الرئيسية
أحدث الصور
دخول
التسجيل
nimomonaاميره نشيطه- عدد المساهمات : 206
الاوسمه :
♥ زوجي مازال حبيبي ♥
16.03.11 15:07
لمــا لـقـيـتــــك...
لما لقيتك عرفت يعني إيه " وحشتني " ويعني إيه
...
" محتاجة اشوفك " ويعني إيه " ب ح ب ك "
يعني إيه اتولد في كل مرة ابص فيها في عينيك
عرفت ازاي ممكن اكون مستعدة أدفع لك عمري بجد ..
عرفت ان الحب الحاجة الوحيدة اللي ممكن تخليني ادعي ربنا ياخد من عمري ويديلك ..
وادعي ربنا يخفف عنك ويبتليني .. ولو لازم حد فينا يتألم يبقى انا وهبقى مبسوطة
عرفت ازاي لما افرح انت اول حد يخطر في بالي ولما الدنيا تضيق في وشي انت تبقى البراح
فهمت ازاي الحب بيخلي العشاق مجانين وأطفال
وكمان بيخليهم زي الأنبياء .. قلبهم ابيض وجواهم غفران وتسامح للكون كله
عرفت طعم ومعنى الدنيا والضحكة والفرحة والشوق والوحشة والوجع .. عرفت معنى الخوف والأمان
والحب اللي بجد...
كل دا حصل لي لما لقيتك .. لأني عمري ما حبيت بجد إلا لما لقيتك
ربنا ما يحرمني منك...
عارف يعني ايه أكون مراتك ؟!
دا مش بس معناه اني
هعيش مع حد اخترته واختارني
مع حد هيستحمل عصبيتي .. تعبي .. فشلي
مع حد هيفرح لكل حاجة حلوة اعملها مهما كانت صغيرة
حد أحس
معاه اني معايا مش مع حد تاني
إني اكون مراتك معناه اني هضمن اني
من حقي أناديك في آخر لحظة من عمري
واطلب منك
تقعد معايا شوية لأني خلاص بموت .. علشان عايزة
اشبع منك
وانت تقولي لأ
ما تقوليش كده
وتزعل مني
وأشوف في عنيك لحظتها كل حاجة حبتها فيك ..
المح خوفك عليا .. حبك ليا .. زعلك مني
وابتسامتك
وانت بتحاول تطمني .. وأفضل باصة لك لحد ما روحي تروح
لربنا
وألمح ملامحي في ملامحك واتطمن .. لأني عارفة اني
هفضل عايشة فيك وبيك
زي ما كنت طول عمري عايشة بيك وليك
ياااااااااه يارب
ما اتحرم من اني أعيش معاك اللحظة دي
يااااارب لما اموت اكون مراتك
ويكون اسمي جنب اسمك لحد ما نتقابل تاني .. في الجنة ان شاء الله
تعرف بحلم بإيه ؟
بحلم يجي اليوم اللي الاقيك فيه بتزعق لابننا علشان زعلني
وتقوله انت ازاي تزعلها ؟ انت ماتعرفش هي تعبت قد ايه واتحملت قد ايه ؟
وتقوله ازاي تزعلها وهي بتحبنا قد الدنيا وأكتر ...
ساعتها هنسى أي حاجة زعلتني في حياتي كلها
هنسى كل تعب تعبته في حياتي
هنسى كل لحظة وحشة وهتوه فيك
ومهما كان شكلك وقتها - انا عارفة لما هتكبر هتوحش وانا هحلو ههههه -
هشوفك في عيني ملاك
هشوفك راجلي زي ما اتعودت
أماني وحصني .. كل حاجة بحبها وبطمن بيها هلاقيها فيك
ساعتها مش بعيد اجري عليك احضنك وانسى اننا المفروض مركبين الوش
الخشب لابننا علشان يحترم نفسه شوية
يااااااااااه قد ايه اللحظة دي بعيدة
بس بلمسها وبعيشها في احلامي كتييييييير
تعرف اني عاملة لك عمل ؟؟
أيوة طبعاً اومال يعني انت هتحبني الحب دا كله بالساهل !!
