حد يفسر الحلم ده ضرورى

السلام عليكم ورحمة الله وبركاته
مش هطول عليكوا بس انا حلمت وعايزة حد يفسرلى حلمى بس محدش يقول عليا مجنونة
من سنة زى دلوقتى حلمت بشخص عمرى ما شفته بس فى الحلم شفت شكله وعرفت ان اسمه احمد وكنا فى مكان واسع اوى كأنه مطار وهو كان معايا وانا بقوله انى لازم امشى واروح للمكان اللى قدامى وهو قعد يقولى بلاش تروحى هناك استنى خليكى هنا بس انا مشيت وسبته وحاولت انى اوصل للمكان اللى قدامى وكل ما قرب الاقى المكان ده يبعد بقيت بجرى وبرضه المكان بيبعد ولما بصيت ورايا لقيت ان المسافه اللى بينى وبينه زى ماهى كأنى ممشتش فرجعتله تانى وقالى انا قلتلك خليكى هنا وانا فضلت اعيط لانى حاسة انى تايهة....وبعدها بكام شهر حلمت بيه تانى انى كنت بغرق وهو اللى خرجنى بس اما طلعت من البحر لقيت نفسى فى غابةوخايفة اوى قالى امشى من هنا ومتخافيش هتلاقينى وفضلت تايهة فى الغابة واول ماندهت عليه لقيته جنبى بيقولى انا قلتلك انى مش هسيبك وخدنى وصلنى لطريق فى نور وناس
ودلوقتى انا قابلت الشخص ده فى الحقيقة واسمه احمد هو معايا فى الشغل بس هو اللى حلمت بيه نفس الضحكة ونفس النظرة وكل حاجه
ده يبقى تفسيره ايه مع العلم انى مخطوبة من نفس الوقت اللى حلمت فيه بالشخص ده
معلش طولت عليكوا بس انا محتاجه الرد ضرورى