فى حاجة الى مساعدتكم

احيكم بصراحة على هذا القسم لانه بجد حيساعد بنات كتير لحل مشاكل ممكن تؤثر فى كسار حياتها كلها ادخل فى الموضوع علطول انا بجد محتاجة رايكم قوى انا متقدم لى عريس واحدة قربتى رشحتنى ليه هيه تعرف اسرته وكانت المقابلة مترتبة بالصدفة وانا مكانش عندى علم بها وبينى وبينكم كويس انها مقالتليش لان انا بصراحة بتكسف قوى وكمان هيه لو كانت قالتلى قبلها انا ممكن كنت اترددت كتير فى انى اروح عشان انا لا افضل هذا النوع من الزواج لانى بحس انه فى احراج للبنت المهم انا اللى شدنى قوى للموضوع ان الشاب ده متدين وباين على وجهه علامة الصلاة وبصراحة اسرته محترمة جدا نسيت اقولكم ان انا واسرتى قابلناه هوه واسرته 4 مرات بس احنا فضلنا تكون هذه المقابلات فى احدى النوادى يعنى عشان لو محصلش نصيب من الاول يبقى مفيش احراج المهم هما جايين الاسبوع اللى جاى فى البيت عشان يتقدموا رسمى هو شاب متدين من اسرة محترمة جدا وده طبعا اهم حاجة عندى وبيشتغل شغل كويس وسنة مناسب وعنده شقة يعنى من الاخر عريس جاهز بس انا عندى مشكلة انا رغم انى بتكسف جدا الا انى كان نفسى اقعد اتكلم معاه مهو انا برضه مش متخيله شخص انا مش عارفاه و حتتقرى فاتحتى عليه قريب المشكلة اننا من عيلة محافظة انا اتكلمت معاه بس بسيط قوى يعنى مقعدناش نتكلم مع بعض ولما اهلة طلبوا ده بابا مرضيش نقعد مع بعض لوحدنا وقعدوا معانا اخواتنا وانا مش صغيرة انا عندى 25 يعنى عاقلة جدا واكيد انا وهو محتاجين نقعد نتكلم مع بعض وانا مش عارفه اقول لبابا ازاى كده مع انى شايفة ان المفروض ده اللى يحصل ده جواااااااااااااااز المشكلة انى انا والدتى متوفيه وحاولت كتير المح لبابا بالموضوع ده بس مش عارفة فى ايه ساعات بيسبنى اتكلم واطلع اللى جوايا بس مش بلاقى رد الفعل اللى انا مستيناه ونفسى اتكلم مع حد يفهمنى ويحس بيه ومتتخيلوش يا بنات انا كنت محتاجة امى ازاى فى موقف زى ده افيدونى بالله عليكم مش عارفة اعمل ايه خايفة بعد منقرى الفاتحة نسيب بعض وطبعا انتوا عارفين المجتمع الشرقى بتقاليده البالية لما بنت تتخطب وتسيب كانه عار فانا كان راى ان الفرصة كانت ادامى قبل قراية الفاتحة ان احنا نقعد مع بعض كذا مرة وفى وجود الاهل بس يسيبوا لنا مساحة من الحرية مش عارفة اعمل ايه ذهقن من التلميحات لبابا حتى حساه مش حاسس بيه حتى لما بحاول افتح معاه الموضوع ده بحش انه بيحاول يقفل المواضيع مع انه شبه موافق عليهم ومفيش اعتراض على شئ اعمل ايه ساعدونى الله يخليكم

بصى يا قمر فى الاول كده يقولك ان ربنا انشاء الله هيعوضك بمامتك الله يرحمها يارب وهى دى اول علامه على العوض ده ان ربنا سبحانه وتعالى بعتلك عريس متدين وشيخ ويعرف ربنا كويس ودى اهم حاجه فى الشخص اللى البنت بتتمنى تعيش معاه يعنى انا انشاء الله فى المستقبل نفسى فى واحد زييه ومش انا بس وبنات كتير طبعا وعلى فكره انشاء الله علشان هر بيعرف ربنا وكويس كده عمره ماهيزعلك ابدا انشاء الله وهياخد باله منك كويس اوى علشان والدتك الله يرحما ويحسن ليها يارب فانا من رايى يا قمر انك صعب اوى تلاقى واحد زى ده تانى لان الصنف ده نادر اوى انه يتلاقى فانا بقولك لو انتى شايفه ان اللى انتى حكتيه ده فيه فعلا توكلى على الله وبرده استخيرى ربنا علشان ترتاحى اما الحاجه التانيه انا عايزاكى تفتحى لباباكى قلبك كده لان دلوقتى انتى ملكيش غيره يعنى هو المسئول عنك فى كل حاجه انتى عاوزه تخدى الراى فيها فياريت تحاولى تفهميه بذكاء وهدوء منك ان لازم علشان تعرفوا بعض اكتر لازم تعدوا مع بعض على الاقل ساعه واحده يعنى مش لازم وقت طويل وطبعا هتعدوا فى مكان عام فى البيت يعنى مثلا زى الصاون اكيد وهقولك حاجه عادى ان حد يعد معاكوا يعنى لو اخواتك الصغيرين عادى او حتى الكبار ما هو ممكن من كلامه معاكى انتى وهم تقدرى تعرفى شخصيته وتساليه على اللى انتى عاوزاه علشان بس تمشى امورك علشان انشاء الله لو ليكى نصيب فيه يبقى خلاص
ويارب يا قمر اكون قدرت اقدملك حاجه وانشاء الله اللى فيه الخير يقدمه ربنا وربنا يسعدك يا حبيبتى فى حياتك يارب

