فى حاجة الى مساعدتكم

كلامك صح يا ام انتصار لو قفلت اوى يعنى ممكن بالتليفون يا قمر

ربنا يتملك على خير يارب

اولا اكيد انتى معاكى حق البنت بتبقى محتاجه لمامتها فى الوقت ده بس انتى ممكن تحاولى تتكلمى مع بابا كمان عشان فى مواقف جايه كتير لسه حتقابلك وحتبقى محتاجه لكده ضرورى

ثانيا انا معاكى فى ان مهم انكم تتكلمو مع بعض لوحدكم بس النقطه دى مش مهمه كل الاهميه الى انتى مديهالها دى يعنى انتى مبدئيا عرفتى شخصيته من مقابلاتكم العائليه
وكلامكم لوحدكم اه حيعرفك عليه اكتر بس مش للدرجه الى انتى متصوراها حاجه زى دى حتيجى مع الوقت
والكلام فى التليفون نقطه ممكن تكلمى باباكى فيها

وبعدين انتى استخارتى ربنا وده الاهم هو ده الى حينورلك بصيرتلك ويوفقك للخير
وان شاء الله ربنا يقدملك كل خير

بصى يا حبيبتى اولا الله يرحم مامتك ويعوضك خير يارب والف مبروك وان شاء الله ربنا يكمل الموضوع ع خير انا شايفه انك ممكن تطلبى من باباكى تقعدى معاه مره كمان واخواتك معاكى برده زى ما حصل قبل كده بس تقولى لاخواتك انهم يسيبوكوا براحتكوا شويه يعنى مثلا يقعدوا فى الكراسى البعيده يتكلموا هما مع بعض من فى موضوع غير اللى بتتكلموا فيه فتقدرى انتى وهو تتكلموا مع بعض كانكوا لوحدكوا وشويه شويه هتلاقيكى اندمجتى معاه ونسيتى ان اخراتك اصلا معاكوا ولان لسه مش بتحبوا بعض ولا حاجه فالكلام هيكون فى مواضيع عاديه يعنى حتى لو اخواتك سمعوا الكلام مفيش اى احراج وربنا يكتبلك الخير يا حبيبتى ان شاء الله

انا بصراحة مش عارفة اشكركم ازاى على اهتمامكم بالموضوع وبجد ريحتونى الله يريح بالكم واطلب منكم طلب صغير ادعولى بظهر الغيب لانى بجد فى اصعب لحظات حياتى ومحتاجة الدعاء قوى

الله يرحم مامتك يا حبيبتى وكلنا هنا اخواتك بصي بصراحه انا مع فاطمه اوي لانها فعلا مجرد الكلام مش هيكشف كتير كده كده تعاملات الخطوبه هتبيبن اكتر بكتير وما دام صليتى يا حبيبتى استخاره توكلي علي الله وميهمكيش من اي مجتمع بالهبل ده لان الناس كده كده مش بتسكت المهم انك عارفه دينك ومش بتعملي حاجه غلط المهم انك تعرفي ان الاب او الرجاله عامه ملهمش تقل علي الرغي زينا يا حبيبتى فركزي في الفتره الجيه يا حبيبتى ان ربنا يتمم ليكي علي خير ويكون صالح يارب ويسعدك بس لازم تحاولي تقربي من بابكي اكتر لان الفتره الجيه فعلا هيبقي في مناقشات كتير يارب يتمم لكي علي خير يارب ويسعدك يا حبيبتى

انتى فين يا قمر مبعتليش رساله ليه زى ما اتفقنا؟؟