محتاجه رايكم جدا اقتراح لزياده الردود

متعمليش ياكوكو متضيعيش الثواب

طيب انتي لو عملتي كده الرد هيكون على اي اساس ؟
اكيد هيقتصر على تسلم ايدك او مشكور او موضوع حلو لحد ما تشوف الموضوع بعد الرد و ممكن الموضوع مايعجبهاش
انا عن نفسي بحب الردود اللي فيها مناقشة او اضافات وده مش هيكون الا بعد قراءة الموضوع كاملا مش من العنوان فقط
انا رأيي بلاش ... نسبة المشاهدات كبيرة ماشي دي اكيد حاجة كويسة و مرة في مرة ان شاء الله الردود هتزيد

حلو الاقتراح ده انا معاكي يا كوكو

بصي احنا ممكن نعمله كل فتره وبعدين نشيل موضوع الرد قبل رؤيه الموضوع

فعلا ساعت بنكون محتاجين تشجيع لكن لما التشجيع يجى بالغصب مافبش منو فايدة وبرضو كلام لولا صحيح انا حارد على ايه يمكن الموضوع مش جامد فى مواضيع قديمة اجمد منه لمن دا ياخد ردود كتيرة صاحبة الوضوع القديم حتحبط

معلشى كوكيه مش عجبانى الفكرة الاهم الفايدة مش الردود وصراحة بقى انا مش بيهمنى ان حد يرد عليا او يقيمنى اد مايهمنى انى احس انى فدت واستفدت من الموضوع وبعدين فيه مش بيبقى فاهم انه لازم يرد انا اول مادخلت المنتدى كنت بدخل مواضيع كتيييييييير وبتعجبنى ومش كنت ببقى فاهمة انى لازم ارد وان ده بيبقى تشجيع لصاحبة الموضوع بس انا شايفة ان المنتدى بدأ يتطور واللى فيه بقى فاهم كويس ايه اللى ليه وايه اللى عليه كمان حاسة ان بقى فيه تفاعل كبير وبقيت بشوف ردود من اميرات مش كنت بشوفها بترد قبل كدة وشوية شوية هتلاقى الكل بيرد وبيساهم كمان بلاش نعمله يا كوكيه ولا حتى نص ونص يعنى اللى عايز واللى مش عايز لاة لاما الك لاما لاة وانا من راىى لاة
وبرضه اللى تشوفيه كوكيه

كلامك صح يا ايمى انا كمان اول مادخلت المنتدى ماكنتش برد مع ان كان فى مواضيع كتير بتعجبنى بس ماكنتش عارفه انى المفروض ارد لحد ماواحده من الاميرات كتبت عن الموضوع ده وقد ايه حاجه بتضايق فانا رديت عليها وقلتلها انى كنت بعمل كده وانى مش حكرر الموضوع ده تانى ومن يومها وانا مابطلعش من موضوع من غير ما ارد عليه وملاحظه ان بقى فى اميرات كتير بيعملو كده

خلاص يا بنات لازم نصبر ان شاء الله ر بنا هيكرمنا ان شاء الله وصدقونى كلنا هنحس بالتغيير قريب ان شاء الله بصبرنا وتعاونا مع بعض مش هنلاحق علي الردوود باذن الله وانا متابعه المنتدي من الاول يا بنات الحمد لله الجروب اللي متابع وبيرد واللهي بيزيد مع الوقت احسن من الاول كتير ان شاء الله الجي احسن

أكيد ان شاء الله مافيش حاجه بتيجى مره واحده كله مع الوقت المهم اننا مع بعض مستمتعين بالصحبه الجميله دى

ان شاء الله وانا والله حاسة بكدة بجد انا ملاحظة ان المنتدى اول ما انا اشتركت فيه غير دلوقتى حاسة انه كبر كدة والاميرات ماشاء الله كتروا وبقى فيه تفاعل من الكل مع بعضه واتطور وحساه بقى متميز اكتر والمواضيع بقت اسخن واسخن بقيت بجد بحس بتغيير كل يوم