هيا نقرأ القرأن معا ( الجزء الثالث ) حتى لو بتفكرى ماتشتركيش بالله عليكى ادخلى شوفينى عايزه اقولك ايه

فى البدايه انا بطلب من امانى انها تسامحنى لانى عملت الموضوع من غير مأستأذن منها وهى صاحبة الموضوع فى الاصل
لكن انا عارفه انها دخولها بسيط اليومين دول لانها فى سفر

واحنا ابتدينا انهارده شهر شعبان يعنى العد التنازلى ابتدى على قدوم شهر رمضان المبارك

يعنى عايزين الشغل والحماس عشان نستعد للشهر المبارك

و عايزه مشاركة كل الاميرات الى ماشاركوش معانا فى الجزئين الى فاتو

ايه رأيكم الشهر ده نعمل ختمتين ان شاء الله

ايوه ختمتين

صدقونى ياجماعه سهله مش صعبه ولو عايزه تعملى اكتر من كده حتعملى باذن الله المهم نخلص النيه لله تعالى وهو حيقدرنا

حتلاقيهم بيخلصو بسرعه ولا حسيتى واستمتعتى جدا وانتى مع كتاب الله

ده عشان ان شاء الله نقدر نعمل 3 ختمات باذن الله فى رمضان

ده مابيجيش غير مره واحده فى السنه لازم نستغل فيه كل دقيقه ومانخلهاش تضيع غير فى رضا الله

ولو علمنا مافى هذا الشهر من خير لتمنينا ان يكون العام كله رمضان


بالله عليكى ماتخليش الشيطان يتغلب عليكى


لازم نعلى بنفسنا ونحاول نرضى ربنا


قولى لا حقدر وحختم الشهر ده مرتين


وقولى حشترك معاكم ونكون كلنا مع بعض نشجع بعض عشان نكون صحبه فى الخير

لعلها تكون سبب فى دخولنا الجنه


وان يظلنا الله فى ظله يوم لا ظل الاظله


لازم العمل لاخرتنا يكون همنا الاول


احنا فى امتحان ولازم على قد مانقدر نجمع درجات قبل الوقت مايخلص ويجى وقت الحساب


مستنيه اشتراكاتكم معايا يامسلمات يا مؤمنات يا موحدات برب العباد

انا الحمدلله قرأت انهارده الجزء الاول والجزء التانى

الايه 212 الجزء الثانى

قال الله تعالى

( زين للذين كفروا الحياة الدنيا ويسخرون من الذين آمنوا والذين اتقوا فوقهم يوم القيامة والله يرزق من يشاء بغير حساب )

"زين للذين كفروا" من أهل مكة "الحياة الدنيا" بالتمويه فأحبوها "و" هم "يسخرون من الذين آمنوا" لفقرهم كبلال وعمار وصهيب أي يستهزئون بهم ويتعالون عليهم بالمال "والذين اتقوا" الشرك وهم هؤلاء "فوقهم يوم القيامة والله يرزق من يشاء بغير حساب" أي رزقا واسعا في الآخرة أو الدنيا بأن يملك المسخور منهم أموال الساخرين ورقابهم

الله يجازيكى الف خير يارب مش عارفه اقول حاجه بصراحه جزاكي الله الف خير يا فاطمه ديما بتذكرينا ربنا يكرمك ويجعله في ميزان حسناتك يا رب ويرجعلنا حبيبتنا كلنا امانى يارب علي الف خير كلنا واحد اهم حاجه منكسلشي ورمضان داخل الله يكرمك ياااااااااااااااااااااارب

ربنا يكرمك يارب ياكليوباترا ويباركلك ياحبيبة قلبى ويجعله كله فى ميزان حسناتك يارب

الحمد لله انهارده قرأت الجزئين الثالث والرابع

قال الله تعالى

( واتقوا يوما ترجعون فيه إلى الله ثم توفى كل نفس ما كسبت وهم لا يظلمون )

"واتقوا يوما ترجعون" بالبناء للمفعول تردون وللفاعل تسيرون "فيه إلى الله" هو يوم القيامة "ثم توفى" فيه "كل نفس" جزاء "ما كسبت" عملت من خير وشر "وهم لا يظلمون" بنقص حسنة أو زيادة سيئة

يارب يكرمك يارب ويثبتك نحتسبك عند الله افضل واحده فينا ربنا يقويكى ويلحقنا بيكى ويرفع عننا حاله اللهو اللي احنا فيها ويبارك في وقتنا اكتر لقراءه القران يا فاطومه يارب يجازيكى الف الف خير يا رب

كليوباترا كتب:يارب يكرمك يارب ويثبتك نحتسبك عند الله افضل واحده فينا ربنا يقويكى ويلحقنا بيكى ويرفع عننا حاله اللهو اللي احنا فيها ويبارك في وقتنا اكتر لقراءه القران يا فاطومه يارب يجازيكى الف الف خير يا رب

ربنا يكرمك يارب ياكليوباترا بجد الكلام ده انا ماستهلوش حبيبة قلبى انا بجد زى اى واحده فيكم ويمكن اقل
ربنا يكرمكم جميعا يارب ويصلح نفوسنا واعمالنا يارب

الجزء الخامس والسادس

قال الله تعالى

(ا أيها الذين آمنوا إذا ضربتم في سبيل الله فتبينوا ولا تقولوا لمن ألقى إليكم السلام لست مؤمنا تبتغون عرض الحياة الدنيا فعند الله مغانم كثيرة كذلك كنتم من قبل فمن الله عليكم فتبينوا إن الله كان بما تعملون )
ونزل لما مر نفر من الصحابة برجل من بني سليم وهو يسوق غنما فسلم عليهم فقالوا ما سلم علينا إلا تقية فقتلوه واستاقوا غنمه "يا أيها الذين آمنوا إذا ضربتم" سافرتم للجهاد , "في سبيل الله فتبينوا" وفي قراءة فتثبتوا في الموضعين "ولا تقولوا لمن ألقى إليكم السلام" بألف أو دونها أي التحية أو الانقياد بكلمة الشهادة التي هي أمارة على الإسلام "لست مؤمنا" إنما قلت هذا تقية لنفسك ومالك فتقتلوه "تبتغون" تطلبون لذلك "عرض الحياة الدنيا" متاعها من الغنيمة "فعند الله مغانم كثيرة" تغنيكم عن قتل مثله لماله "كذلك كنتم من قبل" تعصم دماؤكم وأموالكم بمجرد قولكم الشهادة "فمن الله عليكم" بالاشتهار بالإيمان والاستقامة "فتبينوا" أن تقتلوا مؤمنا وافعلوا بالداخل في الإسلام كما فعل بكم "إن الله كان بما تعملون خبيرا" فيجازيكم به

انا الحمد لله قرأت
السابع والثامن
التاسع والعاشر
وانهارده الحادى عشر والثانى عشر


مين معايا يا اميرات

انهارده الحمد لله قرأت الجزء الثالث عشر والرابع عشر
وطبعا عشان انهارده الجمعه قرأت سورة الكهف
وبفضل الله الحمد لله قرأت سورة البقره كمان
ربنا يثبتنى ياااااااااااااااااااارب
ها فى حد معايا ولا حتسبونى اكمل لوحدى