مع مجموعه دابر فاتيكا شعرك يجنن دايما وعلي ضمانتي

ازيكم يا احلي اميرات
انا جيت انقلكم تجربتي الشخصيه مع مجموعه دابر فاتيكا وهي تابعه ايضا لشركه دابر املا
بس انا بحب استعمل دابر فاتيكا لسبب لان دابر املا منتجاته المصريه مش بتعجبني زي الخليجيه
بحس ان املا المصري مضروب اوي
المهم فيه ناس جربت دابر فاتيكا ومعجبهاش قولو ليه
اكيد شعرهم جاف واستخدمو منتجات الزيتون
لكن احسن الانواع هي اللي باللوز للشعر الجاف

انا استخدمت زيت دابر فاتيكا باللوز بجد رووووووووووعه وصورته اهي ريحته تجنن

زيت دابر فاتيكا باللوز للشعر الجاف



زيت دابر فاتيكا بالزيتون للشعر العادي



زيت دابر فاتيكا بالصبار للشعر الدهني



دابر فاتيكا زيت للشعر طبيعي



زيت دابر فاتيكا بجوز الهند لجميع الانواع




جينا للمهم وهو كريم دابر فاتيكا دا بقا بيحصل فيه لخبطه جامده خدوا بالكم وانتو بتشتروه لان الكريم بتاع الزيتون شبه بتاع اللوز بالظبط بخلاف الرسمه اللي في الجنب لازم تقراي مكوناته كويسه اللي علي العلبه قبل ما تشتريه
هنفرق ازاي اولا هتلاقي علي الكريم كريم دابر فاتيكا باللوز والحنا وعليه صوره لوزه ريحته تجنن برده

دابر فاتيكا كريم للشعر بالحناء واللوز للشعر الجاف



دابر فاتيكا كريم للشعر بالزيتون والصبار للشعر العادي



دابر فاتيكا كريم للشعر للحمايه من القشره



دابر فاتيكا كريم للشعر لحمايه اللون مهم لصاحبه الشعر المصبوغ




نيجي لشامبو دابر فاتيكا فيه 4 انواع منه اختاري ما يناسب شعرك

1- للشعر المتضرر والمتقصف
بالبيض والعسل
شامبو يصلح ويحافظ ويساعد علي تقويه الشعر ويعيد اليه الحيويه



2- للشعر العادي
بالزيتون والحناء ألو فيرا اللوز
شامبو يغذي ويحمي وينعم ويعيد الحيويه



3- للشعر المتكسر والمتساقط والضعيف
بالصبار والثوم والجرجير
شامبو الحمايه من تساقط الشعر يقوي الشعر ويغذيه



4- شامبو للشعر الجاف والمتجعد
باللوز والعسل والزبادي والحناء
شامبو يحافظ علي الرطوبه



ايضا حمام الزيت رائع ولكن اختاريه علي حسب نوع شعرك

حمام زيت للشعر الجاف والتالف والباهت
يعمل علي الترطيب العميق الشعر
بالزيتون ولوز وحناء



حمام زيت للشعر المتضرر والضعيف والمتساقط
يعمل علي التغذيه المكثفه للشعر
بالبيض والعسل والخروع والنخاع



حمام زيت للشعر المتكسر والمتساقط والضعيف
يعمل علي الحمايه من تساقط الشعر
بالثوم والصبار وجوز الهند



لو استخدمتي المجموعه المناسبه لشعرك كامله شعرك هيبقي حلو اوي وعن تجربه
بالتوفيق يا احلي بنات

حصري وغير موجود باي منتدي اخر
لو عجبكم متنسوش تقيموه
روان

طب ودا فى مصرى وفى مستورد ولا ايه؟؟؟؟اصلى نفسى اجيب حمام الزيت وخايفة وكمان يارورو يعنى الشامبو سعره كاااام؟؟
وكمان المنتجات دى اللاقيها فى اى مكان؟؟
وطبعا تم التقيييييم لانى كنت فعلا ناويه ادخل لمنتاجات دابر فاتيكا ومكنتش اعرف معلومات عنه تسلم ايديكى بجد

mariana.ibram كتب:طب ودا فى مصرى وفى مستورد ولا ايه؟؟؟؟اصلى نفسى اجيب حمام الزيت وخايفة وكمان يارورو يعنى الشامبو سعره كاااام؟؟
وكمان المنتجات دى اللاقيها فى اى مكان؟؟
وطبعا تم التقيييييم لانى كنت فعلا ناويه ادخل لمنتاجات دابر فاتيكا ومكنتش اعرف معلومات عنه تسلم ايديكى بجد

بصي يا حبيبتي انا استخدمت الزيت بتاع اللوز هو وكريم اللوز لان شعري جاف وكنت بلفه كان بيبقي شكله كانه مكوي وريحتهم تجنن مووووووت
اسعارهم عاديه يعني مش غاليه خالص والانواع المصريه منهم حلوه برده بخلاف دابر املا الانواع المصريه منه غير مشرفه ههههههههههههههههه
وفيه عبوات صغيره من الزيت والكريم لو عايزاها تجربي الاول تقريبا ب6 جنيه و10 لاتتعدي ذلك حاجات بسيطه يعني
الحمام بتاع الزيت شوفي نوع شعرك في اللي انا ذكرتهم وهاتيه
وبرده مش غالي تقريبا ب 20 جنيه
وهتلاقيهم في محلات مستحضرات التجميل او الصيدليه
انا الصراحه بشتريهم من تاجر جمله
ولو استخدمتي الزيت والكريم والشامبو والحمام بتاع الزيت بجد يعني المجموعه بتظبط بعضها فهماني يا حبي
وبالتوفيق

اصل انا المحل اللى بجيب منه مشوفتش فيه الا الزيوت والكريمات وعلبة حمام زيت كل مابروح بشوفها شكلها مش ناوى حد يشتريها ههههههههه بس بصراحه عمرى ماشوفت الشامبو
يارورو انتى استعملتى المصرى ولا المستورد؟؟

لا يا ماريانا انا استعملت المصري منه حلو

ويارب العلبه تكون من نصيبك هههههههههههههههههه

يا جامد يا رورو حلوه اوى الموضوع بجد هجيب الكريم لبنتى بقي ان شاء الله اجربه تسلمي يا قمر

روان كتب:لا يا ماريانا انا استعملت المصري منه حلو

ويارب العلبه تكون من نصيبك هههههههههههههههههه

هههههههههههه دى تلاقى العلبه مدة صلاحيتها انتهت
انا هجرب حمام الزيت اللى بالتوم دا اكيد هيطلع خرافه بس الشامبو بكاااااااام؟

انا بموت فى فاتيكا شعرى بيزعل منى لما بغير الكريم انا اول مرة اشوف باقى الانواع دى بس عن تجربتك ان شاء الله حجربهم
ميرسى ليكى

كليوباترا كتب:يا جامد يا رورو حلوه اوى الموضوع بجد هجيب الكريم لبنتى بقي ان شاء الله اجربه تسلمي يا قمر

بالتوفيق يا كوكي وقوليلنا النتيجه

mariana.ibram كتب:


هههههههههههه دى تلاقى العلبه مدة صلاحيتها انتهت
انا هجرب حمام الزيت اللى بالتوم دا اكيد هيطلع خرافه بس الشامبو بكاااااااام؟

اها يا عيني تلاقيها اكسبيرد علي رايك
الشامبو الصراحه لسه نازل بقاله شهر معرفش سعره علشان لسه جديد