انا كل اول شهر باخد مبلغ معين كده واديه للشيخ بتاع الجامع اللي ورانا ...
علشان يطلعه صدقة بنية دوام سعادتنا
وباخد أي حاجة فيها عرقك (( قَطَرك يعني )) ..
واغسلها واكويها وارجعهالك معطرة
و وانا بعمل لك الأكل بقعد اقرا عليه شوية كلام ..
أيووووووون .. بقعد اقول يااااااااارب يطلع حلو علشان هو تعبان طول النهار في شغله و جعان
ونفسي أوي ابسطه
وبحط لك في هدومك حجاب .. مش حجاب واحد لأ كتييييييير
علشان كل ما تيجي تطلع حاجة من جيبك تلاقي ورقة بقولك فيها
" بحبك " أو " وحشتني " أو " خلي بالك منك .. انا ماليش غيرك "
وكل يوم قبل ما تخرج بقعد اقرا أدعية في سري
واستودعك وادعي ربنا يحرسك ويحميك
بذمتك مش عَمل جامد وما يخرش الماية
واحسن من بتاع ام حزمبل واشتاتا أشتوت ؟؟
لأ وايه .. احلى حاجة في العمل دا
انك كل ما تصلي وتتوضا و نقرا قرآن سوا العمل مفعوله يزيد
مش يبطل ..
لــ ســـــارة درويـــش
:كتاب
زوجي مازال حبيبي
لما لقيتك عرفت يعني إيه " وحشتني " ويعني إيه
...
" محتاجة اشوفك " ويعني إيه " ب ح ب ك "
يعني إيه اتولد في كل مرة ابص فيها في عينيك
عرفت ازاي ممكن اكون مستعدة أدفع لك عمري بجد ..
عرفت ان الحب الحاجة الوحيدة اللي ممكن تخليني ادعي ربنا ياخد من عمري ويديلك ..
وادعي ربنا يخفف عنك ويبتليني .. ولو لازم حد فينا يتألم يبقى انا وهبقى مبسوطة
عرفت ازاي لما افرح انت اول حد يخطر في بالي ولما الدنيا تضيق في وشي انت تبقى البراح
فهمت ازاي الحب بيخلي العشاق مجانين وأطفال
وكمان بيخليهم زي الأنبياء .. قلبهم ابيض وجواهم غفران وتسامح للكون كله
عرفت طعم ومعنى الدنيا والضحكة والفرحة والشوق والوحشة والوجع .. عرفت معنى الخوف والأمان
والحب اللي بجد...
كل دا حصل لي لما لقيتك .. لأني عمري ما حبيت بجد إلا لما لقيتك
ربنا ما يحرمني منك...
عارف يعني ايه أكون مراتك ؟!
دا مش بس معناه اني
هعيش مع حد اخترته واختارني
مع حد هيستحمل عصبيتي .. تعبي .. فشلي
مع حد هيفرح لكل حاجة حلوة اعملها مهما كانت صغيرة
حد أحس
معاه اني معايا مش مع حد تاني
إني اكون مراتك معناه اني هضمن اني
من حقي أناديك في آخر لحظة من عمري
واطلب منك
تقعد معايا شوية لأني خلاص بموت .. علشان عايزة
اشبع منك
وانت تقولي لأ
ما تقوليش كده
وتزعل مني
وأشوف في عنيك لحظتها كل حاجة حبتها فيك ..
المح خوفك عليا .. حبك ليا .. زعلك مني
وابتسامتك
وانت بتحاول تطمني .. وأفضل باصة لك لحد ما روحي تروح
لربنا
وألمح ملامحي في ملامحك واتطمن .. لأني عارفة اني
هفضل عايشة فيك وبيك
زي ما كنت طول عمري عايشة بيك وليك
ياااااااااه يارب
ما اتحرم من اني أعيش معاك اللحظة دي
يااااارب لما اموت اكون مراتك
ويكون اسمي جنب اسمك لحد ما نتقابل تاني .. في الجنة ان شاء الله
تعرف بحلم بإيه ؟
بحلم يجي اليوم اللي الاقيك فيه بتزعق لابننا علشان زعلني
وتقوله انت ازاي تزعلها ؟ انت ماتعرفش هي تعبت قد ايه واتحملت قد ايه ؟
وتقوله ازاي تزعلها وهي بتحبنا قد الدنيا وأكتر ...
