بستعمله حلو اووووى فعلا

نورتينا في المنتدى يا سمسمه يا رب تستفيدي معانا

شكراااااا على الطريقه وباذن الله اجربها