اولا مبروك وانشاءللة يبقي النصيب الصالح تانيا انا شايفة مدام انت مش عارفة تقولي لبباكي انك عايزة تتكلمي معاة قبل قراية الفاتحة يبقي تخلي العيلة اللي جيبالك العريس لو قريبين منكم هي اللي تقولة متلا بابا قريبتك اللي جبتللك العريس يقولة متلا ماتسبهم شوية يعرفو بعض يشوفوا دنيتهم شكلها اية وطبعا انت هتوصلي لقريبتك الكلام وقريتك هتقول لباباها علي اساس ان دة اقتراحها هي وحتي لو محصلش فرصة للكلام قبل قراية الفاتحة ولا يهمك بعدها كل حاجة هتتعدل وانشاءللة يبقي كل حاجة زي ماانتي عايزاها وربنا يدبر الصالح

انا بشكرك قوى على اهتمامك وردك يا ذكريات الماضى ومتتخيليش كلامك مريح ازاى انا الحمد لله صليت صلاة استخارة وربنا يظهر لى الامور ان شاء الله - بس المشكلة انى عمرى مكنت حاسه انى محتاجة لامى غير فى وقت زى ده الله يرحمها ويحسن اليها اكيد بابايا انا بحبه وربنا يخليه ليه بس المشكلة ان انا باتكسف اتكلم فى الموضوع ده مع بابا وبحس ان البنت بتبقى محتاجة لواحدة قريبة منها قوى تتكلم معاها عن مشاعرها عن رايها فى الموضوع بحس ان الاب مينفعش شوية لانه مش عارفة طبيعته مختلفة شوية عن الانثى مشكلتى انى معنديش حد قريب منى احكيله وانا قلقانه وخايفة قوى ادعيلى والنبى ان ربنا يريح بالى ويجعله زوج صالح يراعى ربنا فى معاملته ليه ربنا يرزقك بزوج صالح يحبك ويراعى ربنا فيكى يا حبيبتى انتى وكل البنات يا رب

sweet mannga الله يبارك فيكى ياجميل ومرسى ليكى قوى على ذوقك واهتمامك بس المشكلة ان اللى جيبالى العريس قريبتى من ناحية مامتى وهيه ست اد مامتى كده وكلامها اغلبه معايا فحيبقى صعب شوية ان يبقى فى كلام مباشر بينها وبين بابا فى حاجة زى ديه بس انا بجد بشكرك قوى لانك حسستينى انى مش لوحدى وان فى ناس كتير بتفكر معايا وبتنصحنى بالخير من غير متكون عاوزة منى حاجة الله يجازيكى كل خير و ينولك كل اللى تتمنيه يارب

بصى يا قمر والله انا زيك بالظبط ماما لسه ربنا توفاها السنه اللى فاتت علطول وربنا يصبرنا يارب ويرزقنا فى حياتنا احنا وكل اللى زينا وساعات برده بكسف اكلم بابا فى حاجات كتير بس بتحدى ده لان ده اللى قدامى الوقتى

واحنا ممكن نبقى اصحاب ممكن لو سجلتى هنا نتواصل مع بعض على الشات وعلى الخاص يمكن نقدر نفيد بعض

ايوا انا مع رائي ذكريات من الماضي انت اشتركي في المنتدي وكلة هيفيدك شوية وهاتيجي كليوباترا حبيبتنا وهتفيدك وفي ناس كتييييير هنا فوق الممتزين بصراحة ومش هيخلوكي تعرفي تصحبي حد غيرنا ههههه

ذكريات من الماضى الله يرحم والدتك ويصبرك فراقها ويعوضك عنها خيرا باذن الله وانا يشرفنى جدا انى اتعرف عليكى اكيد من كلامك باين عليكى شخصية محترمة بصى انا عضوه فى المنتدى وان شاء الله اكيد حنتعرف على بعض بس لما ادخل بقى عشان متقفش دلوقتى ههههههههههههههههههه

طيب بصى يا قمر ادخلى المنتدى بعضويتك شويه كده وانا مستنيه وارسلى لى على الخاص اوك؟

الله يرحم مامتك ومبروك على العريس طالما انتى صليتى استخارة فمعنى هذا ان الموضوع ماشى وطالما انه متدين فيعنى انه ربنا بيديك احسن حاجة
حاولى تصارحى باباكى ولو ما قدرتى ما فيش طريقة تلفون ممكن تتكلموا بالتلفون عشان انتى تقتنعى وترتاحى ولو ما قدرتيش
يبقى توكلى على الله بعد الفاتحة انشالله تاخدى راحتك