ممكن تفسير

هو مش انا اللى حلمت الحلم هى واحده صحبتى
حلمت خير اللهم اجعله خير ان انا وخطيبى انتحرنا فى اسكندريه وللعلم انا من القاهره وخال صحبتى دى ساكن فى اسكندريه المهم فى واحد غريب اتصل على خال صحبتى وقاله فى ناس تخصك هنا عليا انا وخطيبى المهم ان خال صحبتى اتصل بيها وقالها اللى حصل وهى قعدت تعيط وتقول ازاى حصل ده بعد كده اتصلت بواحده صاحبتنا تانيه وقالتلها اللى حصل وبعدين اتفقوا انهم يجوا البيت عندى عشان يعرفوا ايه اللى حصل ولما وصلوا البيت لاقوا امى واختى ومكنش فيهم حد زعلان ومفيش جو حزن ولما صاحبتى اللى شافت الحلم اختى ايه اللى حصل ردت عليها قالتلها مفيش حاجه حصلت
ولما صحيت من النوم كانت بتعيط ومرهقه من العياط
ومعلش فى حلم تانى اختى شافته
شافت فى الحلم انى كنت بجهز شقتى وكانت واسعه جدا ومكنش عارفه احط فيها ايه وكنت عايزة اشترى سفره وعجبتنى سفره بتسع كراسى ومكنتش عاجبه اختى وقعدت تقنع فيا ان مفيش سفره بتسع كراسى ومع ذلك اشتريتها برده ولما حطيتها فى الشقه كانت الشقه برده واسعه وكانت الشفره مش باينه من وسع الشقه
ومعلش انا طولت عليكى

يا بنات اي حلم تصحي مضايقه منه متحكيهوش خالص ده نصيحه وانسي ومتقوليهوش لحد نهائي لاسباب كتير اقروا التنويه اللي موجود في قسم التفسير لانى شرحه فيه بس ان شاء الله خير كل اللي بنشوفه خير باذن الله استبشري خير تجديه ومشمشه لما تدخل باذن الله هتفسره ربنا يحفظكك يارب

للاسف انا مكنش قريته وانا اساسا مش بهتم بتفسير الاحلام دايما بس اول مره حد يشوفنى فى حلم ويحكيلى يعنى اهتميت اكتر وانا عن نفسى نادرا مابفتكر حلم حلمته دايما بصحى من النوم ناسيه الحلم وان شاء الله خير

فعلا يا قمر زي ما كوكو قالتلك مينفعش تقولي حلم ضايقك وانا كمان مينفعش افسرهولك عشان لاقدر الله يتحقق
تفائلي خير يا قمر
ومنوراني يا حبيبتي في اي وقت

يعنى هو تفسيره وحش ولا ايه طيب بالنسبه للحلم التانى انتى كده بصراحه قلقتينى

يا حبيبتي بالنسبه للحلم الاولاني هو ضايقك اي سيره انتحار اكيد مش حلوه اذا كانت في حلم ولا حقيقه
عشان كده طالما ضايقك مهما كان تفسيره باه حلو ولا وحش متحكهوش
بالنسبه للحلم التاني
ده عادي جدا مالوش تفسير غير انك بس مشغوله بالشقه وفرشها وعايزه تخلصيها عادي يعني عقل باطن شغال هههههههه
ربنا يتمملك علي خير يا قمر
ومتقلقيش من حاجه ادعي بس وكله ان شاء الله يمشي تمام
ومنوراني يا حبيبتي