ارجوكي ريحيني و فسري لي الحلم ده

انا حلمت بمجموعة من الاحلام الوحشة ورا بعض و بعدين بعدها على طول حلم حلمته ان انا و مامتي و اختي كنا فوق سطح عمارة كبيرة و بنتفرج على المنظر و مستنيين حاجة زي ما يكون نور و ساعتها النور ده بيتهيألي كان قصدي بيه الرسول عليه الصلاة و السلام و جنبي واحدة مش اعرفها حتى مش بصيت في وشها وكنا بنتجادل في الموضوع ده انه فعلا هيظهر ولا لا و بعدين لقينا زي كرةمن النور ظهرت في السما و بعدها كرات في المياة اللي قدامنا و في السما حواليها
لقيت اختي الصغيرة خايفة و بتعيط و بتقول لي معنى كده ان يوم القيامة بكرة زي ما بيقولوا قلت لها لا لسه ( عشان اهديها ) المسيح الدجال لسه ما ظهرش و الناس لسه مثبتتش على ايمانها و لسه ما حاربناش اسرائيل و ما استردناش فلسطين و لسه ما استردناش القدس
و مرة واحدة لقيت اصوات عالية و الدنيا بتتكسر و الناس بتجري عشان تطلع معانا فوق السطح و الهوا كان جامد جدا و لقيت صوت عالي جدا لقيت نفسي بقول دي الصيحة دي الصيحة و الازاز اللي في العمارة اللي احنا فيها بيتكسر جامد و انا و ماما واختي قاعدين في حته جنب بعض بنتحامى في بعض و بيتهيألي جدتي كانت جنبنا و اختي كانت ماسكة ورق من مصحف بتقرأ بصوت واضح و انا عاوزاها توطي صوتها عشان بتلخبط وانا بقرأ في سري و طول ما انا قاعدة بحاول اضم اختي ليا انا و امي و بقرأ آيه الكرسي و سورة الاخلاص
و اخويا اللي مسافر كان واقف عند السلم و الناس طالعة تتحامى فوق السطح معانا و مرة واحدة لقيت زي كرة من النار بتضرب في السما و الصوت علا جدا و بقيت اقرأ قرآن اكتر و متوقعة النار تيجي فيا او ان الحديد اللي بيطير يجي فيا و بعدين صحيت و لما شفت امي اترميت في حضنها و حكيت لها و انا برتعش و بعيط
مع العلم ان انا مؤخرا عندي مشاكل جامدة جدا و حالتي النفسية زي الزفت مش عارفة ده له تأثير ولا لا
اسفة اني طولت بس ارجوكي ارجوكي ارجوكي قولي لي ده معناه ايه لاني تعبانة جدا و حلمت احلام وحشة في نفس اليوم بس ده كان آخرهم

يا بنتى حالتك النفسيه واضحه اوي انها سيئه بصي انا رايي انك تحتمي بمامتك واخواتك وهما اللي هيبقوا حل المشكله بتكاتفكم مع بعض والنور خير وفرج باذن الله اهدي وادعي ربنا بالفرج وطبعا القران هوه الرئيسي في حل مشكلتك ومشكله البيت كله ده رايي والله اعلم قربي لربنا واقري قران كتير هتتحل كل المشاكل باذن الله

حبيبة قلبى انتى بالك مشغول وحالتك النفسية واصحة اوى ورأيىى من رأى كوكيه اقرى قران وشغلى فى البيت كتير وان شاء الله خير حبيبتى يارب فك كربك يا لولة يارب انتى وكل المسلمين يارب العالمين