ساعتها هنسى أي حاجة زعلتني في حياتي كلها
هنسى كل تعب تعبته في حياتي
هنسى كل لحظة وحشة وهتوه فيك
ومهما كان شكلك وقتها - انا عارفة لما هتكبر هتوحش وانا هحلو ههههه -
هشوفك في عيني ملاك
هشوفك راجلي زي ما اتعودت
أماني وحصني .. كل حاجة بحبها وبطمن بيها هلاقيها فيك
ساعتها مش بعيد اجري عليك احضنك وانسى اننا المفروض مركبين الوش
الخشب لابننا علشان يحترم نفسه شوية
يااااااااااه قد ايه اللحظة دي بعيدة
بس بلمسها وبعيشها في احلامي كتييييييير
تعرف اني عاملة لك عمل ؟؟
أيوة طبعاً اومال يعني انت هتحبني الحب دا كله بالساهل !!
انا كل اول شهر باخد مبلغ معين كده واديه للشيخ بتاع الجامع اللي ورانا ...
علشان يطلعه صدقة بنية دوام سعادتنا
وباخد أي حاجة فيها عرقك (( قَطَرك يعني )) ..
واغسلها واكويها وارجعهالك معطرة
و وانا بعمل لك الأكل بقعد اقرا عليه شوية كلام ..
أيووووووون .. بقعد اقول يااااااااارب يطلع حلو علشان هو تعبان طول النهار في شغله و جعان
ونفسي أوي ابسطه
وبحط لك في هدومك حجاب .. مش حجاب واحد لأ كتييييييير
علشان كل ما تيجي تطلع حاجة من جيبك تلاقي ورقة بقولك فيها
" بحبك " أو " وحشتني " أو " خلي بالك منك .. انا ماليش غيرك "
وكل يوم قبل ما تخرج بقعد اقرا أدعية في سري
واستودعك وادعي ربنا يحرسك ويحميك
بذمتك مش عَمل جامد وما يخرش الماية
واحسن من بتاع ام حزمبل واشتاتا أشتوت ؟؟
لأ وايه .. احلى حاجة في العمل دا
انك كل ما تصلي وتتوضا و نقرا قرآن سوا العمل مفعوله يزيد
مش يبطل ..
لــ ســـــارة درويـــش
:كتاب
زوجي مازال حبيبي - كليوباتراملكه المنتدى
- رقم عضويتك : 1
عدد المساهمات : 84033
الاوسمه :
العمل/الترفيه : طبيبه اسنان
رد: ♥ زوجي مازال حبيبي ♥
16.03.11 16:02
ايه الكلام الجامد ده حلو اوى تسلم ايديكى يا قمر
- ام يوسفاميره ماسيه
- رقم عضويتك : 50
عدد المساهمات : 10284
الاوسمه :
رد: ♥ زوجي مازال حبيبي ♥
16.03.11 16:53
حلو أوي
فتاة الاحزانمشرفه قسم الشعر
- رقم عضويتك : 2801
عدد المساهمات : 6860
الاوسمه :
العمل/الترفيه : خريجه كلية الحقوق
رد: ♥ زوجي مازال حبيبي ♥
16.03.11 22:08
حلو اوى تسلم ايديكى
- nimomonaاميره نشيطه
- عدد المساهمات : 206
الاوسمه :
رد: ♥ زوجي مازال حبيبي ♥
18.03.11 13:49
ربنا يخليكوا يا احلي اميرات
لو عاجبكوا انزلكوا حاجات كمان من المدونه
لو عاجبكوا انزلكوا حاجات كمان من المدونه
roaa2010اميره فضيه- رقم عضويتك : 3948
عدد المساهمات : 3778
الاوسمه :
رد: ♥ زوجي مازال حبيبي ♥
18.03.11 14:33
جميل تسلم ايديكي
صلاحيات هذا المنتدى:
لاتستطيع الرد على المواضيع في هذا المنتدى