حد يطمني ياجماعه

يابنات اول واحده منكم تدخل على النت تطمني ربنا يباركلكم انا قلقانه قوى ولا عارفه اتصل بحد فى مصر لا على النت ولا على التليفون
سمعت فى التلفزيون ان خطوط النت والتليفون مقطوعه فى مصر
ربنا يعديها على خير يارب

انا كل ما افتح التلفزيون اترعب اكتر و بيقولو ان ده فى كل محافظات مصر يارب استر
طمنونى

الحمد لله ان التليفونات الارضيه شغاله عرفت اطمن على اهلى بس أسوء شئ أن النت مش شغال المنتدى مالوش طعم من غيركم كل ما أدخل الاقى نفسى لوحدى
ان شاء الله اليومين دول يعدو على خير والامور ترجع لطبيعتها
وحشتونى بجد

ان شاء الله خير يا فاطمه الموبايلات اشتغلت وبيقولوا النت قرب يشتغل خلاص ربنا يزيح الغمه عن مصر ويطمنا على اهالينا وبلدنا يارب

يارب يا رورو يارب

ادعولنا يا بنات ادعو لمصر وصلوا طبعا مش قادرين نعمل حاجه غير اننا نبقي مع بعض ادعوا كتير يارب يبعد الشر عننا امين يارب العالمين

يارب امين
الحمد لله على رجوعك بجد وحشتينا

الحمد لله يا فاطمه المهم مصر ادعولها وباذن الله هيرجع كل حاجه كويسه بدعاء المؤمنين والله وانتم بجد وحشتونى يارب ابعد الفتنه عننا وكل ضرر يارب

ازيكم يا بنات يا رب تكونو كلكم بخير

وادعو لمصر تعدي الازمه دي علي خير

بجد قلبي بيتقطع وامي مش بتبطل بكي

ووحشتوني كتيير

كلنا نخلى دعانا فى كل صلاه لمصر وان شاء الله الامور تهدى والحال يتصلح
انا خدت بنصيحة كليوباترا وكنت بكبر كتير
يارب نسألك الاجابه