سلطة خضرا ( زوجي ما زال حبيبي )

سلطة خضرا


بمووووووت في عمايل السلطة زي ما انت بتموت في أكلها
وبحب اعملها في بيتنا وبس وبحب اعملها وانت معايا وبس
لما بعملها من غيرك ما بيبقاش ليها طعم
بتبقى مجرد سلطة

لكن وياك بتبقى .. سلطة وفرحة وهزار وضحك وشقاوة وطفولة ودلع وكل حاجة حلوة فيك وفيا
بحبك اوي لما تيجي تعمل تسلل وتخطف مني خيارة ولا ورقة خس
ولا لما اقرر اكافأك وأكلك انا بإيدي حتة جزرة ولا أوطة
وبحبك وانت بتتتريأ عليا وانا بعيط من البصل

و علشان كده لزقت على حيطان المطبخ كل الصور اللي صورتهاني وانا بسسسح من البصل
و معاهم صورك لما تعطفت عليا سموك وقررت تعمله بدالي
بحب كمان اخطف منك اللي خطفته من طبق السلطة ونلف ورا بعض الشقة كلها زي العيال

ولا شكلك وانت هتموووووت مستعجل ع الأكل وانا بتدلع وانا بعمل السلطة علشان عايزة رشوة ;) أو علشان بعاقبك
وبحبك اوووووووووي وانت بتصالحني لو زعلانة وتقول لي
" ما تيجي نعمل سلطة "

ل ساره درويش
كتب زوجي ما زال حبيبي

ههههههههههههههه جميله اوى اوى تسلم ايديكى احاسيس انثي منقوله صحيح تسلمي يا قمر

واااااااااااااااااااااااااااااااو روعه بجد وبحبك اوووووووووي وانت بتصالحني لو زعلانة وتقول لي
" ما تيجي نعمل سلطة "



تسلم ايدك تحفه

تسلمولي يارب
هي ساره بجد ما شاء الله عليها
كتاباتها حلوه اوي
هي كمان اللي كاتبه قصه ساره وعمر
ودي بجد قصه تحفه
لو عايزينها قولولي وانزلهالكم

جميله قوى انا بحبه اكتر لما بيعمل هو السلطه

هههههههههههههههه جميلة حلوة خالص قصة عمر وسارة دى جميلة اوى برضه وهى موجودة هنا حبيبتى
تسلم ايدك ياسكر

فاطمه
ايمي
ميرسي ليكوا جدا
يارب دايما المواضيع اللي بنزلها تعجبكوا